विकतची मिठाई आणण्यापेक्षा ब्रेडचा वापर करून झटपट बनवा मऊमऊ-रवाळ कलाकंद, नोट करून घ्या रेसिपी

सणावाराच्या दिवसांमध्ये बाजारात विकत मिळणारी मिठाई आणून खाण्यापेक्षा घरी सोप्या पद्धतीमध्ये तुम्ही ब्रेड कलाकंद बनवू शकता. हा पदार्थ बनवण्यासाठी जास्त वेळ लागत नाही. चला तर जाणून घेऊया कलाकंद बनवण्याची कृती.

श्रावण महिन्यात येणारा दुसरा सण म्हणजे राखी पौर्णिमा. यादिवशी बहीण भावाच्या मनगटामध्ये राखी बांधते. सणावाराच्या दिवसांमध्ये घरात अनेक वेगवेगळे मिठाईचे प्रकार बनवले जातात. लहान मुलांपासून अगदी मोठ्यांपर्यंत सगळ्यांचं मिठाई खायला खूप जास्त आवडते. मिठाईचे नाव ऐकल्यानंतर सगळ्यांच्या तोंडाला पाणी सुटते. मात्र नेहमीच सणावाराच्या दिवसांमध्ये बाहेरून विकत आणलेली मिठाई खाण्यापेक्षा तुम्ही सोप्या पद्धतीमध्ये ब्रेडचा वापर करून कलाकंद बनवू शकता. जिभेवर ठेवताच विरघळणारा कलाकंद सगळ्यांचं आवडतो. नेहमीच दूध आटवून कलाकंद बनवला जातो. पण आज आम्ही तुम्हाला ब्रेडचा वापर करून कलाकंद बनवण्याची सोपी रेसिपी सांगणार आहोत. सणाच्या दिवशी बाजारात मिठाईच्या किमतींमध्ये वाढ होते. त्यामुळे कमीत कमी वेळात तुम्ही झटपट मिठाई बनवू शकता. चला तर जाणून घेऊया कलाकंद बनवण्याची सोपी रेसिपी.(फोटो सौजन्य –pinterest)

कार्टून कॅरेक्टर डोरेमॉनच्या आवडीचा Dora Cake घरी कसा बनवायचा? लहान मुलं होतील खुश; त्वरित नोट करा रेसिपी

साहित्य:

• ब्रेड
• सुका मेवा
• केशर
• साखर
• दूध
• पाणी

Raksha Bandhan 2025 : स्वीट डिशने वाढवा सणाचा गोडवा! घरी बनवा सर्वांच्या आवडीचा मऊ अन् रसाळ रसगुल्ला

कृती:

• कलाकंद बनवण्यासाठी सर्वप्रथम, टोपात चमचाभर पाणी टाकून दूध ओतून घ्या. यामुळे दूध टोपाला चिटकणार नाही.
• दूध मंद आचेवर उकळी येण्यासाठी ठेवा. दूध व्यवस्थित गरम झाल्यानंतर त्यात ५ ते ६ केशर काड्या टाकून दुधाला व्यवस्थित उकळी काढून घ्या.
• त्यानंतर त्यात तुमच्या आवडीनुसार साखर टाकून चमच्याने सतत मिक्स करत राहा. यामुळे टोपाला दूध चिकणार नाही.
• दुधात केशर टाकल्यामुळे दुधाचा रंग हलकासा केशरी दिसू लागेल. दूध व्यवस्थित घट्ट झाल्यानंतर त्यात तुमच्या आवडीनुसार सुका मेवा टाकून व्यवस्थित मिक्स करून घ्या.
• मोठ्या ताटात ब्रेडचा तुकडा घेऊन त्यावर तयार केलेली रबडी पसरवून घ्या. त्यानतंर त्यावर दूध ओतून पुन्हा एकदा ब्रेड स्लाइस ठेवून पुन्हा एकदा रबडी ओतून थर तयार करा.
• सगळ्यात शेवटी ॲल्युमिनियम फॉईल लावून व्यवस्थित पॅक करून घ्या. तयार केलेला कलाकंद फ्रिजमध्ये सेट होण्यासाठी ठेवा.
• २ ते ३ तासानंतर तयार केलेला कलाकंद काढून सुरीच्या सहाय्याने तुकडे करून सर्व्ह करा.
• तयार आहे सोप्या पद्धतीमध्ये बनवलेले ब्रेड कलाकंद. हा पदार्थ सगळ्यांना खूप जास्त आवडेल.