व्हिटॅमिनच्या गोळ्या रोज घेणे आरोग्यासाठी कितपत फायदेशीर? जाणून घ्या

हल्लीच्या बदलत्या लाइफस्टाइलमुळे अनेक जणांना आपल्या दैनंदिन आहारात हवे तेवढे व्हिटॅमिन्स मिळत नाही. अशावेळी कित्येक जण व्हिटॅमिनच्या गोळ्या रोज घेत असतात. परंतु ताकद आणि आरोग्यासाठी जास्त प्रमाणात व्हिटॅमिन्स घेणे धोकादायक सुद्धा असू शकते.

सध्याच्या बदलत्या वातावरणात निरोगी राहणे खूप महत्वाचे आहे. त्यासाठी नियमिय व्यायाम आणि संतुलित आहार घेणे आवश्यक आहे. काही जण आपल्या आहारात पौष्टिक पदार्थ समाविष्ट करत असतात तर काही वेळेअभावी व्हिटॅमिन्सच्या गोळ्या घेणे पसंत करतात.

शरीरातील जीवनसत्त्वांच्या कमतरतेवर मात करण्यासाठी, बरेच लोक दररोज व्हिटॅमिनच्या गोळ्या घेत असतात. असे मानले जाते की व्हिटॅमिन्स शारीरिक आणि मानसिक विकासासाठी खूप महत्वाचे असते. आपल्या शरीराला १३ प्रकारच्या व्हिटॅमिन्सची गरज असते. प्रत्येक व्हिटॅमिनचे आपल्या शरीराववर वेगवेगळे फायदे असतात.

शरीराला किती व्हिटॅमिन्सची गरज असते?

तज्ज्ञांच्या मते, व्हिटॅमिन्स आणि खनिजे शरीरासाठी अत्यंत महत्त्वाचे घटक आहेत, परंतु शरीराला वय, आरोग्य आणि स्थितीनुसार त्यांची आवश्यकता भासत असते. व्हिटॅमिनची आवश्यकता देखील पुरुष आणि महिलांमध्ये भिन्न असू शकते. त्यामुळेच अनेक जण डॉक्टरच्या सल्ल्याने व्हिटॅमिनच्या गोळ्या घेत असतात.

हे देखील वाचा: ताप, संसर्ग,सर्दी, खोकल्यावर तुम्ही ही औषध तर घेत नाही ना? या धोकादायक औषधांवर सरकारने घातली बंदी

व्हिटॅमिनच्या गोळ्या घेण्याचे फायदे

• जर तुम्ही डॉक्टरांच्या सल्ल्याने व्हिटॅमिनच्या गोळ्या घेत असाल तर त्यामुळे शरीरातील व्हिटॅमिनची कमतरता दूर होईल आणि आळस, थकवा, वेदना यांसारख्या समस्या दूर होतील. शरीर उत्साही होते.
• व्हिटॅमिनच्या गोळ्या घेतल्याने तुम्ही केवळ शारीरिकच नाही तर मानसिकदृष्ट्याही तंदुरुस्त होऊ शकता. यामुळे तणाव कमी होतो आणि तुमचे मानसिक आरोग्य
• स्मरणशक्तीसाठी जीवनसत्त्वे खूप फायदेशीर असतात. व्हिटॅमिन बी च्या गोळ्या घेतल्याने मेंदू तीक्ष्ण होतो.
• व्हिटॅमिनच्या गोळ्या स्नायूंची क्षमता वाढवतात आसनी आणि त्यांना बळकट करतात. तसेच या गोळ्या मुक्त रॅडिकल्सच्या नुकसानापासून संरक्षण करते आणि केवळ शरीरच नाही तर त्वचाही निरोगी बनवते.

जास्त व्हिटॅमिन गोळ्या घेण्याचे तोटे

डॉक्टरांच्या म्हणण्यानुसार शरीरात कुठलीही गोष्ट जास्त प्रमाणात जमा झाली तर आजारही वाढतो. व्हिटॅमिनच्या ओव्हरडोजचे दुष्परिणाम वय आणि आरोग्यावर अवलंबून असतात. सर्वसाधारणपणे, यामुळे निद्रानाश, तणाव, नैराश्य, मुंग्या येणे, श्वास घेण्यास त्रास होणे किंवा शरीराच्या कोणत्याही भागात सुन्नपणा येणे अशा समस्या उद्भवू शकतात.

व्हिटॅमिन डीच्या गोळ्या जास्त घेतल्यास एखादी व्यक्ती कोमातही जाऊ शकते. तसेच या गोळ्यांमुळे उलट्या, मळमळ, बद्धकोष्ठता, पोटाच्या तक्रारी, भूक न लागणे, गोंधळ यांसारखे त्रास होऊ शकतात.