गटारी स्पेशल! स्टार्टर्सने वाढेल जेवणाची मजा; घरी बनवा मसालेदार आणि कुरकुरीत Prawns Rava Fry

कोळंबी प्रेमींनी ही प्रॉन्स रवा फ्राय रेसिपी नक्की ट्राय करायला हवी, याची कुरकुरीत आणि मसालेदार चव गटारीच्या मेजवानीचे चव आणखीनच वाढवेल. शिवाय ही रेसिपी फार झटपट तयार होते, स्टाटर्ससाठी तुम्ही ही रेसिपी बनवून खाऊ शकता

गटारीला आता अवघे काही दिवस शिल्लक आहेत, अशात सर्व नॉनव्हेज लव्हर्सना मांसाहाराचे डोहाळे लागले आहेत असं म्हटलं तरी वावगं ठरणार नाही. नॉनव्हेज लव्हर्ससाठी गटारी हा दिवस फार स्पेशल असतो. या दिवशी प्रत्येकाच्या घरी नॉनव्हेजचा प्लॅन असतो. नवनवीन पदार्थांची मेजवानी आणि त्यात कुटुंबासह या पदार्थांचा घेतलेला आस्वाद या दिवसाची मजा आणखीन वाढवतो. आज आंहा तुमच्यासाठी गटारीनिमित्त एक खास आणि सर्वांच्या आवडीचा असा पदार्थ घेऊन आलो आहोत ज्याचे नाव आहे प्रॉन्स रवा फ्राय!

सँडविच बनवताना ब्रेडला लावा ‘हा’ हेल्दी पदार्थ, भासणार नाही मेयोनिज किंवा सॉसची गरज

प्रॉन्स रवा फ्राय ही कोकण किनारपट्टीवर खूपच लोकप्रिय असलेली एक पारंपरिक आणि स्वादिष्ट सीफूड डिश आहे. यात ताजी कोळंबी सुगंधी मसाल्यांमध्ये मिसळून, रवा लावून कुरकुरीत तळली जाते. ही डिश जेवणात साईड डिश म्हणून किंवा स्टार्टर म्हणून खाल्ली जाते आणि ती सर्वांनाच खायला फार आवडते. तुमच्या गटारीच्या मेन्यूत तुम्ही या रेसिपीचा समावेश करू शकता आणि मेजवानीची चव आणखीन वाढवू शकता. चला तर मग जाणून घेऊया प्रॉन्स रवा फ्रायची एक सोपी रेसिपी.

साहित्य:

• कोळंबी (साफ केलेली) – २५० ग्रॅम
• हळद – १/२ टीस्पून
• लाल तिखट – १ टीस्पून
• आलं-लसूण पेस्ट – १ टीस्पून
• लिंबाचा रस – १ टेबलस्पून
• मीठ – चवीनुसार
• तांदळाचा पीठ – २ टेबलस्पून
• रवा (सूजी) – १/२ कप
• कोथिंबीर – थोडीशी (ऐच्छिक)
• तेल – तळण्यासाठी

पावसाळ्याची मजा करा द्विगुणित; ऋतू संपायच्या आत घरी बनवून खा कुरकुरीत Corn Cutlet

कृती:

• प्रॉन्स रवा फ्राय बनवण्यासाठी सर्वप्रथम साफ केलेल्या कोळंबीत हळद, लाल तिखट, आलं-लसूण पेस्ट, मीठ,
• लिंबाचा रस घालून चांगलं मिक्स करा. हे मिश्रण १५–२० मिनिटं मुरवा.
• एका प्लेटमध्ये रवा आणि तांदळाचे पीठ एकत्र करा. हवे असल्यास थोडं तिखट आणि मीठही घालू शकता.
• प्रत्येक कोळंबीला तयार मिश्र रवा-पीठामध्ये घोळवा.
• नॉन-स्टिक पॅनमध्ये थोडं तेल गरम करा आणि मध्यम आचेवर कोळंबी शालो फ्राय करा. दोन्ही बाजूंनी कुरकुरीत आणि सोनेरी रंग येईपर्यंत तळा.
• गरम गरम प्रॉन्स रवा फ्राय लिंबू आणि कांद्याच्या स्लाईससह किंवा कोथिंबिरीने सजवून सर्व्ह करा.
• कोळंबी जास्त वेळ मुरवून ठेवली तर अजून चविष्ट लागते.
• रव्यात थोडं तांदळाचं पीठ घातल्याने कोटिंग नीट बसतं आणि कुरकुरीतपणा वाढतो.
• हीच रेसिपी मोठा प्रॉन्स (झिंगा) देखील वापरता येतो.