धुतलेले केस ओले असताना चुकूनही करू नका ‘या’ चुका, अन्यथा केस होतील झाडू सारखे खराब आणि कोरडे

ओले केस अतिशय अतिशय नाजूक असतात. केस ओले झाल्यानंतर कटिकल’ उघडलेला जातात. यामुळे केस अधिक संवेदनशील आणि कमजोर होण्याची शक्यता असते. केस कमजोर आणि निस्तेज झाल्यानंतर मोठ्या प्रमाणावर गळू लागतात. म्हणूनच आज आम्ही तुम्हाला ओल्या केसांची कशा पद्धतीने काळजी घ्यावी, याबद्दल सविस्तर माहिती सांगणार आहोत. नाजूक केसांची योग्य पद्धतीने काळजी घेतली नाहीतर केस अतिशय निस्तेज आणि कोरडे झाल्यासारखे वाटू लागतात.

शॉवरपूर्वी केसांना नीट करा:

केस स्वच्छ धुवाण्याआधी केस व्यवस्थित विंचरणे आवश्यक आहे. कारण गुंता झालेले केस पाण्याने धुतल्यानंतर अजूनही गुंतण्याची शक्यता असते. त्यामुळे केस धुवण्याआधी व्यवस्थित विंचरून घ्या. केस धुवून झाल्यानंतर हेअर सिरमचा वापर करावा. हेअर सिरम केसांची गुणवत्ता कायम टिकवून ठेवण्यासाठी मदत करतो. याशिवाय केस धुवण्याआधी गुंता सोडवल्यास केस जास्त ओढले जाणार नाहीत. यामुळे केस गळण्याचे प्रमाण कमी होऊन जाईल.

ओल्या केसांवर जबरदस्ती फिरवणे:

ओल्या केसांवर जबरदस्तीने कंगवा फिरवू नये. यामुळे केसांच्या मुळांना हानी पोहचते. केस अतिशय नाजूक असतात. त्यामुळे ओल्या केसांवर कंगवा फिरवल्यास केसांची गुणवत्ता आणखीनच खराब होऊन जाते. त्यामुळे धुतल्यानंतर लीव्ह-इन कंडिशनरचा वापर करावा. लीव्ह-इन कंडिशनर लावल्यामुळे केसांमध्ये वाढलेला गुंता कमी होण्यास मदत होते. याशिवाय केस विंचरण्यासाठी वाइड-टूथ कंगवा किंवा डिटॅंगलिंग ब्रशचा वापर करावा. यामुळे तुमचे केस तुटणार नाहीत.

काखेत वाढलेला काळेपणा लवकर जात नाही?आजीबाईच्या बटव्यातील ‘हा’ उपाय ठरेल प्रभावी, काळेपणा होईल गायब

केसांची वेणी घालू नये:

केस पाण्याने स्वच्छ धुतल्यानंतर कधीही केसांची वेणी किंवा आंबाडा घालू नये. असे केल्यामुळे केसांची मूळ ताणली जातात. केसांच्या मुळांवर ताण आल्यामुळे केस गळणे किंवा केस तुटण्याची समस्या उद्भवू लागते. केस घट्ट बांधल्यानंतर केसांमध्ये गाठी तयार होतात. या गाठी मोकळ्या करताना केस तुटून जातात. त्यामुळे केस धुतल्यानंतर कधीही घट्ट बांधू नये.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.