Diwali 2024: दिवाळीत घरीच बनवा मऊ रसरशीत गुलाबजाम, जाणून घ्या परफेक्ट रेसिपी

दिवाळीनिमित्त तुम्ही घरी गोड रसरशीत गुलाबजाम तयार करू शकता. लहानांपासून मोठ्यांपर्यंत गुलाबजाम हे सर्वांच्याच आवडीचे! अशात आजची ही रेसिपी घरातील सर्वांचे मन जिंकण्यास तुमची मदत करेल.

Follow Us:

Follow Us:

दिवाळीचा सण अवघ्या काही दिवसांवर आला आहे. सध्या दिवाळीची रंगत तयारी सर्वत्र सुरु आहे. घराची साफसफाई, फराळ या सर्व गोष्टींना आता सुरुवात झाली आहे. हिंदू धर्मात दिवाळी सणाला फार महत्त्व असते. या सणानिमित्त जागोजागी दिव्यांची रोशनाई असते. दिव्यांच्या प्रकाश आपल्या या सणात पाहायला मिळतो. आता सण म्हटला की मिठाई आलीच.

आज आम्ही तुम्हाला भारतीय मिष्टान्नातील एका प्रसिद्ध आणि लोकप्रिय पदार्थाची रेसिपी सांगत आहोत. हा पदार्थ म्हणजे, गुलाबजाम. लहानांपासून मोठ्यांपर्यंत सर्वांनाच गुलाबजाम हा पदार्थ फार आवडतो. तोंडात जाताच विरघळणारे हे गुलाबजाम तुम्ही घरीदेखील बनवू शकता. त्यामुळे आता यंदाच्या दिवाळीला बाजारातून गुलाबजाम आणायची काहीच गरज नाही. घरी तुम्ही झटपट रसरशीत गुलाबजाम तयार करू शकता. यासाठी लागणारे साहित्य आणि कृती जाणून घ्या.

हेदेखील वाचा – Diwali 2024: यंदा दिवाळीला मार्केटसारखे बुंदीचे लाडू घरीच तयार करा, जाणून घ्या परफेक्ट रेसिपी

साहित्य

• मावा – 250 ग्रॅम
• छेना – 100 ग्रॅम
• मैदा- 4 टेस्पून
• बेकिंग पावडर – 1/2 टीस्पून
• दूध – 2-3 चमचे (आवश्यकतेनुसार)
• तेल – तळण्यासाठी
• साखर – २ कप
• पाणी – 1 कप
• वेलची – २-३
• केशर धागे – काही
• गुलाब पाणी – 1 टेबलस्पून

हेदेखील वाचा – Diwali 2024: यंदाच्या दिवाळीला बनवा जाळीदार-मऊसूत अनारसे, नोट करा पारंपरिक रेसिपी

कृती

• गुलाबजाम तयार करण्यासाठी सर्वप्रथम गॅसवर एक पातेलं ठेवा
• यानंतर यात पाणी आणि साखर टाकून व्यवस्थित ढवळा
• साखर पूर्णपणे विरघळल्यानंतर त्यात वेलची आणि केशर घाला
• व्यवस्थित पाक तयार झाला की गॅस बंद करा
• पाक तयार झाला की नाही तपासण्यासाठी पाक हलके बोटावर घेऊन याची तार खेचली जात आहे की नाही ते तपासा
• दोन बोटांवर चिटकून जर याची तार खेचली गेली तर तुमचा पाक तयार आहे आणि नाही तार आली तर आणखीन काही वेळ याला शिजू द्या
• आता एका भांड्यात मावा आणि छेना घ्या आणि चांगले मिसळा
• मग यात मैदा आणि बेकिंग पावडर घालून हलक्या हाताने चांगले मळून घ्या
• तुम्ही यात ड्रायफ्रुटस बारीक करून देखील घालू शकता
• आता तयार पिठाचे लहान गोळे तयार करा
• यानंतर गॅसवर कढई ठेवा आणि यात तेल टाका
• तेल गरम झाले की मध्यम आचेवर हे गोळे छान सोनेरी रंग येईपर्यंत तळून घ्या
• तळलेले गोळे गरम पाकात टाका आणि 3-4 तास यावर झाकण ठेवून द्या
• यानंतर तयार गुलाबजाम खाण्यासाठी सर्व्ह करा

Web Title: How to make gulab jamun for diwali 2024 know easy recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com