तांब्या पितळेच्या भांड्यांना कसं साफ करावं? स्वयंपाकघरातील या पदार्थांची मदत घ्या; शून्य रुपयांत भांड्यांना मिळेल नव्यासारखी चमक

फूड्स अँड फ्लेव्हर्स बाय शिल्पी नावाच्या एका इन्स्टाग्राम पेजने फक्त एका मिनिटात पितळ, तांबे आणि कांस्य भांडी चमकवण्यासाठी एक हॅक शेअर केला आहे. दिवाळी पूजा किंवा साफसफाईनंतर जर तुमची भांडी पुन्हा काळी पडू लागली असतील, तर तुम्ही घरी हा उपाय ट्राय करुन तुम्ही तुमची जुनी भांडी नवीनसारखी चमकू शकता.

साहित्य

• एक चमचा सफेद मीठ
• दोन चमचे सायट्रिक ॲसिड किंवा लिंबाचे फुल
• एक चमचा डिशवॉशिंग लिक्विड
• दोन चमचे व्हाईट व्हिनेगर
• पाणी (गरजेनुसार)

• तांबे, पितळ आणि कांस्य भांडी नव्यासारखी चमकवण्यासाठी प्रथम एका भांड्यात एक चमचा सफेद मीठ, दोन चमचे सायट्रिक ॲसिड एकत्र करा
• यानंतर यात एक चमचा डिशवॉशिंग लिक्विड आणि दोन ते अडीच चमचे व्हाईट व्हिनेगर आणि गरजेनुसार पाणी घालून द्रावण तयार करा
• आता जुन्या काळ्या भांड्यांना या द्रावणात काहीवेळ भिजवून ठेवा
• काही तासाने भांडी पाण्यातून काढून त्यांना हाताने घासा आणि फरक पाहा
• कोणतीही मेहनत न घेता भांड्यांना लागलेला काळा थर सहसपणे दूर झाल्याचे तुम्हाला दिसून येईल
• या उपायाच्या वापराने तुम्हाला दिसेल की तुमची जुनी भांडी नव्यासारखी चमकू लागली आहेत
• तांबे, पितळ आणि कांस्य भांडी स्वच्छ करण्यासाठीचा हा उपाय सोशल मीडियावर वेगाने व्हायरल होत आहे

भांडी स्वच्छ करण्याचे इतर मार्ग

तांबे, पितळ आणि कांस्य भांडी स्वच्छ करण्यासाठी तुम्ही आणखीन एका उपायाची मदत घेऊ शकता. यासाठी एका लिंबाचा रस एक चमचा बेकिंग सोडामध्ये पिळून घ्या आणि पूर्णपणे मिसळा. तांबे, पितळ आणि कांस्य भांडी स्वच्छ करण्यासाठी लिंबाच्या सालीने घासून घ्या. ही भांडी स्वच्छ करण्यासाठी तुम्ही चिंचेचा कोळ देखील वापरू शकता. यामुळे भांडा स्वच्छ होऊन नव्यासारखी चमकू लागतील.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या