श्रावण महिन्यातील सणांसाठी परफेक्ट गोड पदार्थ! १० मिनिटांमध्ये झटपट बनवा ओल्या खोबऱ्याची दाटसर खीर, नोट करा रेसिपी

श्रावण महिन्यातील सणांचा गोडवा वाढवण्यासाठी १० मिनिटांमध्ये झटपट ओल्या खोबऱ्याची दाटसर खीर बनवू शकता. हा पदार्थ चवीला अतिशय सुंदर लागतो. चला तर जाणून घेऊया खीर बनवण्याची सोपी रेसिपी.

श्रावण महिन्याला सुरुवात झाल्यानंतर घरात गोडाचे विविध पदार्थ बनवले जातात. तांदळाची खीर, शेवयांची खीर, गुलाबजाम तर काहीवेळा विकतचे श्रीखंड आणून खाल्ले जाते. पण नेहमीच तेच ठराविक पदार्थ खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं इच्छा होते. अशावेळी तुम्ही ओल्या खोबऱ्याचा वापर करून दाटसर खीर बनवू शकता. हा पदार्थ चवीला अतिशय भन्नाट लागतो. ओल्या खोबऱ्याची चव, सुका मेवा,वेलची पावडर इत्यादी पदार्थांमुळे खीर अतिशय सुंदर लागते. त्यामुळे घाईगडबडीच्या वेळी गोड पदार्थ खाण्याची इच्छा झाल्यास झटपट तुम्ही ओल्या खोबऱ्याची खीर बनवू शकता. श्रावण महिन्यात प्रत्येक घरात वेगवेगळे गोड पदार्थ बनवले जातात. यामुळे सणांचा उत्साह आणखीनच वाढतो. चला तर जाणून घेऊया ओल्या खोबऱ्याची खीर बनवण्याची सोपी रेसिपी.(फोटो सौजन्य – pinterest)

प्रिझर्व्हेटिव्हयुक्य बाजारातील हानिकारक सॉस खाण्याऐवजी सोप्या पद्धतीमध्ये बनवा चटपटीत टोमॅटो सॉस, नोट करा रेसिपी

साहित्य:

• ओल्या खोबऱ्याचा किस
• दूध
• वेलची पावडर
• सुका मेवा
• केशर
• तूप
• जायफळ पावडर
• साखर

१५ मिनिटांमध्ये श्रावण सोमवारच्या नैवैद्यासाठी पारंपरिक पद्धतीने बनवा गव्हाची खीर, नोट करून घ्या रेसिपी

कृती:

• ओल्या खोबऱ्याची दाटसर खीर बनवण्यासाठी सर्वप्रथम, ओलं खोबर किसून घ्या. खोबर बारीक किसल्यास चव मस्त लागेल.
• कढईमध्ये दूध गरम करण्यासाठी ठेवा. दुधाला उकळी आल्यानंतर गॅस मंद आचेवर करून ठेवा. त्यानंतर चमच्याने सतत मिक्स करत राहा.
• दूध घट्ट झाल्यानंतर त्यात ओल्या खोबऱ्याचा किस घालून व्यवस्थित मिक्स करा आणि एक उकळी काढून घ्या.
• तयार केलेल्या मिश्रणात साखर, सुका मेवा आणि केशर काड्या घालून व्यवस्थित मिक्स करा.
• तयार केलेली खीर ५ मिनिटं मंद आचेवर ठेवा. त्यानंतर गॅस बंद करून खीर खाण्यासाठी सर्व्ह करा.
• तयार आहे सोप्या पद्धतीमध्ये बनवलेली ओल्या खोबऱ्याची दाटसर खीर.