स्किन केअरमध्ये Niacinamide चा वापर करून मिळवा चमकदार त्वचा, जाणून घ्या वापरण्याची योग्य पद्धत

सध्या बाजारात मोठ्या प्रमाणावर विटामिन सी, नियासिनमाइड इत्यादी अनेक सीरम उपलब्ध झाले आहेत. हे सीरम लावल्यामुळे त्वचेवरील फोड, पिंपल्स कमी होऊन चेहरा चमकदार आणि ग्लोइंग दिसतो. तेलकट किंवा चिकट त्वचा झाल्यानंतर चेहऱ्यावर लगेच पिंपल्स येतात. हे पिंपल्स येऊ म्हणून चेहऱ्याला नियासिनमाइड सीरम लावावे. त्यामुळे आज आम्ही तुम्हाला नियासिनमाइड सीरम लावल्याने त्वचेला नेमके काय फायदे होतात आणि सीरम लावण्याची योग्य पद्धत काय? हे नक्की जाणून घ्या.

महिलांप्रमाणे पुरुषांसुद्धा चमकदार आणि सुंदर त्वचा हवी असते. सुंदर आणि चमकदार त्वचा मिळवण्यासाठी अनेक प्रयत्न केले जातात. बदलत्या ट्रेंडनुसार चालणे जरा कठीणच असले तरीसुद्धा अनेक लोक स्किन केअरमध्ये नियासिनमाइडचा वापर करत आहेत. मागील काही दिवसांपासून बाजारात विटामिन सी, नियासिनमाइड सीरम इत्यादी अनेक सीरम उपलब्ध झाले आहेत. तेलकट, कोरडी किंवा कॉम्बिनेशन, पिंपल्स आलेली त्वचा असली तरीसुद्धा सीरमचा वापर केला जात आहे.हे सीरम सर्वच त्वचेच्या लोकांसाठी प्रभावी ठरत आहे. त्यामुळे आज आम्ही तुम्हाला त्वचेला लावल्या जाणाऱ्या नियासिनमाइड सीरामचे नेमके काय फायदे होतात? नियासिनमाइड कसे वापरावे? हे सांगणार आहोत. चला तर जाणून घेऊया.

नियासिनमाइड सीरमचे फायदे:

अँटिऑक्सिडंट्सचा खजिना:

त्वचेसाठी नियासीनामाइड अतिशय प्रभावी आहे. यामध्ये असलेले अँटिऑक्सिडंट्स त्वचेचा रंग उजळ्वण्यासाठी मदत करतात. तसेच यामुळे तणाव कमी होऊन चेहऱ्यावर आलेले पिंपल्स, त्वचेच्या इतर समस्या आणि त्वचेमधील विषारी पदार्थ बाहेर निघून जातात. रोज रात्री झोपताना नियासीनामाइड सीरम लावून झोपल्यास रात्रभर त्वचेच्या पेशींचे रक्षण होते.

हे देखील वाचा: केसगळती थांबवेल जास्वंदीचे तेल, घरीच बनवा

तेल नियंत्रणात राहते:

पावसाळ्याच्या दिवसांमध्ये वातावरणातील आद्र्रतेमुळे चेहऱ्यावर अतिरिक्त तेल साचण्यास सुरुवात होते. तेल जमा झाल्यानंतर चेहऱ्यावर पिंपल्स किंवा फोड येऊ लागतात. हे फोड किंवा पिंपल्स येऊ नये म्हणून चेहऱ्यावर नियासीनामाइड सीरम लावावे. यामुळे त्वचेसंबंधित समस्या कमी होऊन चेहरा उजळण्यास मदत होते.

सूर्यप्रकाशापासून संरक्षण:

उन्हातून किंवा इतर वेळी बाहेर जाताना चेहऱ्याला नियासीनामाइड सीरम लावावे. उन्हाच्या किरणांमुळे त्वचेचे होणार नुकसान टाळण्यासाठी नियमित नियासीनामाइड सीरम लावावे. हायपरपिग्मेंटेशन आणि काळे पडलेले डाग कमी करण्यासाठी नियासीनामाइड सीरम मदत करते. त्यामुळे रोजच्या वापरात नियासीनामाइड सीरमचा वापर करावा.

हे देखील वाचा: केस धुतल्यानंतर खूप गळतात? मग ‘अशा’ पद्धतीने घ्या केसांची काळजी, वाढले केसांचे सौंदर्या

नियासीनामाइड सीरम कधी लावावे?

चेहऱ्याला सीरम लावण्याधी चेहरा स्वच्छ धुवून नंतर कोरड्या कपड्याने पुसून घ्या. पुसून झाल्यानंतर सीरम लावून 2 ते 3 मिनिटं थांबून नंतर इतर गोष्टी त्वचेला लावा. सकाळी आणि रात्रीच्या वेळी चेहऱ्याला नियासीनामाइड सीरम लावावे. नियासीनामाइड सीरम लावल्यानंतर सनस्क्रीन लावायला विसरू नये. तसेच लावण्याधी पॅच टेस्ट नक्की करून पहा.

 

टीप – आम्ही देत असलेली माहिती ही तज्ज्ञांशी बोलून आणि रिसर्च करून देत आहोत. हा लेख केवळ तुमच्या माहितीसाठी लिहिण्यात आला आहे. प्रत्येकाची त्वचा वेगळी असते, त्यामुळे कोणत्याही प्रकारचा उपाय करण्यापूर्वी पॅच टेस्ट करायला विसरू नका.