चहाची मजा होईल द्विगुणित, घरी बनवा कुरकुरीत आणि झटपट तयार होणारी ‘मसाला पापडी’

Masala Papdi Recipe : कुरकुरीत मसाला पापडी ही चहासोबत खाण्यासाठी एक उत्तम स्नॅक आहे. कमी वेळात, कमी साहित्य वापरून तयार होणारा हा पदार्थ तुम्ही कोणत्याही प्रसंगी सर्व्ह करू शकता.

(फोटो सौजन्य: Youtube)

Follow Us:

Follow Us:

“संध्याकाळच्या चहासोबत काहीतरी चटपटीत, कुरकुरीत आणि झटपट तयार होणारे स्नॅक्स खाण्याची मजा काही औरच असते. अशा वेळी मसाला पापडी हा एक परफेक्ट पर्याय ठरतो. ही पापडी घरच्या घरी सहज तयार करता येते आणि त्यासाठी लागणारे सर्व साहित्य घरातच उपलब्ध असते. मसाला पापडीला बाहेरून कुरकुरीत टेक्स्चर आणि आतून हलका मसालेदार स्वाद असतो. ती बनवताना बेसन, मैदा आणि तिखट-मीठ यासारखे सोपे घटक वापरले जातात. चहासोबत खाण्यासाठी ही एक परफेक्ट डिश आहे.

Diwali 2025 : खमंग, कुरकुरीत आणि आकर्षित दिसणारी ‘चंपाकळी’; दिवाळीच्या फराळात नक्की करा समावेश

ही पापडी तुम्ही चहासोबत, सणासुदीच्या दिवसांत किंवा पाहुणचारासाठी बनवू शकता. शिवाय, ती एकदम क्रिस्पी असल्याने लहानांपासून मोठ्यांपर्यंत सगळ्यांनाच आवडते. मसाला पापडी दीर्घकाळ टिकणारी असल्याने ती एका एअरटाईट डब्यात साठवून ठेवली, तर काही दिवसांसाठी टिफिनमध्ये किंवा प्रवासातही खाऊ शकतो. चला जाणून घेऊया यासाठी लागणारे साहित्य आणि कृती.

साहित्य:

• १ कप मैदा
• १/४ कप रवा
• २ टेबलस्पून बेसन
• १ टेबलस्पून तेल (मोहनासाठी)
• १/२ टीस्पून अजवाइन
• १/२ टीस्पून लाल तिखट
• चिमूटभर हळद
• चवीनुसार मीठ
• तळण्यासाठी तेल
• आवश्यकतेनुसार पाणी

कृती:

• यासाठी सर्वप्रथम एका भांड्यात मैदा, रवा आणि बेसन घ्या. त्यात मीठ, लाल तिखट, हळद आणि अजवाइन घाला.
• यानंतर त्यात मोहनासाठी तेल टाका आणि सर्व घटक चांगले एकत्र करून घ्या. हातात धरल्यावर पीठ थोडं एकत्र राहील असं मिश्रण तयार करा.
• आता थोडं थोडं पाणी घालत घट्ट आणि घट्टसर पीठ मळून घ्या. त्यावर ओलसर कापड झाकून १५-२० मिनिटे बाजूला ठेवा.
• मळलेले पीठ छोटे गोळे करून त्याची पातळ पोळी लाटा. ती काट्याने टोचून घ्या जेणेकरून तळताना फुगणार नाही.
• लाटलेली पोळी छोट्या चौकोनी किंवा गोल आकारात कापा.
• कढईत तेल गरम करा आणि या पापड्या मध्यम आचेवर सोनेरी रंग येईपर्यंत तळा.
• तळलेल्या पापड्या टिश्यू पेपरवर काढा जेणेकरून अतिरिक्त तेल निघून जाईल.
• पापडी तळताना आच मध्यम ठेवा, म्हणजे त्या कुरकुरीत होतील.
• अजवाइनऐवजी तुम्ही थोडं काळं मीठ घालूनही स्वाद बदलू शकता.
• थंड झाल्यावर त्या एअरटाईट डब्यात साठवा.

Web Title: Make tasty and cripsy masala papadi perfect for tea time snack recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com