समोरचा व्यक्ती आहे तद्दन ‘खोटारडा’, सोप्या पद्धतीने ओळखा खोटं बोलणाऱ्या व्यक्ती

नजरेला नजर न देणे:

खोटं बोलणारी व्यक्ती कधीच नजरेला नजर देत नाही. आपले डोळे कधीच खोटं बोलत नाहीत. त्यामुळे खोटं बोलणारी व्यक्ती कधीही नजरेला नजर लावून बोलत नाही. त्यांचे डोळे कायमच खाली झुकलेले असतात. खोटं बोलणारा माणूस तुमच्याकडे बघणे टाळतो. पण एखादी व्यक्ती कोणतीही गोष्टी खरी सांगत असेल तर ती व्यक्ती पोटतिडकीने तुमच्याकडे बघून बोलत असते. यामध्ये कोणताही बनावटपणा नसतो.

अस्वस्थपणा:

खोटं बोलणाऱ्या व्यक्तीच्या मनात कायमच भीती असते. त्यामुळे ते अतिशय अस्वस्थ वाटतात. पाय हलवणे, बोटांनी खेळ करणे, सारखा केसांना हात लावणे इत्यादी सर्व क्रिया अस्वस्थपणा वाढू लागल्यानंतर केल्या जातात. त्यामुळे समोरची व्यक्ती तुमच्यासोबत बोलताना असे हावभाव व्यक्त करत असेल तर ती व्यक्ती तुमच्यापासून काहींना काही लपवत आहे.

डिटेल्स’चा भडिमार:

खोटं बोलणारी व्यक्ती एखादी गोष्ट सांगताना कायमच घाबरलेली आणि खूप जास्त अस्वथ वाटते. खोटं बोलताना गोष्टी अशा काही पटवून दिल्या जातात की त्या सर्व खऱ्याच आहेत. अनेक अनावश्यक आणि अतिरिक्त तपशील कोणत्याही कारणाशिवाय सांगितला जातो. त्यामुळे आपण खरं बोलतोय हे सांगण्यासाठी अनेक गोष्टी पटवून द्याव्या लागतात.

जेवणानंतर नियमित करा ‘या’ हिरव्या पाण्याचे सेवन! मधुमेह आणि आरोग्यासंबंधित गंभीर आजार होतील कायमचे दूर

प्रतिसाद देण्यास वेळ लावणे:

खोटं बोलणारी व्यक्ती विचारलेल्या प्रश्नाचे लवकर उत्तर देत नाही. कोणत्याही गोष्टीची उत्तर देण्यासाठी जास्तीचा वेळ लागतो. पण प्रामाणिक लोक कोणत्याही गोष्टीचा लगेच प्रतिसाद देतात. खोट्या गोष्टी पटवून देण्यासाठी जास्तीचा वेळ लागतो आणि विचारलेल्या प्रश्नाचे उत्तर लवकर देता येत नाही. समोरची व्यक्ती दिलखुलासपणे तुमच्यासोबत बसून हसत असेल तर त्यांच्या नजरेत समाधानाची, आनंदाची भावना लगेच दिसून येते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या