Diwali 2024: भाजाणीची परफेक्ट चकली कशी तयार करायची? जाणून घ्या

दिवाळीसाठी चकल्या तयार करताना फसतात? मग आता चिंता सोडा आणि आजची ही पारंपरिक रेसिपी फॉलो करा. याच्या मदतीने तुम्ही घरीच परफेक्ट खुसखुशीत आणि कुरकुरीत अशी चकली तयार करू शकता.

दिवाळीचा सण आता अवघ्या काही दिवसांवर येऊन ठेपला आहे. या सणाला हिंदू धर्मात फार महत्त्व आहे. या सणादरम्यान संपूर्ण सृष्टी जाणून उजळून येते. जागोजागो दिव्यांची रास, फटाक्यांचा कडकडाट आणि मुलांचा उत्साह या सर्वच गोष्टी मनाला प्रसन्न करून टाकतात. त्याचबरोबर यात येतो एक महत्त्वाचा भाग म्हणजेच दिवाळीचा फराळ! दिवाळीच्या फराळही अनेकजण आतुरतेने वाट बघत असत. दिवाळीत अनेकांच्या घरी हा फराळ आवर्जून बनवला जातो. यात अनेक पदार्थांचा समावेश असतो आणि यातीलच एक प्रमुख आणि लोकप्रिय पदार्थ म्हणजे भाजणीची चकली.

घरात तयार केलेली ही कुरकुरीत चकली लहानांपासून मोठ्यांपर्यंत सर्वांच्याच आवडीची. मात्र अनेकदा घरी ही चकली बनवताना हवी तशी चकली तयार होत नाही. कधी कडक तर कधी नरम कधीकधी तर तेलात जाताच चकलीच्या मिऱ्या सुटू लागतात अशात आज आम्ही तुम्हाला घरच्या घरी परफेक्ट भाजणीची चकली कशी तयार करायची याची एक परफेक्ट रेसिपी सांगत आहोत. या रेसिपीने तुमची चकली अजिबात फसणार नाही.

हेदेखील वाचा – Diwali 2024: दिवाळीत घरीच बनवा मऊ रसरशीत गुलाबजाम, जाणून घ्या परफेक्ट रेसिपी

चकलीची भाजणी कशी तयार करायची?

• सर्वप्रथम लक्षात ठेवा यासाठी लागणारे साहित्य हे स्वछ धुवून वाळवून घ्यावे लागेल
• साहित्य – 3 वाट्या साधे तांदूळ, दीड वाटी हरभऱ्याची डाळ, 1 वाटी उडीद डाळ, अर्धी वाटी मूग डाळ, 1 वाटी
• पोहे, पाऊण वाटी धणे, 2 टेबल स्पून जिरे
• आता प्रथम मंद आचेवर तांदूळ हलके गुलाबी होईपर्यंत भाजून घ्या
• यांनतर हरभऱ्याची डाळ भाजून घ्या
• त्यानंतर उडीद डाळ भाजून घ्या
• मग मूग डाळ आणि मग पोहे भाजून घ्या
• पोहे अर्धे भाजून झाले की यात धणे टाका आणि काहीवेळ दोन्ही एकत्र भाजून घ्या
• तयार साहित्य एकत्रित करून थंड करून घ्या आणि मग यात दोन चमचे जिरे टाका
• आता तयार भाजणी दळून आणा

हेदेखील वाचा – Diwali 2024: यंदा दिवाळीला मार्केटसारखे बुंदीचे लाडू घरीच तयार करा, जाणून घ्या परफेक्ट रेसिपी

खुसखुशीत चकलीची रेसिपी

• यासाठी सर्वप्रथम एका भांड्यात पाऊण वाटी गरम पाणी, अर्धा टेबलस्पून तिखट, मीठ, अर्धा टेबलस्पून ओवा, 1
• टेबलस्पून तीळ, पाव टीस्पून हिंग, 2 टीस्पून तूप टाका
• या पाण्याला उकळी आली की या पाण्यात दोन वाटी भाजणीचे पीठ टाका
• आता गॅस बंद करा आणि तयार पीठ पाण्यात व्यवस्थित मिक्स करा
• त्यानंतर हे पीठ तासभर तसेच झाकून ठेवा
• तासाभराने पीठ हाताने मळून घ्यावे
• आता चकलीच्या साच्याला आतून थोडे तेल लावा आणि यात तयार पिठाचा एक गोळा टाका
• साच्याच्या मदतीने याच्या चकल्या पाडून घ्या
• शेवटी गॅसवर कढई ठेवून यात तेल टाका, चकल्या बुडतील अशा प्रमाणात तेलाचे प्रमाण जरा जास्तच घ्या
• तेल तापले की मध्यम आचेवर चकल्या छान कुरकुरीत होईपर्यंत तळून घ्या
• अशाप्रकारे तुमच्या खुसखुशीत आणि कुरकुरीत चकल्या तयार होतील
• दोन वाटी मिश्रणात साधारण 15 ते 16 चकल्या होतात तुम्ही आपल्या सोईनुसार याचे प्रमाण वाढवू शकता