Ganesh Chaturthi 2025 : जाण्याआधी बाप्पाला खुश करा, नैवेद्यात खाऊ घाला काजूचे मोदक; फार सोपी आहे रेसिपी

Cashew Modak : बाप्पाच्या विसर्जनाची तारीख जवळ आली आहे अशात बाप्पा पुन्हा आपल्या घरी जाण्याआधी एकदा घरी नक्की बनवा काजूचे मोदक. हे मोदक चवीला तर अप्रतिम लागतात शिवाय झटपट तयारही होतात.

गणेश चतुर्थी हा आनंद, भक्ती आणि उत्साहाचा सोहळा आहे. दरवर्षी भाद्रपद महिन्यातील शुक्ल पक्षातील चतुर्थीला श्रीगणेशाचे आगमन होते आणि दहा दिवस घराघरात बाप्पाची पूजा, आराधना व विविध नैवेद्यांचा प्रसाद दाखवला जातो. या दिवसांत बाप्पासाठी मोदकाला विशेष महत्त्व आहे. मोदक हा गणरायाचा आवडता नैवेद्य मानला जातो, ज्यामुळे गणेशोत्सवात मोदक बाप्पाला आवर्जून अर्पण केला जातो.

१५ मिनिटांमध्ये सकाळच्या नाश्त्यासाठी झटपट बनवा अमृतसर स्पेशल पनीर भुर्जी, नोट करून घ्या रेसिपी

पारंपरिक उकडीचे मोदक, तळलेले मोदक यांच्यासोबतच आजकाल वेगवेगळ्या प्रकारचे फ्युजन मोदकही केले जातात. त्यातला एक विशेष प्रकार म्हणजे काजू मोदक. हा मोदक श्रीगणेशाला अर्पण करायला अगदी योग्य असा स्वादिष्ट आणि पौष्टिक प्रसाद आहे. काजूपासून तयार झालेल्या या मोदकाला अप्रतिम चव, सुंदर आकार आणि सणासुदीचा खास टच मिळतो. बाप्पाचे विसर्जन जवळ आले आहे अशात बाप्पा पुन्हा आपल्या घरी परतण्याआधीच त्याला खाऊ घाला चविष्ट काजूचे मोदक. याची रेसिपी फार सोपी आहे जी कमी वेळेत बनून तयार होते. चला तर मग जाणून घेऊया काजू मोदक बनवण्यासाठी लागणारे साहित्य आणि कृती.

साहित्य :

• १ कप काजू
• ¾ कप साखर
• ¼ कप पाणी
• १ चमचा तूप
• ½ टीस्पून वेलची पूड
• मोदकाच्या साच्यासाठी थोडं तूप

साधा, सोपा अन् पारंपरिक… घरी बनवा आगरी कोळी स्टाईल नारळी भात! गणेशाच्या नैवेद्यात एकदा नक्की ट्राय करा ही रेसिपी

कृती :

• यासाठी सर्वप्रथम काजू स्वच्छ करून कोरडे करून घ्या. त्यानंतर मिक्सरमध्ये बारीक पण जाडसर पूड तयार करा.
• काजू जास्त वेळ वाटू नका, नाहीतर तेल सुटेल.
• कढईत साखर आणि पाणी घालून एक तार पाक तयार करा. पाक जाडसर होईपर्यंत सतत हलवत राहा.
• पाकात काजूची पूड घालून चांगले मिसळा. गॅस मंद ठेवा आणि मिश्रण घट्ट होईपर्यंत हालवत रहा.
• मिश्रण घट्ट झाल्यावर त्यात वेलची पूड आणि थोडंसं तूप घालून नीट हलवा.
• हे मिश्रण थोडं गार होऊ द्या. पण पूर्ण थंड होऊ देऊ नका, नाहीतर मोदकाचे आकार येणार नाहीत.
• मोदक साचा तुपाने हलका चोपडून घ्या. मिश्रण साच्यात भरून नीट दाबा व मोदक तयार करा.
• तयार झालेले सुंदर व स्वादिष्ट काजू मोदक बाप्पाला नैवेद्य म्हणून अर्पण करा.
• मिश्रण जास्त शिजवू नका, नाहीतर कडक होईल.
• इच्छेनुसार केशर किंवा गुलाब एस्सेन्स घालून मोदकाला खास चव व सुगंध आणता येतो.
• हा काजू मोदक सणासुदीला पटकन बनतो आणि श्रीगणेशाला अर्पण करण्यासाठी एकदम परफेक्ट आहे.

FAQs (संबंधित प्रश्न)

काजू मोदक साठवता येतात का?
होय, तुम्ही हे हवाबंद डब्यात एका मोकळ्या किंवा थंड ठिकाणी साठवून ठेवू शकता.

काजू मोदक कधी बनवले जातात?
अधिकतरवेळी हे मोदक गणेशोत्सवातच बनवले जातात.