Home Decor: नवविवाहित नव्या घरात करणार गृहप्रवेश, घराचे सौंदर्य कसे वाढेल; कसे सजवाल घर खास मार्गदर्शक

नवीन लग्न झाल्यानंतर आपलं घर आपण सजवावं असं प्रत्येक महिलेला वाटतं. त्यासाठी अर्थात नवऱ्याची साथही लागते. पण ते नक्की कसं चांगलं करता येईल जेणेकरून घर सुंदर दिसेल यासाठी काही खास टिप्स तुमच्या मदतीला

• नवे घर कसे सजवावे 
• नवविवाहित जोडप्यांसाठी काही खास टिप्स 
• घराचे सौंदर्य वाढविण्यासाठी काय करावे 

एकत्र प्रवास सुरू करण्यासाठी आपल्या आवडीनुसार घर सजवणाऱ्यांसाठी सध्या सुरू असलेला लग्नाचा हंगाम ही उत्तम संधी आहे. एकमेकांना जाणून घेतानाच एकमेकांच्या आवडीनिवडी जपत घर उभे करणे ही वेगळीच आनंदाची बाब आहे. केवळ कर्तव्याच्या पलीकडे जाऊन आजची जोडपी ही त्यांची व्यक्तिमत्त्वे आणि सौंदर्याच्या आवडीनिवडी प्रतिबिंबित करणाऱ्या जागा शोधतात. फर्निचरपासून पंख्यांपर्यंत प्रत्येक गोष्ट, अगदी कापड आणि फिनिशिंगसुद्धा सुंदर आणि आरामदायी वाटेल असे घर घडवण्यात महत्त्वाचे ठरते. 

घरगुती उपकरणे या घर सजावटीच्या केंद्रस्थानी आहेत. वापरायला अत्यंत सोपी तसेच घराच्या सजावटीत चपखल बसतील अशी उपकरणे निवडल्याने तुमच्या घरात सौंदर्यात मोठा फरक पडू शकतो. तसेच एक जोडपे म्हणून तुमचे व्यक्तिमत्त्वही त्यातून समोर येईल. घरगुती उपकरणांची सौंदर्यपूर्ण रचना तुमच्या नवीन घराला कसा वेगळा लूक देऊ शकते, याबद्दल गोदरेज एंटरप्रायझेस ग्रुपच्या अप्लायन्सेस बिझनेसचे डिझाईन प्रमुख कमल पंडित यांनी काही महत्त्वाच्या बाबी ‘नवराष्ट्र’ च्या वाचकांसाठी सांगितल्या आहेत. 

घरगुती उपकरणांना घराच्या सजावटीचाच एक भाग समजा

तरुण जोडप्यांसाठी, ही घरगुती उपकरणे म्हणजे केवळ घरकामातील सोय राहिलेली नाही तर त्यांच्या राहण्याच्या जागेचा लूक बदलणारी स्टाइल स्टेटमेंट ठरली आहेत. घरगुती उपकरणे ही आतापर्यंत प्रामुख्याने स्वयंपाकघर आणि झोपण्याची जागा येथेच दिसत असत. पण आता ती खुल्या जागांमध्ये विशेषकरून त्यांच्यासाठी तयार केलेल्या जागांमध्ये ठेवलेली दिसतात. त्यामुळेच आता उपकरणे ही सजावटीचाच भाग आहेत, अशा पद्धतीनेच त्याची रचना व्हायला हवी. उपकरणे वेगळे राहण्याऐवजी सजावटीला पूरक असणे आवश्यक आहे. बेडरूम ही आरामाशी निगडित असते त्यामुळे तेथील फर्निचर तसेच रंगसंगतीशी मिळतीजुळती उपकरणे निवडली जाऊ शकतात. या बदलामुळे डिझाइन-लेड उपकरणांचे एक नवीन युग सुरू झाले आहे, जे शैली आणि कार्यक्षमतेची योग्यरित्या सांगड घालते.

आधुनिक डिझाइनवर निसर्गाचा प्रभाव

निसर्ग-प्रेरित सौंदर्यशास्त्राचा विचार करणाऱ्या घरांसाठी, वूड-फिनिश एअर कंडिशनर आणि रेफ्रिजरेटर हा एक उत्तम पर्याय आहे. फर्निचर, फ्लोअरिंग आणि सजावटीच्या इतर घटकांसह हे घटक सहजतेने मिसळतात. ज्यामुळे नैसर्गिकरित्या एक सुंदर लूक तयार होतो जो आकर्षक आणि कालातीत वाटतो. तुमच्या भिंतींच्या टोन आणि फर्निचरला पूरक ठरतील असे रंग आणि पोत निवडण्याची कल्पना आहे, ज्यामुळे एक उत्तम, सुव्यवस्थित डिझाइन केलेले घर एकत्र येते. मेटॅलिक किंवा ग्लॉसी लूकला नैसर्गिक, ताजेतवाने पर्याय देताना आतील सजावटीला नैसर्गिकरित्या उबदारपणा आणि घरगुती आकर्षण आणतात.

Diwali 2025: दिवाळीला घराची सजावट करण्यासाठी वापरा या भन्नाट आयडिया

प्रीमियम फिनिश आणि योग्य रंगसंगतीने बदला घराचा चेहरामोहरा 

सुंदर डिझाइन केलेल्या घरात, उपकरणांसाठी योग्य रंगसंगती आणि फिनिश निवडल्याने त्याचा दृश्य परिणाम अधिक प्रभावी आणि सुसंस्कृत ठरतो. पांढरा, बेज, राखाडी किंवा काळा या सारख्या रंगछटा कालातीत सुंदरता देतात. याशिवाय पेस्टल शेड्स देखील ट्रेंडमध्ये आहेत आणि शॅम्पेन सोनेरी किंवा चांदीसारखे मेटॅलिक टोन्स उत्तम सुसंस्कृतता देतात. नेहमीच्या पांढऱ्या रंगांच्या पलीकडे जात एसी आता वेगवेगळ्या रंगात उपलब्ध होतात. तसेच ब्रँडही आता उत्तम फिनिश, पॅटर्न्स आणि मेटॅलिक टोन उपलब्ध करून देत आहेत. 

फ्रीजही आता काच, स्टील आणि लाकडी फिनिशमध्ये येतात, तसेच सध्याच्या आधुनिक स्वयंपाकघरांमध्ये आकर्षणाचा केंद्रबिंदू ठरतील अशा मोहक रंगसंगतीत देखील येतात. वॉशिंग मशीनने देखील आता कात टाकली असून ते सुद्धा स्लिक मेटॅलिक बॉडीसह उपलब्ध होत आहेत. उपकरणांसाठी पूरक रंग समन्वयासह प्रीमियम फिनिश जोडपे एक्सप्लोर करू शकतात. त्याच्याशी जुळवून घेण्यासाठी किंवा कॅबिनेटरी, वॉल शेड्स तसेच फ्लोअरिंगसह उत्तमरित्या कॉन्ट्रास्ट करू शकतात आणि घराला एक नैसर्गिक लूक देऊ शकतात.

आधुनिक राहणीमानासाठी मिनिमलिझमची निवड

आताच्या युवा घरमालकांमध्ये मिनिमलिझम शैलीचा जोरदार प्रभाव आहे. स्पष्ट संकल्पना, सुटसुटीत जागा आणि योग्य रचना यामुळे ही घरगुती उपकरणे वास्तुकलेचाच एक नैसर्गिक भाग वाटतात. आजकालची उपकरणे, उदा. एसी – त्याचे आकर्षक पॅनेल, आकार आणि फिनिशसह आधुनिक सजावटीत सहजतेने मिसळतात. अगदी वॉशिंग मशीन देखील सहज दृश्यमानतेसाठी काचेचे झाकण आणि एर्गोनॉमिकल कंट्रोल पॅनेलसह येते आहे. ते शांतता आणि सुसंवादाची भावना निर्माण करतात ज्यामुळे प्रत्येक जागा ही शांतता देते आणि कालातीत वाटते. अशी शांतता आपल्या घरात हवी, अशी प्रत्येक जोडप्याची इच्छा असते. 

घरच्या घरी ‘या’ सोप्या आयडिया वापरून इको फ्रेंडली सजावट

सौंदर्यशास्त्र आणि तंत्रज्ञानाचा एकत्रित प्रवास

सौंदर्यपूर्ण आनंदाबरोबरच, उत्पादनाची कार्यक्षमता आणि ऊर्जा कार्यक्षमता वाढविण्यासाठी तसेच दैनंदिन जीवनात अधिक आराम आणि सुविधा देण्यासाठी ही उपकरणे प्रगत एआय-संचलित, स्मार्ट आणि पेटंट तंत्रज्ञानासह येतात.

आयुष्यातील पहिले घर जोडीदाराच्या मदतीने उभारणे म्हणजे प्रेम, आवड आणि विश्रांती यांचे अनोखे मिश्रण असते. योग्य डिझाइन, कलर पॅलेट, फिनिश आणि तंत्रज्ञानासह तुम्ही एक अशी जागा तयार करता जी तुम्हाला सुंदर तर वाटेलच पण काम करण्यासाठी प्रेरणादायी देखील ठरेल. विचारपूर्वक मांडणी केलेली उपकरणे रोजच्या जगण्याचे रूपांतर एका सुखद, सामायिक अनुभवात करू शकतात. कारण उत्तम डिझाइन हे केवळ डोळ्यांना आनंद देत नाही तर ते घराच्या प्रत्येक कोपऱ्यात दररोज जाणवते आणि जगण्याचा आनंद देते.