चहाला द्या बिस्किटांची जोड! घरीच बनवा मार्केट स्टाइल चॉको चिप्स कुकीज, सोपी आहे रेसिपी

Choco Chips Cookies: तुम्हीही चहाप्रेमी असाल तर आजची ही रेसिपी तुमच्यासाठी खास असणार आहे. आज आम्ही तुमच्यासोबत चॉको चिप्स कुकीजची एक सोपी रेसिपी शेअर करत आहोत. ही रेसिपी तुमच्या घरातील सर्वांनाच खुश करेल.

संध्याकाळ झाली की अनेकांना चहाची तलप येते. आता चहा म्हटला की त्यासोबत स्नॅक्स आलेच. चहासोबत खाण्यासाठी तसे तर अनेक पर्याय उपलब्ध आहेत जसे की, बिस्किटे, खारी, टोस मात्र आज आम्ही तुम्हाला सर्वांच्या आवडीच्या चॉको चिप्स कुकीजची रेसिपी सांगणार आहोत. ही रेसिपी फार सोपी असून अगदी निवडक साहित्यापासून बनवली जाते.

चॉको चिप्स कुकीज ही एक लोकप्रिय डिश आहे जी सर्व वयोगटातील लोकांना आवडते. ते बनवायला सोपे आणि खायला चविष्ट असतात. तुम्ही अनेकदा हे कुकीज विकत घेऊन खाल्ले असतील मात्र आम्ही तुम्हाला सांगतो की, हे कुकीज तुम्ही घरीदेखील अगदी सहज आणि सोप्या पद्धतीने तयार करू शकता. हे कुकीज एकदाच तयार केल्यास तुम्ही त्यांना अनेक महिने साठवून ठेवू शकता. जाणून घेऊया यासाठी लागणारे साहित्य आणि कृती.

पीठ आंबवण्याची गरज नाही, सकाळच्या नाश्त्याला झटपट बनवा बेसनाचे अप्पे; 15 मिनिटांची रेसिपी

साहित्य

• 1 कप (2 काड्या) नसाल्ट केलेले लोणी, मऊ
• 3/4 कप दाणेदार साखर
• 3/4 कप ब्राऊन शुगर
• 2 मोठी अंडी
• 1 टीस्पून व्हॅनिला अर्क
•  1/4 कप मैदा
• 1 टीस्पून बेकिंग सोडा
• 1/2 टीस्पून मीठ
• 2 कप चोको चिप्स

विकतचे कशाला घरीच सोप्या पद्धतीने बनवा Chilli Cheese Noodles, फार सोपी आहे रेसिपी

कृती

• यासाठी सर्वप्रथम ओव्हन 375°F (190°C) वर प्रीहीट करा
• यानंतर एका मोठ्या वाडग्यात, क्रीम बटर, साखर आणि ब्राऊन साखर फेटून घ्या
• मग यात अंडी आणि व्हॅनिला अर्क घाला आणि चांगले मिसळा
• एका वेगळ्या वाडग्यात, मैदा, बेकिंग सोडा आणि मीठ मिसळा
• ओल्या साहित्यांमध्ये कोरडे साहित्य घाला आणि चांगले एकत्र होईपर्यंत मिसळा
• आता यात चोको चिप्स घाला आणि मिक्स करा
• आता तयार मिश्रणाचे गोळे करून मग त्यांना कुकीजचा आकार द्या
• 10-12 मिनिटे किंवा ते सोनेरी तपकिरी होईपर्यंत हे कुकीज बेक करा
• कुकीज 5 मिनिटे थंड होऊ द्या
• तयार कुकीज एका डब्यात भरा आणि हवे तेव्हा खाण्यासाठी सर्व्ह करा
• तुम्ही चहासोबत यांना सर्व्ह करू शकता