Eye Mucus: सकाळी उठल्यानंतर डोळ्यांमध्ये चिकट पदार्थ जमा होतो? ‘या’ लक्षणांकडे अजिबात करू नका दुर्लक्ष, अन्यथा दृष्टी होईल कमी

Eye Mucus: डोळ्यांच्या कडांवर साचून राहिलेल्या चिकट थरामुळे डोळ्यांना खाज येणे , लालसरपणा आणि पाणी य़ेणे इत्यादी लक्षणे दिसू लागतात. डोळ्यांच्या समस्यापासून आराम मिळवण्यासाठी डॉक्टरांच्या सल्ल्याने योग्य उपचार करावेत.

• डोळ्यांमध्ये वेदना होण्याची कारणे? 
• डोळ्यांच्या कोपऱ्यात चिकट पदार्थ कशामुळे साचून राहतो? 
• डोळ्यांची स्वच्छता कशी करावी? 

Eye Mucus: मानवाला निसर्गाने दिलेला एक अत्यंत महत्त्वाचा आणि अनमोल अवयव म्हणजे डोळे. डोळ्यांनी आपण सुंदर जग पाहू शकतो. जगातील प्रत्येक सुंदर गोष्ट डोळ्यांनी पाहता येते. पण तांसतास मोबाईल, लॅपटाॅप पाहत राहिल्यामुळे डोळ्यांचे आरोग्य बिघाडून जाते. डोळे लाल होणे, सूज, वेदना, प्रकाश सहन न होणे किंवा दृष्टी धुरकट होणे इत्यादी डोळ्यांसंबधित समस्या उद्धभवू लागतात. डोळ्यांच्या कोपऱ्यात चिकट जमा होण्यास सुरूवात होते. अश्रू, म्युकस, नैसर्गिक तेल आणि त्वचेच्या मृत पेशी डोळ्यांच्या कडांवर जमा होऊन राहतात. डोळ्यांभोवती वांरवांर पांढऱ्या रंगाचा किंवा हिरव्या रंगाचा चिकट थर जमा होऊन डोळ्यांचे आरोग्य बिघडते. दिवसभरात वारंवार वेगवेगळ्या रंगाचा चिकट थर जमा होत असेल तर दुर्लक्ष न करता तातडीने डाॅक्टारांच्या सल्ल्याने उपचार करणे आवश्यक आहे. चला तर जाणून घेऊया डोळ्यांच्या विविध समस्या कशामुळे उद्धभवतात? डोळ्यांची काळजी कशी घ्यावी, याबद्दल जाणून घेऊया सविस्तर.(फोटो सौजन्य – istock)

Cerebral palsy in Adults: प्रौढांमधील सेरेब्रल पाल्सीबाबतचे ‘हे’ 4 गैरसमज; जाणून घ्या तज्ज्ञ काय सांगतात ते…

पांढरा, हिरवा आणि पिवळा चिपड

सकाळी झोपेतून उठल्यानंतर डोळ्यांच्या कडांभोवती पाणीदार किंवा पांढरा चिकट थर जमा होत असेल तर डोळे सुकणे, ॲलर्जी किंवा जळजळीमुळे असू शकते. ॲलर्जीमुळे डोळ्यांना खाज येणे , लालसरपणा आणि पाणी य़ेणे इत्यादी लक्षणे दिसू लागतात. अश्रूंची नलिका बंद झाल्यामुळे एकाच डोळ्यातून सतत पाणी येऊन चिकट म्युकस जमा होतो. पिवळा किंवा हिरवा घट्ट चिपड डोळ्यांमधून बाहेर पडत असेल तर जिवाणू संसर्गाचे प्रमुख लक्षण आहे. हिरवा रंगाची चिपड अधिक गंभीर संसर्ग दर्शवते. त्यामुळे डॉक्टरांच्या सल्ल्याशिवाय कोणतेही अँटीबायोटिक आय ड्रॉप्सचा वापर करू नये.

पापण्यांवर पापडी जमा होण्याची कारणे

पापण्यांच्या कडांवर घट्ट पापडी जमा होण्याला ब्लेफेरायटिस असे म्हणंटले जाते. जिवाणूंच्या वाढीमुळे खाज, जळजळ, डोळे लाल होणे आणि पापण्यांवर कोंड्यासारखे खवले जमा होऊन डोळ्यांचे आरोग्या बिघाडून जाते. डोळ्यांत वेदना होणे, प्रकाश सहन न होणे किंवा धुरकट दिसणे इत्यादी लक्षणांकडे अजिबात दुर्लक्ष न करता वेळीच उपचार घ्यावेत. याशिवाय कॉन्टॅक्ट लेन्स लावताना वेदना किंवा लालसरपणा झाल्यास लगेच लेन्स बदलून टाकावेत.

Health Update: नऊ महिन्यांच्या चिमुकलीच्या हृदयावर यशस्वी उपचार! ५ मिमीचा अडथळा दूर करत श्वसनसंसर्गाचा त्रास थांबविण्यात यश

डोळ्यांची स्वच्छता कशी ठेवावी

सौम्य प्रमाणात चिपड जमा झाल्यास कापूस किंवा मऊ कपडा पाण्यात ओला करून घ्यावा. त्यानंतर डोळे स्वच्छ पुसून घ्यावेत. प्रत्येक डोळ्यासाठी वेगळा कापसाची निवड करावी. डोळ्यांसबधित कोणताही संसर्ग झाल्यास डोळ्यांना हात लावू नये. सतत हात लावल्यामुळे  संसर्ग इतर ठिकाणीसुद्धा पसरु शकतो. रुमाल, उशी, आय मेकलप किंवा टॉवेल इतरांसोबत शेअर नये. डॉक्टरांच्या सल्ल्याशिवाय डोळ्यांमध्ये कोणतेही अँटीबायोटिक किंवा स्टेरॉईडयुक्त ड्रॉप्स टाकू नये.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.