चवीबरोबच आरोग्याचीही काळजी! अशाप्रकारे घरी बनवा Masala Oats; चव अशी की सर्वजण बोटं चाटत राहतील

Masala Oats Recipe: पौष्टिक पण तितकेच चविष्ट असे काही बनवण्याचा विचार करत असाल मसाला ओट्स तुमच्यासाठी एक उत्तम पर्याय आहे. याची चव इतकी चमचमीत लागते की तुम्ही बोट चाटायला कमी करणार नाही.

सध्याच्या धावपळीच्या युगात अनेकजण बाहेरचे फास्ट फूड खाण्यावर अधिक भर देतात, ज्यामुळे कमी काळातच त्यांचे वजन झपाट्याने वाढू लागते. हे वाढलेले वजन कमी करण्यासाठी अधिकतर लोक डाएटिंगचा आधार घेतात. आता हेल्दी खायचं म्हटलं की, ओट्स या पदार्थाचे नाव सर्वात पहिले मनात येते. मात्र अनेकांना याची चव फारशी आवडत नाही. अशात आम्ही तुमच्यासाठी मसाला ओट्सची एक टेस्टी रेसिपी घेऊन आलो आहोत. याची चव इतकी अप्रतिम लागते की तुम्ही पुन्हा पुन्हा याचा आस्वाद घ्याल

.मसाला ओट्स हा एक नाश्ता आहे जो केवळ स्वादिष्टच नाही तर पोषक देखील आहे. ओट्समध्ये भरपूर फायबर, प्रोटीन आणि जीवनसत्त्वे असतात ज्यामुळे तुमची पचनक्रिया निरोगी राहण्यास मदत होते. हे तुमच्या त्वचेसाठी आणि केसांसाठीही खूप फायदेशीर आहेत. चला तर मग जाणून घेऊयात यासाठी लागणारे साहित्य आणि कृती.

व्हेज खाद्यप्रेमींसाठी खास! घरी ट्राय करा झणझणीत कोबी खिमा रेसिपी, लगेच नोट करा साहित्य आणि कृती

साहित्य

• 1 कप ओट्स
• 1/2 कप पाणी
• 1/4 कप दूध (किंवा नारळाचे दूध)
• 1/2 टीस्पून हळद पावडर
• 1/2 टीस्पून धने पावडर
• 1/4 टीस्पून लाल तिखट
• 1/4 टीस्पून गरम मसाला
• आले, किसलेले
• 1/4 टीस्पून जिरे
• 1 कांदा, बारीक चिरलेला
• 1 टोमॅटो, बारीक चिरून
• 1/2  कप वाटाणे
• 1/2 कप गाजर किसलेले
• 1 हिरवी मिरची, बारीक चिरून
• चवीनुसार मीठ
• ताजी कोथिंबीर, बारीक चिरून (गार्निशसाठी)

थंडीत केळीच्या चिप्समुळे चहाची मजा होईल द्विगुणित, 15 मिनिटांत तयार होते रेसिपी

कृती

• मसाला ओट्स बनवण्यासाठी प्रथम एका नॉन-स्टिक पॅनमध्ये जिरे टाका आणि तडतडू द्या. नंतर त्यात कांदा आणि हिरवी मिरची घालून सोनेरी होईपर्यंत परतून घ्या
• यानंतर यात टोमॅटो, गाजर आणि मटार घालून काही मिनिटे शिजवून घ्या
• त्यात हळद, धने पावडर, तिखट, गरम मसाला, मीठ आणि आले घालून मिक्स करा
• आता त्यात ओट्स घालून मिक्स करा
• मग यात गरजेनुसार पाणी आणि दूध घालून सर्व साहित्य नीट एकजीव करा
• पॅनवर झाकण ठेवून मध्यम आचेवर काही मिनिटे ओट्स मऊ होईपर्यंत शिजवा
• शेवटी गॅस बंद करून त्यात चिरलेली कोथिंबीर घालून गरमा गरम मसाला ओट्स खाण्यासाठी सर्व्ह करा