रक्तातील साखर नियंत्रणात ठेवण्यासाठी सकाळच्या नाश्त्यात बनवा बाजरीचे पौष्टिक सूप, वाचा हेल्दी रेसिपी

आरोग्यासाठी बाजरी अतिशय पौष्टिक आहे. बाजरीच्या सेवनामुळे रक्तातील साखरेचे प्रमाण नियंत्रणात राहण्यास मदत होते. त्यामुळे आज आम्ही तुम्हाला बाजरीचे सूप बनवण्याची सोपी रेसिपी सांगणार आहोत. चला तर जाणून घेऊया रेसिपी.

जगभरातील अनेक लोक मधुमेहासारख्या गंभीर आजाराने त्रस्त आहेत. मधुमेह झाल्यानंतर आरोग्यासंबंधित अनेक समस्या उद्भवू लागतात. रक्तातील साखरेचे प्रमाण वाढल्यानंतर मधुमेह होतो. याशिवाय शरीरामध्ये वाढलेला मधुमेह शरीरातील इतर अवयवांना सुद्धा इजा पोहचवतो. त्यामुळे मधुमेह झाल्यानंतर दुर्लक्ष न करता डॉक्टरांच्या सल्ल्याने योग्य ते औषध उपचार करणे आवश्यक आहे. रक्तातील साखरेचे प्रमाण वाढल्यानंतर खाण्यापिण्याच्या सवयींनमध्ये अनेक पथ्य पाळावी लागतात. तसेच मधुमेह झाल्यानंतर बाजरी, नाचणी इत्यादी धान्यांच्या भाकरीचे किंवा या धान्यांपासून बनवलेल्या पदार्थांचे सेवन केले जाते. बाजरीपासून भाकरी, खिचडी, लाह्या, अप्पे, इडली इत्यादी पदार्थ बनवले जातात. पण आज आम्ही तुम्हाला बाजरीचे सूप बनवण्याची सोपी रेसिपी सांगणार आहोत. चला तर जाणून घेऊया.(फोटो सौजन्य – iStock)

चहाला द्या बिस्किटांची जोड! घरीच बनवा मार्केट स्टाइल चॉको चिप्स कुकीज, सोपी आहे रेसिपी

साहित्य:

• बाजरीचे पीठ
• तेल
• गाजर
• बीन्स
• पालक
• काळीमिरी पावडर
• आलं लसूण पेस्ट
• जिरं
• पाणी
• चिली फ्लेक्स
• कोथिंबीर

१० मिनिटांमध्ये घरच्या घरी बनवा ‘खारे शेंगदाणे’, चवीसोबत आरोग्यासाठी सुद्धा ठरतील पौष्टिक

कृती:

• बाजरीचे सूप बनवण्यासाठी सर्वप्रथम, टोपात तेल गरम करण्यासाठी ठेवा. तेल गरम झाल्यानंतर त्यात जिरं टाकून भाजून घ्या.
• नंतर आलं लसूण पेस्ट टाकून पुन्हा एकदा व्यवस्थित परतवून घ्या. त्यानंतर त्यात बारीक चिरून घेतलेला गाजर, बीन्स, पालक आणि चवीनुसार मीठ टाकून मिक्स करा.
• मिक्स करून झाल्यानंतर त्यात उकळवून घेतलेले गरम पाणी टाकून व्यवस्थित मिक्स करा.
• सूपला उकळी आल्यानंतर त्यात काळीमिरी पावडर, चिली फ्लेक्स आणि बाजरीच्या पिठाची पेस्ट टाकून व्यवस्थित मिक्स करा.
• बाजरीचे पीठ टाकल्यानंतर सूप सतत चमच्याने मिक्स करत राहा, अन्यथा सूपमध्ये गुठळ्या होतील.
• सगळ्यात शेवटी वरून कोथिंबीर टाकून सूप खाण्यासाठी सर्व्ह करा. तयार आहे सोप्या पद्धतीमध्ये बनवलेले बाजरीचे सूप.