कैरीचं लोणचं सोडा आता झटपट घरी बनवा कैरीची चटणी, चवीला अप्रतिम!

कैरीचे लोणचं तर बऱ्याचदा बनवून खाल्ले असेल, यावेळी कैरीची चटपटीत चटणी बनवून बघा. चव अशी की, मनचं भरणार नाही. (फोटो सौजन्य: istock)

उन्हाळा ऋतू लवकरच संपणार असून या ऋतूत कैरी मोठ्या प्रमाणात बाजारात विक्रीसाठी येत असते. कैरीची आंबट-गोड चव जेवणाची चव आणखीनच वाढवते. उन्हाळयात तुम्ही कैरीचं लोणचं तर अनेकदा बनवले असेल मात्र आज आपण यापासून छानशी चटणी बनवणार आहोत. ही चटणी चवीला फार छान लागते आणि हिला बाणवायला अधिक वेळही लागत नाही. विशेष म्हणजे ही कैरीची चटणी फक्त चावीलाच नाही तर आरोग्यसाठीही फायदेशीर आहे. तसेच कधी घरी नावडती भाजी बनली असेल तर तुम्ही काही मिनिटांतच या चटणीला बनवून हीचा आस्वाद घेऊ शकता. पाहुयात यासाठी लागणारे साहित्य आणि कृती.

साहित्य

• कैरी (मोठी असेल तर 1, लहान असल्यास 2)
• 1 हिरवी मिरची
• 1 इंच तुकडा आले
• 1/2 कप कोथिंबीर
• 1/4 कप पुदिन्याची पाने
• 3 ते 4 लसूण पाकळ्या
• 1/2 टीस्पून जिरे
• चवीनुसार मीठ

कृती

• कैरीची चटणी बनवण्यासाठी सर्वप्रथम कैरीची साल काढून हिला स्वछ पाण्याने धुवून काढा. यासोबतच पुदिना आणि कोथिंबीरही स्वछ धुवून घ्या
• आता मिक्सरमध्ये त्यात कैरीचे तुकडे, पुदिना आणि कोथिंबीर घाला
• सोबत हिरवी मिरची, आले, लसूण पाकळ्या आणि जिरे टाका
• तुम्हाला हवे आलस्यास, तुम्ही यात हिंग टाकू शकता
• आता यात एक काप पाणी घाला आणि सर्व साहित्य मिक्सरमध्ये नीट ब्लेंड करून घ्या
• आता याची एक पेस्ट तयार होईल. ही पेस्ट एका भांड्यात कंदाह आणि यात मीठ घालून पुन्हा सर्वकाही नीट एकत्र करा
• अशा प्रकारे तुमची कैरीची चटणी तयार आहे. आपल्या कुटुंबासोबत हीचा आस्वाद घ्या.