‘Sea View Room की Parking View…’ ऑनलाइन ट्रॅव्हल पोर्टल्सवर विश्वास ठेवणं कितपत सुरक्षित?

Truth About Online Travel Booking : ऑनलाइन ट्रॅव्हल बुकिंग पोर्टलवर दिलेली माहिती किती अचूक आहे? एका सर्वेक्षणातून असे दिसून आले आहे की अनेक वेळा चित्रे आणि तपशील वास्तवाशी जुळत नाहीत.

Truth About Online Travel Booking : आजच्या डिजिटल युगात प्रवासाचे नियोजन करणे पूर्वीपेक्षा अधिक सोपे झाले आहे. फ्लाइट तिकिटे असोत, हॉटेल बुकिंग असो किंवा टूर पॅकेज सर्व काही ऑनलाइन पोर्टल्सवर एका क्लिकवर उपलब्ध आहे. त्यामुळेच लाखो प्रवासी या पोर्टल्सवर विश्वास ठेवून बुकिंग करतात. पण एक महत्त्वाचा प्रश्न उपस्थित होतो ही माहिती खरोखर किती अचूक असते? अलिकडच्या एका सर्वेक्षणातून आलेले निष्कर्ष प्रवाशांना हादरवून सोडणारे आहेत. या सर्वेक्षणानुसार, अनेकदा ऑनलाइन बुकिंग पोर्टलवर दाखवलेले फोटो, सुविधा आणि लोकेशन वास्तवाशी जुळत नाहीत.

आकर्षक चित्रे… पण वास्तव वेगळे!

हॉटेल्स आणि रिसॉर्ट्स आपले फोटो पोर्टल्सवर इतके मोहक पद्धतीने सादर करतात की पाहताक्षणीच ग्राहक बुकिंग करतात. परंतु प्रत्यक्षात त्या खोल्या लहान निघतात, सुविधांची कमतरता जाणवते किंवा स्वच्छतेचा अभाव दिसतो. तसेच, “समुद्रकिनाऱ्यापासून फक्त ५०० मीटर अंतरावर” असा दावा करणारे हॉटेल प्रत्यक्षात दोन-तीन किलोमीटरवर असते. चित्र विरुद्ध वास्तव हे अनेक प्रवाशांच्या अनुभवांमध्ये आढळले.

हे देखील वाचा : Work From Anywhere : रिमोट वर्कसाठी भारतातील ‘ही’ 6 ऑफबीट ठिकाणे आहेत सर्वात Trending

सर्वेक्षणात काय उघड झाले?

• ६०% लोकांनी सांगितले की हॉटेलच्या सुविधा जाहिरात केलेल्या माहितीसोबत जुळल्या नाहीत.

• ४०% प्रवाशांना ‘सी व्ह्यू रूम’ दिल्याचा दावा केला गेला, पण खिडकी उघडल्यावर दिसले पार्किंग लॉट!

• ३०% लोकांना अतिरिक्त शुल्काबाबत वेळेवर माहिती देण्यात आली नाही.

हे आकडे स्पष्टपणे दाखवतात की पोर्टल्सवरील माहितीवर पूर्णपणे विसंबून राहणे नेहमीच सुरक्षित नाही.

प्रवाशांसाठी महत्त्वाच्या खबरदाऱ्या

ऑनलाइन पोर्टल्समुळे प्रवास सोपा झाला असला तरी फसवणूक टाळण्यासाठी काही काळजी घेणे आवश्यक आहे –

1. ग्राहक पुनरावलोकने वाचा – खऱ्या प्रवाशांचे अनुभव सर्वात विश्वासार्ह असतात.

2. अधिकृत वेबसाइट तपासा – हॉटेल किंवा एअरलाइनच्या मूळ साइटवर जाऊन माहितीची खात्री करा.

3. अटी व शर्ती वाचा – ऑफर्स आणि सवलतींच्या सूक्ष्म अटी काळजीपूर्वक समजून घ्या.

4. गुगल मॅप्स वापरा – लोकेशनचे खरे अंतर आणि परिसर जाणून घ्या.

5. कस्टमर केअरशी बोला – शंका असल्यास थेट चौकशी करा.

हे देखील वाचा : Best Ropeway in India : आकाशातून निसर्ग पाहण्याचा अनोखा अनुभव घ्यायचा असेल तर ‘या’ आहेत भारतातील सर्वोत्तम Ropeway Rides

प्रवासाचे नियोजन सोपे आणि जलद

ऑनलाइन ट्रॅव्हल बुकिंग पोर्टल्समुळे प्रवासाचे नियोजन सोपे आणि जलद झाले आहे. पण या पोर्टल्सवरील माहिती नेहमीच १००% बरोबर असेलच असे नाही. प्रवाशांनी स्वतःचा रिसर्च करूनच निर्णय घ्यावा. योग्य पुनरावलोकने, मूळ ठिकाणाची माहिती आणि अधिकृत तपशील तपासल्यानंतरच बुकिंग केल्यास प्रवासाचा अनुभव नक्कीच सुखकर ठरेल.