कुरकुरीत, चटाकेदार ‘मॅगी भेळ’ तुम्ही खाल्ली आहे का? संध्याकाळच्या नाश्त्याला बनवा आणि कुटुंबाला खाऊ घाला

Maggie Bhel Recipe : लहानपणापासून आपण मॅगी खात आलो आहोत, इतक्या वर्षांनीही याची चव अजूनही खाद्यप्रेमींना कंटाळा आणत नाही. तुम्हीही मॅगी लव्हर्स असाल तर एकदा तरी मॅगी भेळ तुम्ही बनवून खायला हवी.

• लहानपणापासून आपण सर्वच मॅगी खात आलो आहोत
• मॅगी हे भारताचे फेमस नूडल्स आहेत
• याची भेळ देखील चवीला तितकीच मजेदार लागते

आजच्या धावपळीच्या जीवनात झटपट, चविष्ट आणि थोडी हटके अशी रेसिपी हवी असेल, तर मॅगी भेळ हा एक उत्तम पर्याय आहे. पारंपरिक भेळपुरी आणि लहान मुलांपासून मोठ्यांपर्यंत सगळ्यांची आवडती मॅगी या दोघांचं भन्नाट कॉम्बिनेशन म्हणजे मॅगी भेळ. ही रेसिपी विशेषतः संध्याकाळच्या नाश्त्यासाठी, अचानक आलेल्या पाहुण्यांसाठी किंवा लहान मुलांच्या टिफिनसाठी खूपच उपयुक्त आहे.

Recipe : थंडीत गोडाचा नवा ट्रेंड! हलवा सोडा, यंदाच्या हिवाळ्यात घरी बनवा ‘गाजराचे गुलाबजाम’

मॅगी भेळ बनवताना फारशी तयारी लागत नाही आणि कमी वेळेत ही रेसिपी तयार होते. यात आपण कांदा, टोमॅटो, हिरवी मिरची, कोथिंबीर, चटण्या आणि थोडा चाट मसाला वापरतो, त्यामुळे चव अगदी स्ट्रीट फूडसारखी लागते. शिवाय, ही रेसिपी तुम्ही तुमच्या आवडीनुसार बदलू शकता. लहान मुलांना नूडल्स आवडतात आणि मोठ्यांना भेळ, त्यामुळे ही रेसिपी घरातील सगळ्यांना आवडणारी ठरते. कमी खर्चात, कमी वेळेत आणि भन्नाट चवीची अशी ही मॅगी भेळ एकदा नक्की ट्राय करून पाहा.

 साहित्य:

• १ पॅकेट मॅगी
• १ लहान कांदा (बारीक चिरलेला)
• १ लहान टोमॅटो (बारीक चिरलेला)
• १ हिरवी मिरची (बारीक चिरलेली)
• २ टेबलस्पून हिरवी चटणी
• २ टेबलस्पून चिंचेची गोड चटणी
• १ टीस्पून चाट मसाला
• चवीनुसार मीठ
• २ टेबलस्पून शेव (ऑप्शनल)
• थोडी कोथिंबीर (बारीक चिरलेली)
• १ टेबलस्पून लिंबाचा रस

Chicken Roast Recipe : फराह खान स्टाईल चिकन रोस्ट रेसिपी, विकेंडसाठीचा परफेक्ट पर्याय

कृती:

• सर्वप्रथम मॅगी मधून बाहेर काढून त्याचा चुरा करून घ्या.
• आता गॅसवर एक कढई ठेवून त्यात मॅगीचा चुरा हलका परतून घ्या.
• आता परतून घेतलेली मॅगी एका वाडग्यात काढा.
• त्यात कांदा, टोमॅटो, हिरवी मिरची घालून नीट मिसळा.
• यानंतर यात पॅकेटमधील मॅगी मसाला घालून चांगला मिसळा.
• आता हिरवी चटणी आणि चिंचेची गोड चटणी घाला.
• त्यात चाट मसाला, मीठ आणि लिंबाचा रस  घालून सर्व साहित्य नीट एकत्र करा.
• वरून शेव आणि कोथिंबीर घालून हलक्या हाताने मिक्स करा.
• चव पाहून गरज असल्यास मीठ किंवा तिखट वाढवा आणि लगेच सर्व्ह करा.