शिमला नाही हे आहे भारताचं पहिलं हिल स्टेशन, 200 वर्षे जुना इतिहास; उष्णतेपासून वाचण्यासाठी ब्रिटिशांनी शोधले होते ठिकाण

उन्हाळा ऋतू सुरु आहे, याकाळात हिल स्टेशन ही पर्यटकांची पहिली पसंती असते. देशात अनेक लोकप्रिय हिल स्टेशन्स आहेत जसे की शिमला, मनाली, नैनिताल मात्र यातील एकही देशाचे पहिले हिल स्टेशन नाही, चला याचे अचूक उत्तर जाणून घेऊया.

भारतात प्रवास करायला अनेक सुंदर आणि निसर्गरम्य ठिकाणे आहेत. सध्या उन्हाळा ऋतू सुरु आहे अशात अनेकजण उन्हाळ्याच्या सुट्टीत थंड हवेच्या ठिकाणी जाण्याचा प्लॅन करतात. या सीजनमध्ये देशातील सुंदर हिल स्टेशन अनेकांच्या आवडीचे ठिकाण असते. शांततेने आणि थंड वातावरणाने भरलेली हे हिल स्टेशन फिरण्यासाठीचे एक उत्तम ठिकाण आहे . देशभरात अनेक लोकप्रिय हिल स्टेशन आहेत यात शिमला, मनाली यांचे अग्रस्थानी! मात्र तुम्हाला देशातील पहिले हिल स्टेशन कोणते ते माहिती आहे का? अनेकांना हे ठाऊक नाही मात्र भारतातील पहिल्या हिल स्टेशनचा शोध हा इंग्रजांनी लावला होता. चला याविषयी सविस्तर जाणून घेऊया.

मुंबईतील 1BHK हून कमी किमतीत बालीत खरेदी करता येईल आलिशान वीला; इन्फ्लुएंसरने शेअर केला VIDEO

हे आहे भारताचे पहिले हिल स्टेशन

आम्ही तुम्हाला सांगतो की, मसुरी हे भारताचे पहिले हिल स्टेशन आहे. याचाही एक सुंदर आणि स्वतःचा असा जुना इतिहास आहे. मसुरी या ठिकणाला टेकड्यांची राणी असे म्हटले जाते. उत्तराखंडच्या कुशीत वसलेले हे एक अतिशय सुंदर पर्यटन स्थळ आहे. येथील उंच पर्वत, हिरवळ आणि थंड वारा पर्यटकांना आकर्षित करतो. उन्हाळ्यात येथे मोठी गर्दी असते. उंचावर असल्याने, उन्हाळ्यातही येथे थंडी राहते. लोक येथे येतात आणि शांततेचे क्षण घालवतात. आज आपण या लेखात मसुरीला हिल स्टेशनचा दर्जा कसा मिळाला याचा एक रंजक इतिहास जाणून घेणार आहोत.

स्वातंत्र्यापूर्वी बांधले गेले होते हिल स्टेशन

ब्रिटिशांमुळेच भारतात हिल स्टेशन्सची स्थापना झाली. खरं तर, स्वातंत्र्यापूर्वी, जेव्हा उन्हाळा त्यांच्या शिखरावर असायचा, तेव्हा हे ब्रिटिश लोक त्यांच्या संपूर्ण कुटुंबासह येथे येऊन राहत असत. यानंतर त्याला वाटले की व्यवसाय करण्यासाठी हा एक चांगला पर्याय असू शकतो. पैसे कमवण्यासाठी त्यांनी येथे लहान झोपड्या बांधल्या ज्या आता रिसॉर्टमध्ये रूपांतरित झाल्या आहेत. हळूहळू येथे बाजारपेठा, चर्च आणि शाळा यांचे बांधकाम करण्यात आले. त्यांनतर इथे रस्तेही विकसित झाले आणि या ठिकाणाचे रूपांतर प्रसिद्ध हिल स्टेशनमध्ये झाले.

5 वर्षांनंतर अखेर या तारखेपासून सुरु होणार Kailash Mansarovar Yatra; संपूर्ण माहिती जाणून घ्या

असेही म्हटले जाते की येथे सफरचंदाची झाडे लावणारे पहिले ब्रिटिश होते. आता तुम्हाला इथे देवदाराची झाडे जास्त दिसतील. तुम्हाला हे जाणून आश्चर्य वाटेल की मसुरी हे शहर पहिल्यांदा झोपडीत वसवले गेले होते. काही काळानंतर ब्रिटिशांनी मोठे रिसॉर्ट बांधले. तुम्हाला सांगतो की, क्वीन ऑफ हिल्सची स्थापना १८२३ मध्ये झाली होती. म्हणजेच ते बांधून २०२ वर्षे झाली आहेत. मसूरी हिल स्टेशन समुद्रसपाटीपासून ६७५८ फूट उंचीवर आहे. मसुरी केवळ त्याच्या सुंदर दऱ्यांसाठीच नाही तर त्याच्या ऐतिहासिक महत्त्वासाठी देखील ओळखले जाते. मसुरी एक असे ठिकाण आहे जिथे तुम्ही सहज पोहचू शकता, शिवाय इथे जाण्यासाठी तुम्हाला जास्त खर्चाचीही गरज नाही.