गणेश चतुर्थीसाठी करा खास ‘गुलकंद मोदक’, चव घ्याल तर नेहमीच कराल

गणपती बाप्पाच्या नैवेद्याच्या थाळीमध्ये जर तुम्हाला वेगवेगळ्या पद्धतीचे मोदक बनवायचे असतील तर गुलकंद मोदक नक्की बनवून पहा. हे मोदक चवीला सुद्धा खूप छान लागतात. तसेच तुम्ही घरी आलेल्या पाहुण्याना गुलकंदापासून बनवलेले मोदक खायला देऊ शकता. गुलकंद चवीसोबतच आरोग्यासाठी सुद्धा फायदेशीर आहे. चला तर जाणून घेऊया गुलकंद मोदक बनवण्याची सोपी रेसिपी.

गणपती बाप्पाला मोदक आवडतात, असे मानले जाते. बाप्पाच्या नैवेद्याच्या थाळीमध्ये वेगवेगळ्या प्रकारचे मोदक ठेवले जातात. त्यातील सगळ्यांच्या आवडीचे मोदक म्हणजे उकडीचे मोदक. उकडीचे मोदक बनवण्यासाठी जास्त वेळ लागतो पण हेच मोदक चवीला खूप सुंदर लागतात. मोदक बनवताना अनेकांच्या काळ्या तुटतात. तसेच तुम्ही उकडीच्या मोदकांसोबतच पुरणाचे मोदक, माव्याचे मोदक, साखरेचे मोदक, केशर मोदक इत्यादी अनेक प्रकारचे मोदक तुम्ही बनवू शकता. त्यामुळे आज आम्ही तुम्हाला गुलकंदाचे मोदक कसे बनवायचे, याची सोपी रेसिपी सांगणार आहोत. गुलकंदमध्ये मधाचा गोडवा असल्यामुळे चवीला गुलकंद खूप छान लागते. गुलकंद खाल्ल्याने आरोग्याला सुद्धा फायदे होतात. काहींना गुलकंद दुधातून खायला आवडतो तर काहींना नुसताच गुलकंद खायला आवडतो. कमीत कमी वेळात तयार होणारे गुलकंद मोदक नक्की बनवून पहा.

साहित्य:

• गुलकंद
• खवा
• काजू बदामाचे तुकडे
• डेसिकेटेड कोकोनट
• गुलाब सिरप

हे देखील वाचा: बाप्पाच्या प्रसादासाठी १० मिनिटांमध्ये अशा पद्धतीने बनवा सुंठवडा, चवीला लागेल सुंदर

कृती:

• गुलकंद मोदक बनवण्यासाठी सर्वप्रथम पॅन गरम करण्यासाठी ठेवा. पण गरम झाल्यानंतर त्यात किसलेला खावा टाकून मिक्स करून घ्या.
• खवा व्यवस्थित भाजून झाल्यानंतर त्यात पिठीसाखर टाकून मिक्स करून घ्या.
• साखर व्यवस्थित विरघळल्यानंतर त्यात गुलकंद आणि काजू बदामाचे बारीक केलेले तुकडे , डेसिकेटेड कोकोनट टाकून मिक्स करा.
• खवा घट्ट झाल्यानंतर गॅस बंद करून त्यात गुलाबाचे सिरप टाकून मिक्स करा.
• मिश्रण थंड झाल्यानंतर मोदकाच्या साच्यामधून तुम्हाला हवे त्या आकाराचे मोदक बनवा.
• तयार आहेत गुलकंद मोदक. मोदक सर्व्ह करताना वरून काजू, बदाम आणि पिस्ताचे तुकडे टाकून सर्व्ह करा.