नाश्त्याला बनवा टेस्टी स्प्राउट्स कटलेट, अगदी कमी तेलातही कुरकुरीत होतील; जाणून घ्या झटपट रेसिपी

Sprouts Cutlet Recipe: संध्याकाळच्या नाश्त्याला घरी बनवा चविष्ट पण तितकेच पौष्टिक असे स्प्राउट्स कटलेट. कंटाळवाणे वाटणारे स्प्राउट्स या रेसिपीने चवदार बनतील. ही रेसिपी वेट लॉससाठीही फायदेशीर ठरेल.

नाश्त्याला बनवा टेस्टी स्प्राउट्स कटलेट, अगदी कमी तेलातही कुरकुरीत होतील; जाणून घ्या झटपट रेसिपी

Follow Us:

Follow Us:

नाश्त्यासाठी स्प्राउट्स खाणे हा आरोग्यदायी पर्याय आहे. स्प्राउट्समध्ये प्रथिने, जीवनसत्त्वे आणि फायबर भरपूर प्रमाणात असतात. या तीन गोष्टी वजन कमी करण्यासाठी उपयुक्त ठरतात. प्रथिने आणि फायबरने युक्त नाश्ता केल्यानंतर तासन्तास भूक लागत नाही. मात्र, रोज नाश्त्यात स्प्राउट्स खाल्ल्याने कंटाळा येऊ लागतो. यासाठी तुम्ही स्प्राउट्सचे कटलेट बनवून खाऊ शकता.

स्प्राउट्स कटलेट चवीला खूप चवदार लागतात आणि हे फार कमी तेलात खूप कुरकुरीत बनवता येतात. स्प्राउट्स कटलेट देखील स्नॅक्समध्ये समाविष्ट केले जाऊ शकतात. संध्याकाळच्या नाश्त्यासाठी तुम्ही या पदार्थाची निवड करू शकता. याची रेसिपी फार सोपी असून हे बनवण्यासाठी जास्त वेळेचीही गरज नाही. शिवाय यासाठी अधिक साहित्याचीही गरज भासत नाही. चला तर मग जाणून घेऊया हे बनवण्यासाठी लागणारे साहित्य आणि कृती.

नाश्त्याला बनवा प्रोटीनने भरलेला अंडा-भुर्जी सँडविच, चवीलाही अप्रतिम; आरोग्यालाही फायदेशीर

साहित्य

• 2-3 उकडलेले बटाटे
• 200 ग्रॅम भिजवलेले हिरवे मूग
• 1 चमचा मीठ
• 1 चमचा किचन किंग मसाला
• 1 चमचा मिक्स हर्ब्स
• 1 चमचा लाल तिखट
• पातळ शेवया
• तेल

थंडीत नाश्त्याला झटपट बनवा Mix Vegetable Kabab, लहान मुलेही आवडीने खातील

कृती

• स्प्राउट्स कटलेट बनवण्यासाठी सर्वप्रथम साधारण 2-3 उकडलेले बटाटे घ्या
• बटाटे सोलून चांगले मॅश करा
• मग आता त्यात सुमारे 200 ग्रॅम हिरवे मूग घाला
• यानंतर यात 1 चमचा मीठ, 1 चमचा किचन किंग मसाला, 1चमचा मिक्स्ड हर्ब्स, 1  चमचा लाल तिखट घालून सर्व मसाले मिक्स करा
• आता तयार पिठापासून तुमच्या आवडीचे कटलेट बनवा
• नंतर अतिशय पातळ शेवया घेऊन हलक्या हाताने कुस्करून प्लेटमध्ये काढा. कटलेटवर शेवया हलक्या हाताने चिकटवा आणि हाताने दाबून सेट करा
• नॉन-स्टिक पॅन घ्या आणि तळण्यासाठी 2 चमचे तेल घाला
• आता तयार कटलेट तव्यावर ठेवा
• चमच्याच्या मदतीने कटलेट हलक्या हाताने पलटा आणि दुसरी बाजूही तपकिरी होईपर्यंत शॅलो फ्राय करा
• सर्व कटलेट त्याच पद्धतीने फ्राय घ्या आणि बाहेर काढून प्लेटमध्ये ठेवा
• तयार स्प्राउट्स कटलेट हिरवी चटणी किंवा सॉससोबत खाण्यासाठी सर्व्ह करा

Web Title: Make healthy and tasty sprouts cutlets for breakfast with this very simple and quick recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com