महाराष्ट्रीयन जेवणाची शान: घरच्या घरी बनवा अस्सल ‘गोडा मसाला’, रेसिपी करा नोट

Goda Masala Recipe : गोडा मसाला हा हा महाराष्ट्रीयन स्वयंपाकातील एक विशिष्ट सुगंधी आणि पारंपारिक मसाला आहे. हा मसाला तुम्ही घरीच बनवून महिनोंमहिने साठवून ठेवू शकतो.

• महाराष्ट्रीयन जेवणात गोड्या मसाल्याचा आवर्जून वापर केला जातो.
• हा मसाला जेवणाची चव द्विगुणित करतो.
• नेहमी मसाला बाहेरून का घ्यायचा? यंदा गोडा मसाला बनवा घरच्या घरी!

महाराष्ट्रीयन स्वयंपाक म्हटलं की त्याचा आत्मा म्हणजे गोडा मसाला. हा मसाला केवळ चवीसाठी नाही तर परंपरेचा, संस्कृतीचा आणि घरगुती जिव्हाळ्याचा भाग आहे. आमटी, उसळ, भाजी, वरण, भाजी-भाकरी असो किंवा खास सणावाराचे पदार्थ गोडा मसाला नसला तर त्या पदार्थांची चव अपूर्ण वाटते. पूर्वीच्या काळी आजीसोबत आई, मावशी सगळ्या एकत्र येऊन अंगणात मसाला भाजायच्या, त्याचा सुगंध संपूर्ण घरात दरवळायचा. आजही अनेक घरांमध्ये गोडा मसाला घरीच केला जातो, कारण बाजारातील मसाल्यापेक्षा घरगुती मसाल्याची चव, शुद्धता आणि सुगंध वेगळाच असतो.

संडे स्पेशल घरी काही खास आणि टेस्टी बनवायचंय? मग लहान मुलांच्या आवडीचे पोटॅटो बॉल्स बनवा… रेसिपी आहे झटपट

गोडा मसाला फार तिखट नसतो, पण मसाल्यांचा संतुलित वापर असल्यामुळे पदार्थांना खोल, समृद्ध आणि खास महाराष्ट्रीयन स्वाद मिळतो. योग्य प्रमाणात मसाले भाजून, थंड करून, बारीक दळल्यास तयार होणारा गोडा मसाला अनेक महिन्यांपर्यंत टिकतो आणि प्रत्येक पदार्थाची चव वाढवतो. चला तर मग, पारंपरिक पद्धतीने घरीच गोडा मसाला कसा तयार करायचा याची रेसिपी जाणून घेऊया.

 साहित्य 

• धणे – 1 वाटी
• जिरे – ½ वाटी
• सुकं खोबरं (कापलेलं) – 1 वाटी
• तीळ – ¼ वाटी
• दालचिनी – 5–6 तुकडे
• लवंग – 8–10
• काळी मिरी – 1 चमचा
• तमालपत्र – 4–5
• नागकेशर – 8–10 काड्या
• वेलदोडे – 6–7
• दगडफूल – थोडं
• सुके लाल मिरचे – 4–5 (कमी तिखट)
• जायफळ – 1 छोटा तुकडा

चहाची मजा वाढवण्यासाठी काही मिनिटांमध्ये बनवा ‘स्वीट पोटॅटो फ्राईज’, लहान मुलांसह मोठ्यांनाही आवडेल पदार्थ

कृती 

• यासाठी सर्वप्रथम  कढई मंद आचेवर ठेवा आणि त्यात धणे आणि जिरे कोरडे भाजून घ्या.
• त्यानंतर तीळ आणि सुकं खोबरं वेगळं भाजा, खोबरं हलकं तपकिरी होईपर्यंत भाजावं.
• आता दालचिनी, लवंग, मिरी, तमालपत्र, वेलदोडे, नागकेशर, दगडफूल आणि सुके मिरचे हलके भाजा.
• सर्व मसाले पूर्णपणे थंड होऊ द्या.
• थंड झाल्यावर सर्व साहित्य मिक्सरमध्ये बारीक दळा.
• तयार मसाला हवाबंद डब्यात भरून ठेवा.
• मसाले नेहमी मंद आचेवर भाजा, जळू देऊ नका.
• ओलसरपणा येऊ नये म्हणून मसाला पूर्ण थंड झाल्यावरच डब्यात भरा.
• हा मसाला 3–4 महिने सहज टिकतो.