ब्रेन स्ट्रोक येण्यपूर्वी शरीर देतो काही संकेत… लक्षात येताच घ्या डॉक्टरांची धाव

ब्रेन स्ट्रोकच्या आधी शरीर काही महत्त्वाचे संकेत देते, जसे की चेहरा वाकडं होणे, हात-पाय कमकुवत होणे, बोलण्यात अडचण येणे. हे लक्षण ओळखून वेळेवर उपचार घेतल्यास स्ट्रोकचा धोका कमी करता येतो आणि प्राणही वाचू शकतो.

फोटो सौजन्य - Social Media

Follow Us:

Follow Us:

ब्रेन स्ट्रोक, ज्याला मेंदूचा झटका असेही म्हटले जाते, ही एक अतिशय गंभीर आणि जीवघेणी स्थिती असते. यामध्ये मेंदूमध्ये रक्तपुरवठा अचानक थांबतो किंवा कमी होतो, ज्यामुळे मेंदूच्या पेशींना ऑक्सिजन आणि पोषण मिळत नाही. यामुळे काही मिनिटांतच मेंदूच्या पेशी मरू शकतात. परंतु अशा प्रसंगांपूर्वी शरीर काही महत्त्वाचे संकेत देत असते. हे संकेत ओळखून वेळीच डॉक्टरांकडे धाव घेतल्यास स्ट्रोक टाळता येऊ शकतो किंवा त्याचा परिणाम कमी होऊ शकतो.

‘रूप बाहुलीचे, काम हैवानाचे’ ती आपल्यात अजून आहे; पण कुठे? माहित नाही…

ब्रेन स्ट्रोक येण्याआधी सर्वात सामान्य लक्षण म्हणजे अचानक होणारी अंगाच्या एका बाजूची कमजोरी किंवा असंवेदनशीलता. जर एखाद्या व्यक्तीच्या चेहऱ्यावर, हातावर किंवा पायावर अचानकपणे कमजोरी जाणवू लागली, तर ती एक गंभीर सूचना असू शकते. यासोबतच बोलण्यात अडचण होणे, अस्पष्ट बोलणे, शब्द विसरणे हे देखील ब्रेन स्ट्रोकचे सुरुवातीचे संकेत असू शकतात.

दृष्टी अचानक कमजोर होणे किंवा डोळ्यासमोर धुंध दिसणे हे देखील महत्त्वाचे लक्षण आहे. काही लोकांना डोळ्यांपैकी एका डोळ्याने बघण्यात अडचण निर्माण होते. याशिवाय अचानक प्रचंड डोकेदुखी होणे, जी पूर्वी कधीच अनुभवली नसेल, हे देखील स्ट्रोकचे लक्षण असू शकते. चालण्यात असंतुलन, अचानक चक्कर येणे, चालताना तोल जाणे किंवा समन्वय हरवणे हीदेखील लक्षणे शरीर देत असते. काही वेळा लोक याकडे दुर्लक्ष करतात आणि ते सामान्य थकवा समजतात, पण ही चूक जीवावर बेतू शकते.

किस करणं ठरेल आजारांना आमंत्रण, ‘या’ लोकांनी राहावे सावध

अशा कोणत्याही लक्षणांची जाणीव होताच त्वरित वैद्यकीय उपचार घेणे गरजेचे आहे. ‘FAST’ ही चाचणी पद्धत लक्षात ठेवावी – Face (चेहरा वाकडे होणे), Arms (हात उचलता न येणे), Speech (बोलण्यात अडचण), आणि Time (वेळेवर उपचार घेणे). स्ट्रोकची शक्यता असताना त्वरित हॉस्पिटलमध्ये दाखल होणे अत्यंत आवश्यक असते. वेळीच उपचार मिळाल्यास रुग्णाचे प्राण वाचू शकतात आणि कायमस्वरूपी अपंगत्वापासून बचाव होतो. त्यामुळे शरीर दिलेले संकेत ओळखा आणि डॉक्टरांची मदत घ्या कारण काही मिनिटांची दिरंगाईही धोका निर्माण करू शकते.

Web Title: Early signs of stroke

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com