जेवणाची चव वाढवण्यासाठी कोकणातील पारंपरिक पद्धतीने बनवा आंबटगोड कैरीची आमटी, नोट करून घ्या रेसिपी

कच्च्या कैरीपासून विविध पदार्थ बनवले जातात. आज आम्ही तुम्हाला कोकणी पद्धतीमध्ये कच्च्या कैरीची आमटी बनवण्याची सोपी रेसिपी सांगणार आहोत. हा पदार्थ सगळ्यांचं खूप जास्त आवडेल.

उन्हाळा ऋतूला सुरुवात झाल्यानंतर शरीराला थंडाव्याची आवश्यकता असते. कारण वाढत्या उष्णतेचा परिणाम आरोग्यावर लगेच दिसू लागतो. उन्हाळा सुरु झाल्यानंतर आहारात तिखट किंवा तेलकट पदार्थ अजिबात खाल्ले जात नाही. कारण तिखट पदार्थ खाल्ल्यानंतर शरीरात उष्णता वाढते आणि अपचनाच्या समस्या वाढू लागतात. त्यामुळे या दिवसांमध्ये आहारात आंबटगोड पदार्थ खावेत. त्यातील सगळ्यांच्या अतिशय आवडीचा पदार्थ म्हणजे कच्ची कैरी. कैरी पाहिल्यानंतर लगेच तोंडाला पाणी सुटते. कच्च्या कैरीपासून अनेक वेगवेगळे पदार्थ बनवले जातात. म्हणूनच आज आम्ही तुम्हाला आंबटगोड चवीच्या कैरीपासून कोकणातील पारंपरिक पद्धतीने आमटी बनवण्याची सोपी रेसिपी सांगणार आहोत. हा पदार्थ गरमागरम भात किंवा भाकरी, चपातीसोबत खूप सुंदर आणि चविष्ट लागतो. चला तर जाणून घेऊया आंबटगोड आमटी बनवण्याची सोपी रेसिपी.(फोटो सौजन्य – pinterest)

वाढत्या उन्हाळ्यात शरीरात टिकून राहील थंडावा! १० मिनिटांमध्ये झटपट बनवा गुलकंद, गॅस अपचनाचा त्रास होईल नाहीसा

साहित्य:

• कच्ची कैरी
• ओल्या खोबऱ्याचा किस
• आलं
• लसूण
• हिरव्या मिरच्या
• लाल तिखट
• लाल सुक्या मिरच्या
• तांदळाचे पीठ
• मोहरी
• कढीपत्ता
• हिंग
• मेथी दाणे
• गूळ
• पाणी
• तेल

लहान मुलांच्या डब्यात द्या पौष्टिक आणि टेस्टी इडली चाट, शाळेचा डबा होईल पूर्णपणे रिकामी

कृती:

• आंबटगोड कैरीची आमटी बनवण्यासाठी सर्वप्रथम, कच्ची कैरी स्वच्छ पाण्याने धुवून घ्या. त्यानंतर कैरीची साल काढून किसून घ्या.
• मिक्सरच्या भांड्यात ओल्या खोबऱ्याचा किस, हिरवी मिरची, लसूण पाकळ्या, लाल तिखट, काश्मिरी लाल तिखट, गरम मसाला, धणे आणि थोडस पाणी घालून मिक्सरमधून बारीक पेस्ट वाटून घ्या.
• त्यानंतर तयार केलेल्या पेस्टमध्ये थोडस तांदळाचे पीठ घालून पुन्हा एकदा बारीक वाटून घ्या. यामुळे आमटीला घट्टपणा येईल.
• कढईमध्ये तेल गरम करून त्यात हिंग, मोहरी, मेथी दाणे आणि कढीपत्त्याची पाने घालून खमंग भाजा.
• भाजलेल्या फोडणीमध्ये किसलेल्या कैरीचा किस घालून मिक्स करा आणि एक वाफ काढून शिजवा. त्यानंतर त्यात तयार केलेले वाटप टाकून मिक्स करा.
• त्यानंतर त्यात चवीनुसार मीठ, आवश्यकतेनुसार कोमट पाणी आणि गूळ घालून आमटीला उकळी काढून घ्या.
• कैरीच्या आमटीमध्ये शेवग्याच्या शेंगा सुद्धा टाकू शकता. यामुळे आमटीला सुंदर चव येईल.
• तयार आहे सोप्या पद्धतीमध्ये बनवलेली कैरीची आमटी. हा पदार्थ गरमागरम भातासोबत मस्त लागेल.