संडे स्पेशल घरी काही खास आणि टेस्टी बनवायचंय? मग लहान मुलांच्या आवडीचे पोटॅटो बॉल्स बनवा… रेसिपी आहे झटपट

Potato Balls Recipe : कुरकुरीत आणि मजेदार घरी बनवा टेस्टी पोटॅटो बॉल्स. निवडक साहित्यापासून तयार होणारी ही डिश टी-टाईम स्नॅक्ससाठी किंवा स्टार्टर्ससाठी एक परफेक्ट पर्याय आहे.

• आतून मऊ आणि बाहेरून कुरकुरीत चवीचे पोटॅटो बॉल्स चवीला छानच लागतात.
• अचानक घरी आलेल्या पाहुण्यांना झटपट काही चविष्ट करून खायला घालायचं असेल तर ही रेसिपी एकदम परफेक्ट आहे.
• चला जाणून घेऊया पोटॅटो बॉल्सची झटपट रेसिपी.

कुरकुरीत बाहेरून आणि आतून मऊ, स्वादिष्ट बटाट्याचे बॉल्स हा असा स्नॅक आहे जो लहानांपासून मोठ्यांपर्यंत सगळ्यांच्याच आवडीचा आहे. संध्याकाळच्या चहासोबत काहीतरी झटपट आणि टेस्टी बनवायचं असेल, पाहुणे अचानक आले असतील किंवा मुलांच्या टिफिनसाठी वेगळा पर्याय हवा असेल बटाट्याचे बॉल्स नेहमीच परफेक्ट ठरतात. बटाटा हा सहज उपलब्ध पदार्थ असल्यामुळे ही रेसिपी स्वस्त, सोपी आणि पटकन तयार होणारी आहे.

इटालियन पदार्थ खायला खूप जास्त आवडतात? मग घरीच बनवा रेस्टॉरंट-स्टाईल Red Sauce Pasta, नोट करा रेसिपी

या बॉल्समध्ये तुम्ही तुमच्या आवडीनुसार मसाले, चीज, भाज्या किंवा अगदी ब्रेड क्रम्ब्स वापरून वेगवेगळे प्रयोगही करू शकता. गरमागरम बटाट्याचे बॉल्स टोमॅटो सॉस किंवा हिरव्या चटणीसोबत खाल्ले की त्याची चव अजूनच खुलून येते. सर्वात मुख्य म्हणजे ही रेसिपी फार झटपट आणि निवडक साहित्यांपासून तयार होते. चला नोट करूयात रेसिपीसाठी लागणारे साहित्य आणि कृती.

साहित्य

• उकडलेले बटाटे – 4 (मॅश केलेले)
• कॉर्नफ्लोर – 2 टेबलस्पून
• ब्रेड क्रम्ब्स – ½ कप
• हिरवी मिरची – 1 (बारीक चिरलेली)
• आलं-लसूण पेस्ट – 1 टीस्पून
• लाल तिखट – ½ टीस्पून
• गरम मसाला – ½ टीस्पून
• मीठ – चवीनुसार
• कोथिंबीर – 2 टेबलस्पून (चिरलेली)
• तेल – तळण्यासाठी

कायमच मसालेदार भाज्या खाऊन कंटाळा आला असेल तर ‘या’ पद्धतीने बनवा फ्लेवरफूल पनीर भाजी, नोट करा रेसिपी

कृती

• यासाठी सर्वप्रथम एका भांड्यात मॅश केलेले बटाटे घ्या.
• त्यात हिरवी मिरची, आलं-लसूण पेस्ट, लाल तिखट, गरम मसाला, मीठ आणि कोथिंबीर घालून नीट मिसळा.
• मिश्रणात कॉर्नफ्लोर घालून घट्ट गोळा तयार करा.
• या मिश्रणाचे छोटे-छोटे गोळे (बॉल्स) तयार करा.
• हे बॉल्स ब्रेड क्रम्ब्समध्ये घोळवा.
• कढईत तेल गरम करून मध्यम आचेवर बॉल्स सोनेरी रंगाचे होईपर्यंत तळा.
• टिश्यू पेपरवर काढून अतिरिक्त तेल काढून टाका.
• गरमागरम बटाट्याचे बॉल्स टोमॅटो सॉस, मेयोनीज किंवा हिरव्या चटणीसोबत सर्व्ह करा.