दिवाळीनिमित्त घरी बनवा चविष्ट आणि कुरकुरीत मखाण्यांचा चिवडा, १५ मिनिटांमध्ये तयार होईल पदार्थ

दिवाळी सणाला घरात अनेक वेगवेगळे पदार्थ बनवले जातात. म्हणूनच आज आम्ही तुम्हाला सोप्या पद्धतीमध्ये मखाण्यांचा चिवडा बनवण्याची सोपी रेसिपी सांगणार आहोत.

दिवाळी सणाला अवघे काही महिने शिल्लक राहिले आहेत. दिवाळीच्या दिवशी घरात रोषणाई करून दिव्यांची सजावट,कंदील आणि रांगोळी काढली जाते. याशिवाय नवीन कपडे आणि घरात दिवाळीचा फराळ बनवला जातो. दिवाळीच्या आधी प्रत्येक घरात साफसफाई आणि फराळाची मोठी लगबग असते. फराळात नेमकं काय काय बनवावं, असे अनेक प्रश्न महिलांना कायमच पडतात. दिवाळीच्या फराळात लाडू, चकल्या, करंज्या, शंकरपाळ्या इत्यादी पदार्थ बनवले जातात. या पदार्थांसोबतच तुम्ही कुरकुरीत मखाण्यांचा चिवडासुद्धा बनवू शकता. मखाणा आरोग्यासाठी अतिशय गुणकारी आहेत.यामध्ये असलेले पोषक घटक वाढलेले वजन कमी करण्यासाठी मदत करतात. वजन वाढल्यानंतर संध्याकाळच्या नाश्त्यात किंवा भूक लागल्यानंतर मखाणा खाल्ला जातो. दिवाळीमध्ये कायमच पोहे, शेव किंवा मक्याचा चिवडा बनवला जातो. पण आज आम्ही तुम्हाला सोप्या पद्धतीमध्ये मखाणा चिवडा बनवण्याची सोपी रेसिपी सांगणार आहोत.(फोटो सौजन्य: Pinterest)

गल्ली गल्लीत फेमस असा ‘जीनी डोसा’ घरी कसा तयार करायचा? याची मसालेदार अन् चिजी चव मन खुश करून टाकेल

साहित्य:

• मखाणा
• सुका मेवा
• लाल तिखट
• मीठ
• जिरं
• सुकं खोबर
• कढीपत्ता
• मोहरी
• तेल
• शेंगदाणे

Kojagari Special: १० मिनिटांमध्ये घरच्या घरी सोप्या पद्धतीमध्ये बनवा कोजागरी स्पेशल दूध मसाला, नोट करून घ्या रेसिपी

कृती:

• कुरकुरीत मखाण्यांचा चिवडा बनवण्यासाठी सर्वप्रथम, कढईमध्ये तेल गरम करून घ्या. गरम तेलात हळद आणि मखाणा टाकून भाजून घ्या.
• त्याच कढईमध्ये पुन्हा एकदा थोडस तेल टाकून कढीपत्त्याची पाने टाका. त्यानंतर सुक्या खोबऱ्याचे तुकडे, शेंगदाणे आणि काजू, बदाम टाकून व्यवस्थित भाजा. भाजून घेतलेले सर्व साहित्य काढून घ्या.
• पुन्हा एकदा कढईमध्ये तेल टाकून त्यात मोहरी भाजून घ्या.नंतर त्यात भाजून घेतलेलं सर्व साहित्य टाकून व्यवस्थित करा.
• भाजून घेतलेले मखाणा टाकून वरून लाल तिखट, मीठ आणि थोडीशी साखर टाकून व्यवस्थित मिक्स करा.
• तयार केलेला चिवडा मोठ्या भांड्यामध्ये ओतून थंड करून बंद डब्यात भरून ठेवा.
• तयार आहे सोप्या पद्धतीमध्ये बनवलेला कुरकुरीत मखाण्यांचा चिवडा. हा पदार्थ चहासोबत अतिशय सुंदर लागेल.