हिवाळ्यात तयार करा पौष्टिक आणि चवदार गाजर कांजी! पिढ्याबपीढ्या बनवली जात आहे रेसिपी

गाजर कांजीचे नियमित सेवन केल्याने तुमचे डोळे निरोगी राहतात. एवढेच नाही तर गाजराची कांजी प्यायल्याने तुमची पचनशक्ती आणि रक्तदाबही सुधारतो, चला जाणून घेऊया गाजराची कांजी कशी बनवायची.

हिवाळा ऋतू सध्या सुरु आहे. या ऋतूत बाजारात अनेक भाज्या विक्रीसाठी येत असतात. या मोसमात गाजर देखील मोठ्या प्रमाणात येत असते. अशात तुम्ही घरी गाजर कांजी तयार करू शकता. कांजी हे एक आंबवलेले पेय आहे. हे उत्तर भारतातील अतिशय लोकप्रिय पेय आहे. हे गाजर आणि बीटरूटपासून बनवले जाते, ज्यामुळे आरोग्यासाठी हे पेय फार फायदेशीर ठरते. हा पारंपरिक पदार्थ आहे. कांजी हे एक तिखट, खारट पेय आहे जे तुमच्या पचन, आतडे आणि प्रतिकारशक्तीसाठी निरोगी ठेवण्यासाठी फायद्याचे मानले जाते. सर्दी, खोकला आणि पोटाचा त्रास दूर ठेवण्यासाठी हे खूप फायदेशीर पेय आहे.

हिवाळ्याच्या थंडीत हे पेय तुमच्या आरोग्यासाठी फार आरोग्यदायी ठरेल. गाजर ही एक हंगामी भाजी आहे ज्यात व्हिटॅमिन-ए, कॅल्शियम, फायबर, अँटिऑक्सिडेंट, बीटा कॅरोटीन, व्हिटॅमिन-सी, व्हिटॅमिन-के, पोटॅशियम आणि लोह यासारख्या गुणधर्मांचा साठा आहे. हिवाळ्यात अनेक लोक गाजरापासून याचे चमचमीत लोणचे, हलवा बनवून त्याचा आस्वाद घेत असतात मात्र आम्ही तुम्हाला सांगतो की, यावेळी तुम्ही एकदा गाजर कांजी बनवून पहा. याचे आरोग्याला फार फायदे होतात. याचे नियमित सेवन केल्याने आपले डोळे निरोगी राहतात आणि रक्तदाबही नियंत्रणात राहतो. चला तर मग जाणून घेऊयात यासाठी लागणारे साहित्य आणि कृती.

रेसिपीच्या बातम्या वाचण्यासाठी इथे क्लिक करा

साहित्य

• काळे गाजर – 2 ते 3
• बीटरूट – 1 लहान
• मोहरी – 1 टेस्पून
• मीठ – 1 टेस्पून
• लाल तिखट – 1 टीस्पून
• हिंग – 1 चिमूटभर
• पाणी – अडीच लिटर

रेसिपीच्या बातम्या वाचण्यासाठी इथे क्लिक करा

कृती

• गाजर कांजी तयार करण्यासाठी सर्वप्रथम गाजर आणि बीटरूट धुवून घ्या
• यांनतर गाजराचे आणि बीटाचे बारीक तुकडे करून घ्या
• आता अडीज लिटर पाणी उकळून घ्या
• यानंतर गाजर आणि बीटरूट एका काचेच्या बरणीत ठेवा आणि त्यात मोहरी, मीठ, हिंग आणि लाल तिखट घाला आणि चांगले मिसळा
• आता उकळलेले आणि थंड केलेले पाणी टाकून बरणी किमान 4 दिवस उन्हात ठेवा
• बरणी दररोज थोडीशी हलवा जेणेकरून सर्व साहित्य नीट एकत्र मिसळले जाईल
• 4 दिवसांनंतर तुमची गाजर कांजी तयार होईल
• दुपारच्या जेवणात किंवा न्याहारीसोबत ही कांजी पिण्यासाठी सर्व्ह करा
• तुम्ही ही गाजर कांजी दोन महिन्यांपर्यंत साठवून ठेवा

गाजराचे फायदे:

• गजरात पोषक घटक असतात जे डोळ्यांसाठी फायदेशीर ठरतात, यात व्हिटॅमिन ए आणि अल्फा-कॅरोटीन आणि
• बीटा-कॅरोटीन ही दोन कॅरोटीनॉइड्स मुबलक प्रमाणात असतात
• गजरात भरपूर फायबर असते जे रक्तातील साखर नियंत्रणात ठेवण्यास मदत करतात
• गाजरामध्ये पोटॅशियम असते जे बीपी नियंत्रणात ठेवण्यास मदत करते