Summer Drink: कडक उन्हाळ्यात शरीराला थंडावा देण्यासाठी घरी बनवा काकडी-कलिंगड स्मुदी, पचनक्रिया राहील निरोगी

वाढत्या उन्हाळ्यात शरीर हायड्रेट ठेवण्यासाठी नेहमी नेहमी कॉल्सड्रिंक्सचे सेवन न करता काकडी कलिंगडच्या स्मूदीचे सेवन करावे. ही स्मूदी शरीराला थंडावा देते. जाणून घ्या स्मूदी बनवण्याची सोपी रेसिपी.

उन्हाळा वाढल्यानंतर शरीराला पाण्याची जास्त आवश्यकता असते. इतर ऋतूंच्या तुलनेत उन्हाळ्यात भरपूर पाणी प्यावे. पाणी प्यायल्यामुळे शरीर हायड्रेट राहते. शरीरातील ओलावा कायम टिकवून ठेवण्यासाठी पाण्यासोबतच, लिंबू सरबत, दही, ताक इत्यादी थंड पेयांचे सेवन करावे. थंड पेयांच्या सेवनामुळे शरीरात वाढलेली उष्णता कमी होते आणि शरीर थंड राहते. उन्हाळ्यात नाश्त्यामध्ये कोणत्याही तेलकट किंवा तिखट पदार्थांचे सेवन करण्याऐवजी स्मूदी किंवा मिल्कशेकचे सेवन करावे. यामुळे शरीरात ऊर्जा टिकून राहते. यासोबतच पचनक्रिया देखील निरोगी राहते. पचनसंबंधित कोणत्याही समस्या उद्भवत नाही. म्हणूनच आज आम्ही तुम्हाला काकडी कलिंगड स्मूदी बनवण्याची सोपी रेसिपी सांगणार आहोत. या स्मूदीचे सेवन केल्यामुळे आरोग्याला अनेक फायदे होतात. याशिवाय काकडी आणि कलिंगड शरीर हायड्रेट ठेवते. जाणून घ्या स्मूदी बनवण्याची सोपी रेसिपी.(फोटो सौजन्य – iStock)

चमचाभर बडीशेप आणि खडीसाखरेचा वापर करून उन्हाळ्यात बनवा थंडगार सरबत, उष्णता होईल कमी

साहित्य:

• काकडी
• कलिंगड
• दही
• मध
• पिठीसाखर
• दूध
• बर्फाचे तुकडे

उन्हाळ्यात शरीरासाठी फायदेशीर ठरेल थंडगार बीटची कांजी! पारंपारिक पद्धतीने तयार करा पेय

कृती:

• काकडी कलिंगड स्मूदी बनवण्यासाठी सर्वप्रथम, काकडी आणि कलिंगड स्वच्छ धुवून घ्या. साल काढून घेतलेल्या काकडीचे बारीक तुकडे करा.
• मिक्सरच्या भांड्यात बारीक करून घेतलेली काकडी आणि कलिंगडचे तुकडे टाकून बारीक वाटून घ्या.
• त्यानंतर त्यात दही, दूध, पिठीसाखर आणि मध घालून पुन्हा एकदा बारीक वाटून घ्या.
• सगळ्यात शेवटी तयार केलेल्या स्मूदीमध्ये बर्फाचे तुकडे घालून मिक्स करून घ्या.
• तयार करून घेतलेली स्मूदी काचेच्या ग्लासात टाकून वरून कलिंगडचे बारीक तुकडे टाकून सजवा.
• तयार आहे सोप्या पद्धतीमध्ये बनवलेली काकडी कलिंगड स्मूदी.