रविवारचा बेत करा आणखीन खास! घरी बनवा हॉटेल स्टाईल ‘प्रॉन्स मसाला’; साहित्य आणि कृती नोट करा

Tawa Prawns Masala: रविवारी काही खास बेत बनवण्याच्या विचारात आहात? मग हॉटेल स्टाईल प्रॉन्स मसाला बनवायला विसरू नका. ही डिश फार अवघ्या 10 मिनिटांतच तयार होते आणि चवीलाही छान लागते.

रविवार हा दिवस अनेक नॉन्व्हज प्रेमींसाठी आनंदाचा दिवस असतो. रविवार म्हटलं की, मांसाहाराचा बेत आलाच. अशात आम्ही तुमच्यासाठी रविवार स्पेशल एक खास रेसिपी घेऊन आलो आहोत. नॉनव्हेज प्रेमिंसाठी मासे हा त्यांच्या जिव्हाळ्याचा विषय. तुम्हीही मांसाहारी खाद्यप्रेमी असाल तर तुम्ही प्रॉन्स मसाला हा पदार्थ अनेकदा हॉटेल आणि ढाब्यामध्ये ट्राय केला असेल. मात्र तुम्हाला माहिती आहे का? याची रेसिपी फार सोपी आणि झटपट तयार होते आणि तुम्ही घरीदेखील हा पदार्थ बनवू शकता.

हॉटेलमध्ये गेल्यावर काही पदार्थ हे आवर्जून ऑर्डर केले जातात. त्यातीलच एक म्हणजे प्रॉन्स मसाला. झणझणीत मसाल्यात कोट झालेले चविष्ट प्रॉन्स चवीला काय अप्रतिम लागतात. याचे तर नाव घेताच अनेकांच्या तोंडाला पाणी सुटू लागते. अक्षर तुम्हालाही हा पदार्थ घरी बनवून पाहायचा असल्यास आजची ही रेसिपी एकदा नक्की ट्राय करून पहा. जाणून घेऊया यासाठी लागणारे साहित्य आणि कृती.

नाश्त्याला बनवा टेस्टी स्प्राउट्स कटलेट, अगदी कमी तेलातही कुरकुरीत होतील; जाणून घ्या झटपट रेसिपी

साहित्य

• 15-20 प्रॉन्स चे पिस
• 4 उभे चिरलेले कांदे
• 2 टोमॅटो
• 15 कडिपत्याची पाने
• 1/4 टिस्पून हिंग
• 1 टेबलस्पून आलेलसुण पेस्ट
• 1-2 टिस्पून धनेजिरे पावडर
• 1 टिस्पून लाल कलरचे तिखट
• 1-2 टेबलस्पून घरगुती तिखट मसाला
• 1/4 टिस्पून हळद
• 1-2 टेबलस्पून कोथिंबीर
• 1 टेबलस्पून कोकम आगळ
• चविनुसार मीठ
• 1-2 टेबलस्पून तेल

नाश्त्याला बनवा प्रोटीनने भरलेला अंडा-भुर्जी सँडविच, चवीलाही अप्रतिम; आरोग्यालाही फायदेशीर

कृती

• तवा प्रॉन्स मसाला बनवण्यासाठी सर्वप्रथम तुम्हाला काही पूर्वतयारी करावी लागेल
• यासाठी कांदे आणि टोमॅटो उभे चिरून घ्या आणि मग कोथिंबीर बारीक चिरून घ्या
• आता लोखंडी तव्यावर तेल गरम करा आणि त्यात हिंग, कडिपत्ता, आल लसुण पेस्ट टाकून परतून घ्या
• आता यात उभे चिरलेले कांदे, टोमॅटो, चिरलेली कोथिंबीर आणि मीठ घालून मिक्स करा
• मंद आचेवर सर्व साहित्य नीट शिजवून घ्या
• साहित्य नीट शिजले की यात लाल कलरचे तिखट, हळद, घरगुती तिखट मसाला धने जीरे पावडर घाला आणि व्यवस्थित मसाला परतून घ्या
• आता शेवटी यात प्रॉन्स घाला (शक्यतो प्रॉन्सची काढून घ्या)
• शेवटी यावर झाकण ठेवा आणि 5-10 मिनिटे सर्व साहित्य नीट शिजवून घ्या
• अशाप्रकारे तुमची चमचमीत डिश तयार होईल
• एका प्लेटमध्ये प्रॉन्स काढा आणि खाण्यासाठी सर्व्ह करा