विना कांदा लसूण नैवेद्यासाठी अशाप्रकारे बनवा रसरशीत बटाट्याची भाजी, चव अशी की सर्वच बोटं चाटतील

नवरात्रीत कन्यापूजनासाठी सात्त्विक जेवण बनवताना कांदा-लसूण टाळला जातो. अशावेळी बटाट्याची रसरशीत भाजी हा उत्तम पर्याय ठरू शकतो. कमी साहित्यामध्ये चविष्ट भाजी बनवण्यासाठी काही सोप्या टिप्स जाणून घ्या.

• योग्य मसाल्यांचा वापर करून भाजीला छान चव आणता येते.
• टोमॅटोमुळे भाजीला छान रंग आणि आंबटसर चव मिळते.
• कन्यापूजनाच्या जेवणात पुरीसोबत ही बटाट्याची भाजी सर्व्ह करू शकता.

नवरात्रीत कन्यापूजन केले जाते, ज्यासाठी कांदा-लसूण यांचा वापर न करता सात्त्विक जेवण बनवण्याची प्रथा असते. आता तुम्हाला वाटेल की, कांदा आणि लसणाशिवाय भाजीला चव कशी लागेल किंवा जेवण बेचव बनेल पण तसं नाहीये. खरंतर योग्य प्रकारे ही डिश बनवल्यास नॉर्मल भाजीहूनही अधिक चवदार ही भाजी बनते. यासाठी फक्त तुम्ही तुम्ही योग्य रेसिपी फॉलो करणे गरजेचे आहे. विना कांदा, लसूण बटाट्याची रसरशीत भाजी कशी करायची हे जर तुम्हाला माहिती नसेल तर आजची बातमी तुमच्या कामाची ठरणार आहे.

Kanda Bhaji Recipe: सोडा – रव्याचा अजिबात वापर न करता दसऱ्याच्या नैवेद्यासाठी बनवा कुरकुरीत गोल कांदा भजी, नोट करा रेसिपी

साहित्य

• तूप किंवा तेल (२ चमचे)
• तेजपत्ता (२)
• मोठी वेलची (१)
• काळी मिरी (५-७)
• अख्खी धणेपूड (१ चमचा)
• बडीशेप (१ चमचा)
• हिंग (१/४ चमचा)
• आले (१ इंच)
• हिरव्या मिरच्या (३-४)
• टोमॅटो (३-४, मध्यम आकाराचे)
• उकडलेले बटाटे (२-३)
• लाल तिखट (अर्धा चमचा)
• धणेपूड (अर्धा चमचा)
• भाजलेल्या जिऱ्याची पूड (अर्धा चमचा)
• आमचूर पूड (१ चमचा)
• सैंधव मीठ (१ चमचा)
• कोथिंबीर (२ चमचे)
• पाणी (१.५ कप)

Masala Buttermilk Recipe: प्रत्येक घोटात मिळेल थंडावा! उष्णतेपासून बचाव करण्यासाठी घरीच तयार करा थंडगार मसाला ताक

कृती

• कांदा-लसणाशिवाय रशरशीत बटाट्याची भाजी बनवण्यासाठी सर्वप्रथम गॅसवर एक कढई ठेवून त्यात तूप गरम करा.
• आता यात तेजपत्ता, काळी वेलची, काळी मिरी, जाडसर वाटलेली धणेपूड, बडीशेप आणि चिमूटभर हिंग घाला.
• यासोबतच यात बारीक चेचलेला अदरक आणि चिरलेली हिरवी मिरची घाला.
• सर्वा साहित्य मंद आचेवर साधरण २ मिनिटे शिजवत ठेवा.
• यानंतर चिरलेले टोमॅटो यात घाला आणि ५ मिनिटे शिजवत ठेवा.
• टोमॅटो साॅफ्ट झाला की यात लाल मिरची पूड, धणे पूड, भाजलेल्या जिऱ्याची पूड, आमचूर पूड आणि सैंधव मीठ घाला.
• मसाल्यांना चांगलं तेल सुटलं की यात उकडलेले बटाटे चिरुन घाला.
• आता गरजेनुसार यात पाणी घाला आणि वर झाकण ठेवून भाजीला मंद आचेवर शिजत ठेवा.
• शेवटी चिरलेली कोथिंबीर घाला आणि गॅस बंद करा.