Food Recipe: जिभेवर ठेवताच विरघळून जाईल शाही चवीचा ‘कॅरॅमल शिरा’, नोट करून घ्या झटपट तयार होणारी रेसिपी

आज आम्ही तुम्हाला कॅरॅमल शिरा बनवण्याची सोपी रेसिपी सांगणार आहोत. हा पदार्थ बनवण्यासाठी अतिशय कमी साहित्य आणि वेळ लागतो. जाणून घ्या कॅरॅमल शिरा बनवण्याची रेसिपी.

सकाळच्या नाश्त्यात कायमच कांदापोहे, उपमा, शिरा, थालीपीठ, पराठा इत्यादी ठराविक पदार्थ बनवले जातात. पण नेहमी नेहमी तेच ठराविक पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा होते. शिरा बनवताना रवा भाजून त्यात साखर मिक्स केली जाते. या पद्धतीने शिरा बनवला जातो. पण आज आम्ही तुम्हाला शाही चवीचा कॅरॅमल शिरा बनवण्याची सोपी रेसिपी सांगणार आहोत. पारंपरिक चवीच्या शिऱ्यापेक्षा कॅरॅमल शिऱ्याची चव अतिशय वेगळी लागते. घरातील कोणत्याही पूजेच्या दिवशी किंवा गोड पदार्थ खाण्याची इच्छा झाल्यानंतर तुम्ही कॅरॅमल शिरा बनवू शकता. हा शिरा तोंडात टाकताच सहज विरघळून जाईल. घरी आलेल्या पाहुण्यांच्या स्वागतासाठी कायम काय बनवावं? हा प्रश्न सगळ्यांचं पडतो. अशावेळी झटपट तुम्ही कॅरॅमल शिरा बनवू शकता.चला तर जाणून घेऊया कॅरॅमल शिरा बनवण्याची रेसिपी.(फोटो सौजन्य – pinterest)

विकतचे चॉकलेट खाणे कायमचे जाल विसरून! या पदार्थांचा वापर करून घरी बनवा healthy Candy, लहान मुलांसह मोठ्यांना नक्की आवडेल

साहित्य:

• रवा
• सुका मेवा
• केशर
• दूध
• पाणी
• साखर
• वेलची पावडर

हाडे मजबूत करून… कर्करोगाचा धोकाही कमी करते पालक; भाजी नाही यंदा बनवा गरमा गरम ‘पालक डाळ’

कृती:

• कॅरॅमल शिरा बनवण्यासाठी सर्वप्रथम, वाटीमध्ये दूध घेऊन त्यात रवा भिजवण्यासाठी ठेवा. रवा १० मिनिटं भिजवल्यास मऊ होईल.
• कढईमध्ये तूप गरम करून त्यात सुका मेवा भाजून घ्या. त्यानंतर पुन्हा एकदा तूप गरम करून त्यात दुधात भिजवलेला रवा घालून चमच्याने सतत मिक्स करा.
• रवा हलकासा भाजून झाल्यानंतर गॅस मंद आचेवर ठेवा. यामुळे रवा जळणार नाही.
• दुसऱ्या कढईमध्ये तूप गरम करून त्यात साखर घालावी. साखर तुपात पूर्णपणे विरघळल्यानंतर दूध घालून मिक्स करा. त्यानंतर त्यात भाजलेला रवा आणि सुका मेवा घालून व्यवस्थित मिक्स करा.
• तयार केलेल्या शिऱ्यावर झाकण ठेवून ५ मिनिटं शिजवा. तयार आहे सोप्या पद्धतीमध्ये बनवलेला कॅरॅमल शिरा.