Gudi Padwa 2026 : सणानिमित्त थोडा वेळ काढा, झटपट घरी बनवा ‘गव्हाच्या पिठाचा हलवा’, तोंडात टाकताच विरघळेल…

Aata Halwa Recipe : सणाचा आनंद साजरा करायचा असेल तर घरी गोड पदार्थ हा बनायलाच हवा. अनेकदा कामाच्या व्यापातून काही काही वेगळं बनवायला फारसा वेळ मिळत नाही अशावेळी गव्हाच्या पिठाचा हलवा एक उत्तम पर्याय ठरतो.

(फोटो सौजन्य: Pinterest)

Follow Us:

Follow Us:

• हा पारंपरिक पदार्थ सण-उत्सव किंवा खास प्रसंगी आवर्जून बनवला जातो.
• कमी साहित्य आणि सोप्या पद्धतीमुळे तो कोणालाही सहज तयार करता येतो.
• गरमागरम हलव्याची चव आणि सुगंध सर्वांनाच आकर्षित करतो.

Recipe : लहान-मोठे सर्वांनाच आवडेल ही डिश, लेट नाईट क्रेव्हिंग्ससाठी घरी बनवा ‘चीज मॅगी’

विशेषतः थंडीच्या दिवसांत किंवा सण-उत्सवाच्या वेळी हा हलवा घराघरात बनवला जातो. गव्हाच्या पिठात नैसर्गिक गोडवा आणि उष्णता देणारे गुणधर्म असल्यामुळे तो शरीराला ऊर्जा देतो. शिवाय, कमी साहित्य आणि सोपी पद्धत असल्यामुळे हा पदार्थ कोणालाही सहज बनवता येतो. लहानांपासून मोठ्यांपर्यंत सर्वांनाच आवडणारा हा हलवा गरमागरम खाल्ल्यास त्याची चव अजूनच खुलते. घरी अचानक पाहुणे आले असतील किंवा काहीतरी गोड खाण्याची इच्छा झाली असेल, तर गव्हाच्या पिठाचा हलवा हा उत्तम पर्याय ठरतो. चला यासाठीची गोड रेसिपी जाणून घेऊया.

साहित्य:

• 1 कप गव्हाचे पीठ
• 3/4 कप साखर (किंवा गूळ)
• 1/2 कप तूप
• 2 कप पाणी
• 1/4 टीस्पून वेलची पूड
• बदाम, काजू

कृती:

• यासाठी सर्वप्रथम एका कढईत तूप गरम करून त्यात गव्हाचे पीठ घाला.
• मंद आचेवर पीठ सतत हलवत भाजा, जोपर्यंत त्याचा रंग सोनेरी होत नाही आणि छान सुगंध येत नाही.
• दुसऱ्या भांड्यात पाणी गरम करून त्यात साखर किंवा गूळ विरघळवून घ्या.
• भाजलेल्या पिठात हळूहळू साखरेचे पाणी घाला आणि गाठी होऊ नयेत म्हणून सतत हलवत रहा.
• मिश्रण घट्ट होऊ लागले की त्यात वेलची पूड आणि सुकामेवा घाला.
• हलवा कढईला सुटू लागला की गॅस बंद करा.
• गरमागरम गव्हाच्या पिठाचा हलवा सर्व्ह करा आणि त्याचा स्वाद मनसोक्त आस्वाद घ्या.

Web Title: Gudhi padwa 2026 make easy and tasty aate ka halwa at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com