शिळ्या चपातीपासून झटपट बनवा मसाला पोळी, सकाळच्या नाश्त्यासाठी उत्तम रेसिपी

सकाळच्या घाईगडबडीच्या वेळी नाश्ता करण्यासाठी अजिबात वेळ मिळत नाही. म्हणूनच आज आम्ही तुमच्यासाठी शिळ्या चपातीपासून बनवल्या जाणाऱ्या एका हटके पदार्थाची रेसिपी घेऊन आलो आहोत. या रेसिपीने तुमचा वेळही वाचेल आणि तुमच्या शिळ्या चपात्या आवडीने खाल्ल्या जातील.

Follow Us:

Follow Us:

आपल्या भारतीय संस्कृतीत आपण कधीही मोजून अन्न शिजवत नाही. कधी कोणाला काही कमी पडू नये या विचाराने गृहिणी नेहमीच अधिकचे जेवण शिजवतात. मात्र बऱ्याचदा हे अन्न जास्तीचे उरले की याचे काय करावे असा प्रश्न मनात घोघावत राहतो. यात चपाती सामान्य पदार्थ आहे जो दररोज आपल्या घरी बनवला जातो. आता अनेकांना शिळे अन्न पुन्हा खाण्याची इच्छा नसते मात्र अन्न फेकून द्यावेसेदेखील वाटतं नाही. अशात तुम्ही या उरलेल्या चपात्यांपासून एक नवीन पदार्थ तयार करू शकता.

आज आम्ही तुम्हाला उरलेल्या चपात्यांपासून स्वादिष्ट मसाला पोळी कशी तयार करायची याची एक सोपी रेसिपी सांगत आहोत. ही रेसिपी अगदी सोपी आहे आणि हिला तयार करण्यासाठी अधिक वेळही लागत नाही. सकाळच्या घाईगडबडीच्या वेळी तुम्ही ही झटपट रेसिपी ट्राय करू शकता. जाणून घ्या यासाठी लागणारे आवश्यक साहित्य आणि कृती.

साहित्य

• शिळ्या पोळ्या
• 2 बारीक चिरलेला कांदा
• 2 बारीक चिरलेले कांदा
• 1 वाटी बारीक चिरलेली कोथिंबीर
• 1 चमचा तिखट
• 1 चमचा चाट मसाला
• चवीपुरते मीठ
• तेल आवश्यकतेनुसार

हेदेखील वाचा – जेवणाची रंगत वाढवेल चटकदार पांढऱ्या कांद्याचे लोणचे, त्वरित रेसिपी नोट करा

कृती

• मसाला पोळी बनवण्यासाठी सर्वप्रथम शिळ्या चपात्या बाजूला काढून घ्या
• आता एका भांडे घ्या आणि त्यात चिरलेला कांदा, टॉमेटो, कोथिंबीर टाकून एकत्र करा
• यानंतर यात चाट मसाला, मीठ आणि तिखट घाला आणि सर्व साहित्य व्यवस्थित मिसळून घ्या
• नंतर गॅसवर तवा ठेवा आणि यावर शिळ्या चपातीला थोडे तेल लावून कडक भाजून घ्या
• आता पोळी एका ताटात काढून त्यावर तयार मिश्रण पसरवा
• अशाप्रकारे तुमची मसाला पोळी तयार होईल
• तुम्ही ही पोळी सॉससोबत खाण्यासाठी सर्व्ह करू शकता

Web Title: Leftover roti recipe perfect for breakfast

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com