Summer Special : आंब्यांचा सीजन संपायच्या आत घरी बनवा ‘मँगो रसमलाई’, याची चव कुटुंबातील सर्वांनाच करेल खुश

Mango Rasmalai Recipe : रसमलाई ही स्वीट डिश तर तुम्ही अनेकदा खाल्ली असेल पण तुम्ही कधी आंबा रसमलाई खाल्ली आहे का? खास प्रसंगी तयार करण्यासाठी ही एक परफेक्ट डिश आहे. चला याची रेसिपी जाणून घेऊया.

• समलाई हा भारतीय मिष्टान्नाचा लोकप्रिय प्रकार आहे.
• रसमलाई तुम्ही बऱ्याचदा खाल्ली असेल.
• पण आंबा रसमलाई कधी तुम्ही खाल्ली आहे का?

उन्हाळा म्हटला की रसाळ, गोड आणि सुगंधी आंब्याची आठवण अपरिहार्य असते. आंब्यापासून शेक, आईस्क्रीम, श्रीखंड, पुडिंग आणि अनेक गोड पदार्थ तयार केले जातात. मात्र पारंपरिक रसमलाईला आंब्याची चव दिली तर त्याचा स्वाद आणखी खास बनतो. मऊ, स्पंजी रसमलाईच्या गोळ्यांमध्ये आंब्याच्या पल्पची नैसर्गिक गोडी आणि केशरयुक्त दुधाची श्रीमंती मिसळल्यावर तयार होणारा हा डेझर्ट प्रत्येकाला आवडतो.

जेवणात तोंडी लावण्यासाठी गावरान पद्धतीमध्ये बनवा झणझणीत सुकी कांद्याची चटणी, नोट करून घ्या रेसिपी

आंबा रसमलाई हा पारंपरिक आणि आधुनिक चवीचा सुंदर संगम आहे. घरातील लहानांपासून मोठ्यांपर्यंत सर्वजण हा पदार्थ आवडीने खातात. सण, वाढदिवस, पाहुणचार किंवा खास प्रसंगी हा डेझर्ट सर्व्ह केल्यास जेवणाची रंगत वाढते. थंडगार आंबा रसमलाई खाण्याचा आनंद काही वेगळाच असतो. या आंब्याच्या सीजनमध्ये ही स्वादिष्ट रेसिपी नक्की करून पाहा.

साहित्य

रसमलाईसाठी:

• २०० ग्रॅम घरचे बनवलेले पनीर
• २ टेबलस्पून साखर
• २ वेलची

दुधाच्या मिश्रणासाठी:

• ३ ते ४ कप दूध
• काही केशराच्या काड्या (कोमट दुधात भिजवलेल्या)
• ¼ कप साखर
• ½ कप पिकलेल्या आंब्याची प्युरी

सजावटीसाठी:

• आंब्याचे तुकडे
• पिस्ते, बदाम, मनुका आणि चारोळी

Recipe: तुम्ही कधी फणसाचे चिप्स खाल्लेत का? पारंपरिक चव आणि पौष्टिकतेचा संगम

कृती

• पनीर हाताने ८ ते १० मिनिटे चांगले मळून घ्या. ते पूर्णपणे मऊ आणि गुळगुळीत झाले पाहिजे.
• पनीराचे समान आकाराचे छोटे गोळे तयार करा आणि त्यांना हलकेच चपटे करा.
• एका मोठ्या भांड्यात पाणी, साखर आणि ठेचलेली वेलची घालून उकळी आणा.
• उकळत्या पाकात तयार केलेले पनीराचे गोळे सावधपणे सोडा. झाकण ठेवून मध्यम आचेवर १० ते १२ मिनिटे शिजवा.
•  गोळे फुगून मऊ झाल्यावर गॅस बंद करा आणि ते पूर्णपणे थंड होऊ द्या.
• दुसऱ्या पातेल्यात दूध उकळा. ते थोडे आटल्यावर त्यात केशराचे दूध, साखर आणि सुका मेवा घालून काही मिनिटे शिजवा.
• दूध पूर्णपणे थंड झाल्यावर त्यात आंब्याची प्युरी मिसळा. नंतर पाकातील गोळे हलके दाबून त्यातील अतिरिक्त
• पाणी काढा आणि आंब्याच्या दुधात घाला. काही तास फ्रीजमध्ये थंड करा. सर्व्ह करताना वरून आंब्याचे तुकडे आणि सुका मेवा घालून थंडगार आंबा रसमलाईचा आस्वाद घ्या.