कॉफी आणि दारूचं नाही तर… हेल्दी म्हणून खात असलेले ‘हे’ पदार्थही उन्हाळ्यात वाढवतात डिहायड्रेशनची समस्या

उन्हाळा सुरू होताच वाढत्या तापमानामुळे शरीरात डिहायड्रेशन आणि थकवा जाणवू लागतो. त्यामुळे या काळात आहारात योग्य बदल करणे आणि काही पदार्थ टाळणे खूप गरजेचे ठरते.

• अल्कोहोल आणि कॉफीचे सेवन टाळा, कारण यामुळे शरीरातील पाणी कमी होऊन डिहायड्रेशन वाढते.
• जास्त प्रोटीनयुक्त पदार्थ उन्हाळ्यात कमी खावेत, कारण ते शरीराचे तापमान वाढवतात.
• योग्य आहार आणि पाण्याचे प्रमाण राखल्यास उष्णतेमुळे होणारे त्रास टाळता येतात.

उन्हाळा ऋतू सुरु झाला असून वातावरणानुसार आपल्या राहणीमानात, खाण्यात आता अनेक बदल करण्याची गरज आहे. उन्हाळ्यात वातावरणात उष्णता प्रचंड वाढते ज्यामुळे डिहायड्रेशनची समस्या जाणवू लागते. वाढत्या तापमानामुळे, शरीरात पाण्याची पातळी योग्य राखणे महत्त्वाचे आहे. सतत घाम आल्याने शरीरातील इलेक्ट्रोलाइट्सचे संतुलन बिघडते. शरीरात सोडियम आणि पाण्याची कमतरता असल्यामुळे शरीर अधिक थकते आणि त्याची ऊर्जा कमी होते. हे सर्व टाळण्यासाठी आपल्या आहारात काही महत्त्वपूर्ण बदल करणे फार गरजेचे ठरते. योग्य आहारासोबतच काही विशिष्ट खाद्यपदार्थ आणि ड्रिंक्स टाळणे महत्वाचे ठरते. चला हे कोणते पदार्थ आहेत ते जाणून घेऊया.

वारंवार पिंपल्स येणे फक्त घाणीचे लक्षण नसून असू शकते ‘या’ आजारांचे संकेत, वेळीच ओळखा आणि जीव वाचवा

अल्‌कोहोल आणि कॉफी

अमेरिकेतील वाढत्या उष्णतेचा आणि उष्णतेच्या लाटांचा सामना करण्यासाठी मार्गदर्शक सूचना जारी करण्यात आल्या आहेत. उन्हाळ्यात डिहायड्रेशनची समस्या टाळण्यासाठी मद्यपान आणि कॉफीचे सेवन टाळणे किंवा मर्यादित करणे फार गरजेचे असल्याचे सांगण्यात आले आहे. कॉफीमधील कॅफीन लघवीद्वारे शरीरातील पाणी वेगाने बाहेर टाकते, ज्यामुळे डिहायड्रेशन होते. उन्हाळ्यात कॉफीमुळे देखील शरीरातील पाणी कमी होऊ शकते.

पाण्याची कमतरता वाढते

जेव्हा आपण अल्कोहोलचे सेवन करू लागले तेव्हा शरीरात पाण्याचा पुरवठा कमी होतो. अल्कोहोल पिल्यांनंतर यकृत एन्झाइम्सच्या माध्यमातून त्यावर प्रक्रिया करून त्याचे मोठ्या प्रमाणात एसीटा‌ल्डिहाइडमध्ये रूपांतर करते, जे जास्त प्रमाणात विषारी असते. हे विष शरीराबाहेर काढून टाकण्यासाठी यकृताला फार मेहनत घ्यावी लागते आणि त्याचे त्याचे एसीटेटमध्ये रूपांतर होते. अल्कोहोलमुळे शरीरात तयार होणाऱ्या अँटीडायुरेटिक हार्मोनचे प्रमाण कमी होते, जो किडनीत तयार होणाऱ्या मूत्राचे प्रमाण नियंत्रित करतो. यामुळे लघवीचे प्रमाण वाढते आणि अतिरिक्त मूत्रनिर्मितीमुळे डिहायड्रेशनची समस्या जाणवू लागते.

ओठांवर जमा झालेली डेड स्किन काढून टाकण्यासाठी साखर मधाचा ‘या’ पद्धतीने करा वापर, ओठ होतील चमकदार

हाय प्रोटीनयुक्त प्रथिनयुक्त पदार्थ टाळा

उन्हाळ्यात कधीही हाय प्रोटीनयुक्त प्रथिनयुक्त पदार्थांचे जास्त सेवन करू नये. यात अंडी, चिकन, मासे, सोयाबीन आणि पनीर अशा पदार्थांचा समावेश होतो. प्रोटीन आपल्या शरीरासाठी गरजेचे असले तरी जास्त प्रमाणात याचे सेवन करू नये. यामुळे शरीरात उष्णता वाढत जाते जे उन्हाळ्याच्या उष्ण वातावरणात शरीरासाठी चांगले नाही. प्रथिने पचवण्यासाठी शरीर अधिक उष्णता निर्माण करते, ज्यामुळे उन्हाळ्यात जास्त गरम वाटते.

मद्य आणि कॉफी, तसेच प्रथिनेयुक्त पदार्थ टाळा. प्रथिनेयुक्त पदार्थांमुळे शरीराचे तापमान झपाट्याने वाढते. उन्हाळ्यात पचनक्रिया कमकुवत होते, ज्यामुळे मांसाहारी प्रथिने, अंडी इत्यादी खाल्ल्यावर शरीरातील उष्णता वाढते. खरे तर, प्रथिने पचवण्यासाठी शरीर अधिक उष्णता निर्माण करते, ज्यामुळे उन्हाळ्यात जास्त गरम वाटते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.