सकाळच्या नाश्त्यासाठी १५ मिनिटांमध्ये बनवा विकतसारखा मऊसूत Dhokla, नोट करून घ्या जाळीदार ढोकळा बनवण्याची रेसिपी

सकाळच्या नाश्त्यासाठी तुम्ही सोप्या पद्धतीमध्ये जाळीदार मऊसूत ढोकळा बनवू शकता. हा पदार्थ लहान मुलांपासून अगदी मोठ्यांपर्यंत सगळ्यांचं खूप जास्त आवडेल. जाणून घ्या ढोकळा बनवण्याची रेसिपी.

सकाळच्या नाश्त्यात नेहमीच काय बनवावं? हा प्रश्न सर्वच महिलांना पडतो. नाश्त्यात कायमच कांदापोहे, उपमा, शिरा आणि इडली,डोसा खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं इच्छा होते. त्यातील सगळ्यांचा आवडीचा पदार्थ म्हणजे ढोकळा. लहान मुलांपासून अगदी मोठ्यांपर्यंत सगळ्यांचं ढोकळा खायला खूप जास्त आवडतो. पण बऱ्याचदा ढोकळा बनवताना तो हॉटेलसारखा होत नाही. त्यामुळे कायमच विकतचा ढोकळा आणून खाल्ला जातो. म्हणूनच आज आम्ही तुम्हाला कुकरमध्ये सोप्या पद्धतीत जाळीदार ढोकळा बनवण्याची सोपी रेसिपी सांगणार आहोत. हा ढोकळा घरातील सगळ्यांचं खूप जास्त आवडेल. सकाळच्या पोटी पोटभर नाश्ता करणे आवश्यक आहे. नाश्ता केल्यामुळे दीर्घकाळ पोट भरलेले राहते आणि शरीराला अनेक फायदे होतात. जाणून घ्या ढोकळा बनवण्याची सोपी रेसिपी.(फोटो सौजन्य – istock)

चवीबरोबरच घ्या आरोग्याचीही काळजी… घरी बनवा स्वादिष्ट मसाला ओट्स; चव अशी की पदार्थाचे फॅनच व्हाल

साहित्य:

• बेसन
• लिंबाचा रस
• हळद
• मीठ
• साखर
• मोहरी
• कढीपत्ता
• इनो
• फ्रूट सॉल्ट
• ओल्या खोबऱ्याचा किस

Kojagari Special: १० मिनिटांमध्ये घरच्या घरी सोप्या पद्धतीमध्ये बनवा कोजागरी स्पेशल दूध मसाला, नोट करून घ्या रेसिपी

कृती:

• मऊसूत ढोकळा बनवण्यासाठी, सर्वप्रथम मोठ्या वाटीमध्ये बेसन पीठ, साखर, लिंबाचा रस, हळद, मीठ एकत्र करून व्यवस्थित मिक्स करून घ्या.
• कुकरच्या भांड्यात पाणी घालून लहान वाटी उलटी कुकरमध्ये ठेवा. त्यानंतर कुकरची शिट्टी काढून कुकरमध्ये पाणी ओतून गरम करण्यासाठी ठेवा.
• तयार केलेल्या बेसनाच्या मिश्रणात इनो फ्रुट सॉल्ट घालून व्यवस्थित मिक्स करून घ्या.त्यानंतर ढोकळ्याचे बॅटर १५ सेकंड फेटून घ्या. यामुळे ढोकळा जाळीदार होईल. तेल लावून घेतलेल्या कुकरच्या भांड्यात ढोकळ्याचे मिश्रण ओता.
• गरम कुकरमध्ये ढोकळ्याचे मिश्रण ठेवून शिट्टी काढून घेतलेले झाकण ठेवा. १५ ते २० मिनिटं ढोकळा वाफवल्यानंतर गॅस बंद करून ढोकळा शिजला आहे की नाही ते एकदा चेक करा.
• फोडणीच्या वाटीमध्ये तेल गरम करून मोहरी, कढीपत्त्याची पाने आणि साखर घालून व्यवस्थित मिक्स करा आणि तयार केलेल्या ढोकळ्यावर ओतून सुरीच्या सहाय्याने तुम्हाला हवे तसे तुकडे करून सर्व्ह करा.
• तयार आहे सोप्या पद्धतीमध्ये बनवलेला जाळीदार खमंग ढोकळा. ढोकळ्यावर तुमच्या आवडीनुसार खोबऱ्याचा किससुद्धा टाकू शकता.