केस धुतल्यानंतर खूप जास्त गळतात? जावेद हबीब यांनी सांगितलेली केस धुवण्याची सोपी पद्धत, केसांची होईल वाढ

केस कसे धुवावेत:

जावेद हबीब यांनी सांगितल्यानुसार, केस स्वच्छ ठेवण्यासाठी केस व्यवस्थित धुवणे सुद्धा तितकेच आवश्यक आहे. चुकीच्या पद्धतीने केस धुतल्यास केसांच्या समस्या वाढू लागतात. यामुळे केस आठवड्यातून दोनदा व्यवस्थित स्वच्छ धुवावेत. केस धुवण्यासाठी प्री कंडिशनिंग करणे गरजेचे आहे. त्यासाठी सगळ्यात आधी केस व्यवस्थित ओले करून घ्या. त्यानंतर केसांना तेल लावा. तेल लावून झाल्यानंतर हलक्या हाताने मसाज करा. ५ मिनिटं मसाज करून झाल्यानंतर काहीवेळ केस तसेच ठेवून द्या.

डोके स्वच्छ करण्यासाठी केस शॅम्पूच्या सहाय्य्यने स्वच्छ धुवून घ्यावे. केस धुवण्यासाठी तुम्ही साबणाचा सुद्धा वापर करू शकता. शिकेकाई, आवळा, रिठा इत्यादी पदार्थांपासून बनवलेल्या साबणाचा किंवा पावडरचा सुद्धा तुम्ही वापर करू शकता. नैसर्गिक पदार्थांचा वापर केल्यामुळे केसांच्या मुळांना पोषण मिळते. याशिवाय केस व्यवस्थित स्वच्छ होतात. केसांच्या इतर समस्यांपासून आराम मिळवण्यासाठी आयुर्वेदिक पदार्थांचा वापर करावा.

पांढरे केस काळे करण्यासाठी घरगुती पद्धतीने बनवलेल्या ‘या’ हेअरमास्कचा करा वापर, दिसाल अधिक तरुण

केसांची काळजी कशी घ्यावी:

केसांची काळजी व्यवस्थित काळजी घेतल्यास केस अतिशय सुंदर दिसतात. वारंवार केसांवर मशीन किंवा हेअर ट्रीटमेंट केल्यामुळे केसांची मूळ कमकुवत होऊन जातात. त्यामुळे केसांसंबधित समस्या वाढू लागल्यानंतर दुर्लक्ष करू नये. केस धुण्यासाठी जेंटल शॅम्पूचा वापर करावा. यामुळे केस अतिशय मऊ आणि मुलायम होण्यास मदत होते. याशिवाय केस स्वच्छ धुतल्यानंतर केसांना जास्त जोरात स्पर्श करू नये. यामुळे केसांना हानी पोहचते.नैसर्गिक पद्धतीने केस सुकवावे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.