Curd Rice Recipe: शरीराला थंडावा देण्यासाठी उन्हाळ्यात घरी बनवा स्वादिष्ट दही भात; चवीने मनही होईल तृप्त

उन्हाळ्यात दही भाताचे सेवन फार फायदेशीर मानले जाते. हे शरीराला थंडावा देते आणि पचन क्षमता देखील सुधारते. दही भाताची ही रेसिपी चवीला फार छान लागते आणि कमी वेळात बनून तयारही होते.

सध्या उन्हाळ्याचे ऋतू सुरु झाले आहेत. या ऋतूत शरीरात फार उष्णता जाणवते. जिला कमी कारण्यासाठी आपण आहारात काही थंड पदार्थांचा समावेश करू शकता. उन्हाळ्यात काही पदार्थांचे सेवन फार फायदेशीर ठरते, हे शरीराला थंडावा मिळवून देतात. उन्हाळ्यात अनेकांना उष्माघाताचा त्रास होत असतो. आपण जे काही खातो त्याचा सकारात्मक अथवा नकारात्मक परिणाम आपल्या शरीरावर होत असतो. आम्ही तुम्हाला सांगतो की, उन्हाळ्यात दही भात आरोग्यसाठी खूप लाभदायक ठरतो.

बनावटी पनीरचे प्रमाण वाढले आहे; बाजारातील भेसळयुक्त पनीर टाळा आणि दुधापासून घरीच तयार करा ताजे पनीर

दही भात हा एक दक्षिण भारतीय पदार्थ आहे जो लोक खूप आवडीने खातात. विशेषतः उन्हाळ्यात या पदार्थाची मागणी वाढते. उन्हाळ्यातील ही रेसिपी पोट थंड ठेवते आणि पचन सुधारते. खरंतर, दह्यामध्ये व्हिटॅमिन सी आणि प्रोबायोटिक्स भरपूर प्रमाणात असतात तर भातामध्येही स्टार्चचे प्रमाण चांगले असते. दही भाताची रेसिपी बनवणे खूप सोपे आहे. ही रेसिपीफार कमी वेळात बनून तयारही होते. चला जाणून घेऊया यासाठी लागणारे साहित्य आणि कृती.

साहित्य

• २ मोठे कप शिजवलेला भात
• २ कप दही
• चवीनुसार मीठ
• एक चमचा जिरेपूड
• एक चमचा धणेपूड
• २ हिरव्या मिरच्या चिरलेल्या
• हिरवे धणे चिरलेले
• अर्धा चमचा जिरे आणि मोहरी
• एक सुकी मिरची
• एक चमचा बेसन डाळ
• एक चमचा पांढरी उडीद डाळ

उन्हाळ्यात लहान मुलांसाठी १० मिनिटांमध्ये बनवा गव्हाच्या पिठाची चविष्ट पेज, नोट करून घ्या सोपी रेसिपी

कृती

• दही भात बनवण्यासाठी सर्वप्रथम भात शिजवा. भात शिजला की तो एका मोठ्या भांड्यात काढा आणि त्यात एक चमचा तूप घालून चांगले मिसळा
• भात थंड झाल्यावर त्यात दोन ग्लास पाणी घाला आणि भात चांगले मॅश करा आणि बाजूला ठेवून ठेवा
• आता पुढच्या टप्प्यात, एका मोठ्या भांड्यात एक मोठा कप दही घ्या आणि ते चांगले फेटून घ्या
• दही फेटल्यावर त्यात चवीनुसार मीठ, एक चमचा जिरेपूड आणि एक चमचा धणेपूड घाला
• आता दह्यात एक ग्लास पाणी घाला आणि पुन्हा एकदा चांगले मिसळा. आता पाण्यात मॅश केलेले तांदूळ दह्यात घाला आणि मिश्रण चांगले मिसळा
• आता एक चमचा तेलात एक कढीपत्ता, एक चमचा हरभरा डाळ, एक चमचा उडीद डाळ, अर्धा चमचा जिरे आणि मोहरी घालून परतून घ्या. डाळ तपकिरी झाल्यावर त्यात शेंगदाणे, बारीक चिरलेली हिरवी मिरची घाला आणि चांगला तडका तयार करा
• आता हा तडका दही भातात घाला आणि परतून घ्या
• अशाप्रकारे तुमचा दही भात तयार आहे