तोंडाला सुटेल पाणी! जेवणात तोंडी लावण्यासाठी झटपट बनवा कैरीचा मेथांबा, नोट करून घ्या पारंपरिक पदार्थ

कच्ची कैरी सगळ्यांचं खायला खूप जास्त आवडते. त्यामुळे कैरीपासून तुम्ही पारंपरिक पद्धतीने मेथांबा बनवू शकता. हा पदार्थ जेवणात तोंडी लावण्यासाठी अतिशय उत्तम आहे.

उन्हाळा ऋतूला सुरुवात झाल्यानंतर प्रत्येक घरात वाळवणाचे पदार्थ बनवले जातात. लोणचं, पापड, कुरडया, विविध प्रकारचे मसाले इत्यादी गोष्टी आवर्जून बनवल्या जातात. या पदार्थांशिवाय जेवणाला मजेदार चव येत नाही. कच्च्या कैरीचा वापर करून अनेक वेगवेगळे चविष्ट पदार्थ बनवले जातात. चटण्या, लोणचं, कैरीचे सरबत यांच्यासह कैरीचा मुरंबा सुद्धा बनवला जातो. म्हणूनच आज आम्ही तुम्हाला पारंपरिक पद्धतीमध्ये कैरीचा मेथांबा बनवण्याची सोपी रेसिपी सांगणार आहोत. मेथी दाणे, कच्ची कैरी आणि इतर मसाल्यांचा वापर करून बनवलेला मेथांबा चवीला अतिशय सुंदर लागतो. मेथांबा तुम्ही गरमागरम चपाती, भाकरी किंवा वरण भातासोबत सुद्धा खाऊ शकता. यामुळे जेवणाची रंगातदार चव वाढेल आणि चार घास जेवण जास्त जाईल, कच्च्या कैरीपासून बनवलेला मेथांबा आठवडाभर व्यवस्थित टिकून राहतो. पदार्थाला पाणी किंवा घाणीचे हात न लावल्यास महिनाभरापेक्षा जास्त वेळ मेथांबा टिकून राहतो. चला तर जाणून घेऊया मेथांबा बनवण्याची पारंपरिक रेसिपी.(फोटो सौजन्य – pinterest)

Recipe : लहान मुलं सारखी पिझ्झाचा हट्ट करतायेत? मग विकतचा नको, घरीच बनवा हेल्दी ‘रव्याचा पिझ्झा’

साहित्य:

• कच्ची कैरी
• मेथी दाणे
• मीठ
• लाल तिखट
• हळद
• मोहरी
• हिंग
• गूळ

जेवणाची रंगत वाढवणारा टेस्टी पदार्थ! १० मिनिटांमध्ये झटपट बनवा झणझणीत हिरव्या मिरचीचे लोणचं, नोट करा रेसिपी

कृती:

• कच्च्या कैरीचा मेथांबा बनवण्यासाठी सर्वप्रथम, कच्ची कैरी पाण्याने स्वच्छ धुवून घ्या. त्यानंतर त्याच्या वरील साल काढून कैरीचे मध्यम आकारात तुकडे करून घ्या. त्यानंतर कैरी पाण्यात ठेवा.
• कढईमध्ये तेल गरम करून त्यात मोहरी आणि हिंग घालून भाजा. त्यानंतर त्यात मेथी दाणे घालून लाल होईपर्यंत भाजा.
• कढई खालील गॅस बंद करून त्यात हळद, लाल तिखट आणि कच्च्या कैरीचे तुकडे घालून मिक्स करा आणि पुन्हा गॅस चालू करा. यामुळे लाल तिखट जळून जाणार नाही.
• कैरीला एक वाफ आल्यानंतर त्यात आवश्यकतेनुसार गूळ आणि चवीनुसार मीठ घालून व्यवस्थित मिक्स करा आणि काहीवेळ शिजवून घ्या.
• तयार आहे सोप्या पद्धतीमध्ये बनवलेला कच्च्या कैरीचा मेथांबा.