Ganesh Chaturthi 2025 : हटक्या पदार्थाने करा बाप्पाला खुश; यंदा प्रसादासाठी बनवा सुगंधित आणि गोड चवीने भरलेले ‘पान मोदक’

Pan Modak Recipe : बाप्पाच्या आवडीच्या मोदकांना द्या हटके ट्विस्ट, घरी बनवा स्वादिष्ट चवीने भरलेले पान मोदक. हे मोदक चवीला अप्रतीम लागतात आणि झटपट तयारही होतात.

गणेशोत्सव म्हटलं की सर्वत्र आनंद, उत्साह आणि बाप्पाच्या आगमनाची लगबग सुरू होते. या पवित्र दिवसांत बाप्पाला आवडणारा “मोदक” हा नैवेद्य विशेष महत्त्वाचा मानला जातो. नेहमीसारखे उकडीचे किंवा तळलेले मोदक आपण वारंवार करतो, पण आज आपण थोडं वेगळं आणि खास काही करणार आहोत ते म्हणजे पान मोदक.

पावसाळा संपण्याआधी सकाळच्या नाश्त्यासाठी बनवा गरमागरम पालक-कॉर्न सूप, सर्दीपासून मिळेल सुटका

पान हे भारतीय संस्कृतीत आदराचे, सणासुदीचे आणि शुभत्वाचे प्रतीक मानले जाते. पारंपरिक काळापासून पानाचा उपयोग फक्त खाण्यासाठी नव्हे, तर देवपूजेतही केला जातो. पानामध्ये असणारा गोडसर, ताजेतवानेपणा आणि अनोखा सुगंध मोदकाच्या गोडव्याला एक वेगळंच रुप देतो. पान आणि गुळ-नारळ यांचा संगम झाल्यावर तयार होणारे हे पान मोदक बाप्पालाही आवडतील आणि पाहुण्यांनाही. ही रेसिपी सोपी, झटपट आणि खूपच स्वादिष्ट आहे. चला तर मग गणपती बाप्पाच्या स्वागतासाठी खास पान मोदकांची रेसिपी जाणून घेऊया.

साहित्य:

• पान (बेताचे किंवा गोड पान) – ५ ते ६
• किसलेला नारळ – १ कप
• गूळ – ¾ कप
• वेलची पूड – ½ टीस्पून
• तूप – १ टेबलस्पून
• खसखस – १ टीस्पून (ऐच्छिक)
• सुकामेवा (काजू, बदाम, पिस्ता बारीक चिरलेले) – २ टेबलस्पून
• मोदकाचा साचा

Ganesh Chaturthi 2025 : बाप्पाच्या थाळीत करा या पारंपरिक पदार्थाचा समावेश; जाणून घ्या खुसखुशीत चिरोट्यांची रेसिपी

कृती:

• पान स्वच्छ धुऊन कोरडी करून घ्या. नंतर मिक्सरमध्ये पान बारीक वाटून हिरवी पेस्ट तयार करा.
• कढईत तूप गरम करून त्यात खसखस आणि चिरलेला सुकामेवा हलक्या आचेवर भाजून घ्या.त्याच कढईत किसलेला नारळ घालून थोडा वेळ परतवा.
• नंतर गूळ घालून चांगले मिश्रण तयार करा. गुळ वितळून घट्ट होईपर्यंत शिजवा.गुळ-नारळाचे मिश्रण तयार झाल्यावर त्यात वेलची पूड घालून एकजीव करा. हे पुरण थंड होऊ द्या.
• थंड झालेल्या पुरणात पानाची पेस्ट मिसळून छान एकसंध मिश्रण करा.मोदकाच्या साच्याला हलके तूप लावा.
• त्यात तयार केलेले पान-नारळ-गुळ मिश्रण भरा आणि मोदकाचा आकार द्या.सर्व मोदक तयार करून ताटात मांडून घ्या.
• इच्छेनुसार त्यावर थोडे ड्रायफ्रूट्स सजवू शकता. हे पान मोदक बाप्पाला नैवेद्याला अर्पण करा आणि नंतर कुटुंबासोबत आस्वाद घ्या.
• पान मोदक फक्त पानाच्या पान मोदक फक्त पानाच्या पेस्टसह करून त्यात दूध पावडर किंवा मावा मिसळूनही बनवता येतात.
• हवं असल्यास गुलकंद घालून स्वाद दुप्पट करू शकता.
• हे मोदक जास्त टिकत नाहीत, म्हणून ताजे ताजे खाणे उत्तम.

FAQs (संबंधित प्रश्न)

गणेश चतुर्थी २०२५ कधी आहे?
बुधवार, २७ ऑगस्ट.

पान मोदक किती दिवस साठवून ठेवू शकतो?
तुम्ही फ्रिजमध्ये हे मोदक आठवडाभर साठवून ठेवू शकता.