बहुधा आपल्या प्रेम आणि आकर्षण यातील फरक समजत नाही, यासाठी खास टिप्स तुमच्यासाठी. कोणी तरी समोर आल्यावर तुम्ही लाजता का? कोणाला तरी पाहिल्यावर पोटात गुदगुल्या होत असल्यासारखं वाटतं का? या प्रश्नांची उत्तरं ‘होय’ अशी असतील तर त्याचा अर्थ तुम्ही प्रेमात पडला आहात. कारण या सर्व गोष्टी प्रेमात पडल्याचे संकेत देतात. तुम्हाला कोणाहीबद्दल असं वाटत असेल तर ते नक्कीच प्रेम (Love) आहे. कधी कधी चांगले मित्रही (Friends) एकमेकांच्या प्रेमात पडतात; मात्र एकमेकांसोबत वेळ घालवताना अनेकदा ते प्रेमात पडल्याच्या भावनेपासून अनभिज्ञ असतात.
बऱ्याचदा आपण कोणाच्या तरी प्रेमात पडलोय किंवा आपल्याला कोणी तरी आवडू लागलंय याची आपल्याला कल्पना नसते; पण जेव्हा प्रेम असतं तेव्हा त्याचे अनेक संकेत असतात; पण ते समजणं थोडं अवघड जातं. तुम्ही एखाद्याच्या प्रेमात असाल तर तुम्ही कारण नसताना खूश व्हाल. तुम्हाला प्रत्येक गोष्टीवर हसू येईल. मनात प्रेमाची घंटी कधी आणि कशी वाजते त्याबद्दल थोडं जाणून घेऊ या. कदाचित त्यामुळे तुम्हालाही तुमचं प्रेम ओळखण्यात मदत होईल.
मनातलं प्रेम कसं ओळखायचं?
तुम्ही प्रेमात पडला असाल तर तुम्ही सतत त्या व्यक्तीच्या विचारात हरवून जाल. प्रत्येक गोष्टीत तुम्हाला त्या व्यक्तीचं बोलणं आणि कृती आठवत राहतील. तुम्हाला त्याची आठवण आल्यावर तर तुम्ही स्वतःशीच बोलायला लागाल.
स्वतःपेक्षा समोरच्या व्यक्तीची वाटते काळजी
जेव्हा आपल्याला कुणी तरी आवडतं किंवा आपण प्रेमात पडतो तेव्हा तो किंवा ती आपल्यासाठी सर्वस्व बनते. स्वत:पेक्षा जास्त तुम्हाला त्याच्या खाण्या-पिण्याची जास्त काळजी वाटू लागते. त्याच्याबद्दल कोणीही वाईट बोललेलं तुम्हाला आवडत नाही.
संगीत जास्त आवडू लागणं
एखाद्याच्या विचारात बुडून गेल्यावर संगीताचा (Music) आसरा घेतला जातो. बऱ्याचदा समोरच्याच्या आवडी-निवडी लक्षात घेऊन आपण गाणी निवडतो. जेव्हा तुम्ही एखाद्याच्या प्रेमात असता तेव्हा रोमँटिक गाणी आवडतात. रोमँटिक गाण्या बरोबर भावनिक गाणी देखील ऐकाल.
मित्रांसोबत भावना शेअर करणं
बहुतांश व्यक्ती त्यांच्या मनातल्या गोष्टी मित्रांना सांगतात. प्रेमात पडण्याची कोणतीही खास अशी पद्धत नाही. त्यामुळे तुमचं कोणावर प्रेम असेल, तर काही काळानंतर तुम्ही या गोष्टी तुमच्या मित्रांसोबत नक्कीच शेअर कराल. [blurb content=””]
.png "Videos"){kind=small}
