Father’s Day 2025: वडिलांकडूनच 4 गोष्टी शिकतात मुलं, तज्ज्ञांनी सांगितलं काय घ्यावी काळजी

वडील आणि मुलामधील नाते खूप वेगळे असते. वडील हा आपल्या मुलासाठी एक आदर्श असतो. अशा अनेक गोष्टी आहेत ज्या फक्त एक वडीलच आपल्या मुलाला शिकवू शकतात, जाणून घ्या

जेव्हा मुलांच्या संगोपनाचा विचार केला जातो तेव्हा बहुतेकदा ही जबाबदारी आईवर टाकली जाते अथवा ती परंपरेने आपोआप येते. पण, संगोपनात आई इतकाच वडिलांचाही सहभाग असतो. बऱ्याचदा वडील मुलांना थेट काहीही शिकवत नाहीत, परंतु मुलं वडिलांना पाहून त्या गोष्टी शिकतात. विशेषतः वडील हे मुलाचे आदर्श असतात. अशा अनेक बोललेल्या आणि न बोललेल्या गोष्टी आणि वागणुकीच्या अनेक गोष्टी आहेत ज्या फक्त वडीलच मुलाला शिकवू शकतात. 

अशा परिस्थितीत, वडिलांची जबाबदारी बनते की त्यांनी त्यांचे वर्तन चांगले ठेवावे आणि काही महत्त्वाच्या गोष्टी लक्षात ठेवाव्यात जेणेकरून मुलामध्येही चांगले गुण येऊ शकतील. पालकत्व तज्ज्ञ याबद्दल सांगत आहेत. @maonduty इन्ल्फ्लुएन्सर यांनी याबाबत सोशल मीडियावर अधिक माहिती दिली आहे. मुलगा वडिलांकडून काय शिकतो आणि वडील मुलाचे भविष्य कसे घडवतात ते जाणून घेऊया (फोटो सौजन्य – iStock) 

महिलांशी कसे वागावे

मुलं नेहमी त्यांचे वडील त्यांच्या आईशी किंवा इतर कोणत्याही महिलेशी कसे वागतात हे नीट न्याहाळून पाहतात. त्यांच्या वडिलांचे वर्तन पाहून मुलेही असेच वागण्याचा प्रयत्न करू लागतात. यामुळे वडिलांची जबाबदारी बनते की त्यांनी त्यांच्या पत्नीचा किंवा इतर महिलांचा आदर करावा जेणेकरून मुलामध्येही तेच गुण विकसित होतील आणि कोणताही अनादर ते मोठा होऊन करणार नाहीत 

Father’s Day 2024: पिता-पुत्राचे नाते घट्ट करतील ‘हे’ उपाय, कधीही दुरावा वाढणार नाही

वडील रागाच्या भरात कसे प्रतिक्रिया देतात

मुले त्यांच्या वडिलांना पाहून रागाच्या भरात प्रतिक्रिया द्यायला शिकतात. जर वडील खूप रागावले आणि घरी ओरडले किंवा पत्नीशी योग्य वागणूक दिली नाही, तर त्याच सवयी मुलामध्येही दिसून येतात. जर मुलगाही रागावला तर तो अगदी त्याच्या वडिलांसारखाच प्रतिक्रिया देऊ लागतो. जर वडिलांना एखाद्या गोष्टीची समस्या असेल किंवा असे गृहीत धरले की तो रागावत आहे, तर मुलगा देखील त्याच्या भावना कशा हाताळतो हे पाहतो. अशा प्रकारे वडील जाणूनबुजून किंवा नकळत आपल्या मुलाच्या भावनांना आकार देतात आणि त्यांना घडवत असतात 

वडिलांसाठी कुटुंब किती महत्त्वाचे आहे?

मुलगा जेव्हा वडिलांशी बोलायला येतो तेव्हा ते सर्वकाही बाजूला ठेवतात की नाही? हे महत्त्वाचे आहे. कारण वडील मुलासाठी किंवा त्याच्या कुटुंबासाठी कसा वेळ काढत आहेत की नाही याचं निरीक्षण मुलं करत असतात. कुटुंबासाठी वेळ काढण्याच्या या सवयी मुलगा त्याच्या वडिलांकडून शिकतो.

वागणूक महत्त्वाची 

वडील आपल्या मुलाशी ज्या प्रकारे वागतात आणि ते ज्या प्रकारचे वडील आहेत, त्यांचा मुलगादेखील त्याच प्रकारचा वडील होण्यास सज्ज असतो किंवा त्याच प्रकारचा पिता बनण्याच्या दिशेने वाटचाल करतो. जर वडील आपल्या मुलाशी शांतपणे वागले किंवा त्याच्यासमोर त्याच्या भावना व्यक्त केल्या, तर मुलगादेखील आपल्या मुलाशी शांत राहतो आणि त्याच्या भावना चांगल्या प्रकारे व्यक्त करू शकतो. आपल्या वडिलांच्या पावलावर पाऊल ठेवतच सहसा मुलं मोठी होतात असे तज्ज्ञांनी सांगितले आहे. 

Chanakya Niti: मुलाला वाढवताना या चुका केल्यास होऊ शकते भविष्य उद्ध्वस्त

काय सांगतात तज्ज्ञ 

See more