केळी खायला आवडत नाहीत? मग सोप्या पद्धतीमध्ये केळ्यांपासून बनवा तिखट गोड कोशिंबीर, चव लागेल सुंदर

नुसतीच केळी खाऊन कंटाळा आल्यास सोप्या पद्धतीमध्ये घरी बनवा केळ्यांची कोशिंबीर. हा पदार्थ तुम्हाला नक्कीच आवडेल. याशिवाय केळ खाणे आरोग्याच्या दृष्टीने अतिशय पौष्टिक आहे. जाणून घ्या केळ्याची कोशिंबीर बनवण्याची रेसिपी.

आपल्यातील सगळ्यांचं फळे खायला खूप आवडतात. फळांचे सेवन करणे आरोग्यासाठी अतिशय फायदेशीर आहे.रोजच्या आहारात नियमित केळी, सफरचंद, द्राक्ष, कलिंगड इत्यादी फळांचे सेवन करावे. या फळांमध्ये असलेले पोषक घटक शरीराला आवश्यक जीवनसत्वे देतात. आज माही तुम्हाला केल्याचे कोशिंबीर बनवण्याची सोपी रेसिपी सांगणार आहोत. याआधी तुम्ही अनेकदा घरी केळ टाकून बनवलेला शिरा किंवा शिकरण खाल्ले असेल. मात्र आज आम्ही तुम्हाला केळ्याची कोशिंबीर बनवण्याची सोपी रेसिपी सांगणार आहोत. कमीत कमी साहित्यामध्ये झटपट पदार्थ बनवायचा असेल तर तुम्ही केळ्याची कोशिंबीर बनवू शकता. कोकणामध्ये केळ्याची कोशिंबीर मोठ्या प्रमाणात बनवली जाते. जेवणात जर केळ्याची कोशिंबीर असेल तर दोन घास जेवण जास्त जाते. चला तर जाणून घेऊया.(फोटो सौजन्य – iStock)

उन्हाळ्याच्या सुट्टीत लहान मुलांसाठी बनवा इडलीचे चविष्ट चाट, पदार्थ पाहून लहान मुलं होतील खुश

साहित्य:

• केळी
• दही
• साखर
• मीठ
• खोबऱ्याचे तुकडे
• हिरवी मिरची

उन्हाळ्यात दुधाचा चहा बनवून पिण्यापेक्षा सोप्या पद्धतीने घरी बनवा Lemon Ice Tea, नोट करून घ्या सिंपल रेसिपी

कृती:

• केळ्याची कोशिंबीर बनवण्यासाठी, केळ्याची साल काढून गोलाकार तुकडे करून घ्या. त्यानंतर हिरव्या मिरचीचे बारीक तुकडे करा.
• मोठ्या वाटीमध्ये केळ्याचे तुकडे घेऊन त्यात बारीक चिरून घेतलेली हिरवी मिरची,चवीनुसार मीठ आणि साखर टाकून मिक्स करा.
• नंतर त्यात ३ ते ४ चमचे दही टाकून मिक्स करून घ्या. आवश्यकतेनुसार दही कोशिंबीरमध्ये टाकावे.
• सगळ्यात शेवटी त्यात बारीक किसून घेतलेलं खोबरं टाकून मिक्स करा.
• तयार आहे सोप्या पद्धतीमध्ये बनवलेली केळ्याची कोशिंबीर. तुम्ही बनवलेला हा पदार्थ घरातील सगळ्यांना नक्कीच आवडेल.