५ मिनिटांत उजळतील पितळेची भांडी! घरच्या घरी तयार करा ‘हे’ खास द्रव अन् मिळवा अगदी नव्यासारखी चमक

सणांचा महिना सुरू होताच घरातील तांबे-पितळेची भांडी आणि देवाच्या मूर्ती साफ करण्याची लगबग सुरू होते. अनेक दिवस वापरात नसल्याने या भांड्यांवर काळा थर आणि घाण जमा होते. मात्र, घरातील काही साध्या पदार्थांच्या मदतीने ही भांडी कमी मेहनतीत पुन्हा चमकवता येऊ शकतात.

• तांबे-पितळेची भांडी चमकवण्यासाठी घरच्या घरी तयार करा खास लिक्विड
• भांड्यांवरील काळा थर आणि घाण दूर करण्यासाठी जाणून घ्या सोपी ट्रिक
• देवाच्या मूर्तीला चमक आणण्यासाठी ‘या’ घरगुती पेस्टचा करा वापर

सणांचा महिना सुरु झाला असून घरातील तांबे-पितळेची भांडी आता बाहेर निघू लागली आहेत. दररोजच्या वापरात न येणारी ही भांडी सणासुदीलाच बाहेर निघतात आणि मग भांड्याची कसून साफसफाई सुरु होते. अनेक महिन्यांपासून वापरात न आल्यामुळे भांड्यांवर भरपूर घाण आणि काळा थर जमा झालेला असतो ज्याला दूर करण्यासाठी बरीच मेहनत घ्यावी लागते. अशावेळी तुम्ही एक घरगुती ट्रिक वापरुन काही मिनिटांतच भांड्यांना नव्यासारखी चमक मिळवून देऊ शकता. यासाठी फक्त तुम्हाला एक मॅजिक लिक्विड तयार करण्याची गरज आहे. चला तर मग या लिक्विडला कसं तयार करायचं ते जाणून घेऊया.

अँडोक्राईन डिस्टरप्टिंग केमिकल्स प्रजनन क्षमतेवर कसा परिणाम करतात? जाणून घ्या तज्ज्ञांनी दिलेली सविस्तर माहिती

अशाप्रकारे तयार करा लिक्विड

यासाठी सर्वप्रथम एक भांड घ्या आणि त्यात एक चमचा मीठ, तीन चमचे सायट्रिक ऍसिड किंवा लिंबाची साल, किंवा तीन चमचे लिंबाचा रस आणि तीन चमचे पांढरा व्हिनेगर घाला. हे सर्व साहित्य व्यवस्थित मिसळा आणि नंतर त्यात थोडे पाणी घालून लिक्विड तयार करा.

कांस्य, तांबे आणि पितळेची भांडी होती क्लिन

घरात तयार केलेल्या या लिक्विडच्या मदतीने तुम्ही कांस्य, तांबे आणि पितळेची भांडी सहज क्लिन करु शकता. मुख्य म्हणजे या लिक्विडच्या मदतीने भांडे साफ करण्यासाठी तुम्हाला फार जास्त मेहनत करण्याची गरज भासणार नाही. भांडी साफ करण्यासाठी तयार लिक्विड भांड्यावर ओता आणि स्क्राॅचच्या मदतीने भांडी हलक्या हाताने घासा. काही मिनिटे भांड्यांना चांगलं रगडल्यानंतर तुम्हाला दिसेल की, भांड्यांवरचा काळा थर सहज दूर झाला आहे. यानंतर पाण्याने भांडी स्वच्छ धुवून काढा आणि मग कापडाने भांड्यांना पुसून देवपूजेत त्यांचा वापर करा.

Travel News : थायलंडचे अनोखे मंदिर! इथे पूजा नाही तर फोटोशूट करायला जातात लोक…

मूर्ति साफ करण्यासाठी कशाचा वापर सर्वाेत्तम ठरेल?

जर तुम्हाला देवाची मूर्ती साफ करुन चमकवायची असेल तर यासाठी पितांबरी पावडरचा वापर फायदेशीर ठरेल. तुम्ही यात दही आणि आमचूर पावडर मिक्स करुन त्यात थोडं पाणी घालून याची पेस्ट तयार करु शकता. या पेस्टने मूर्ती चांगली हाताने घासा आणि मग पाण्याने धुवून याची चमक पाहा.