उन्हाळ्यात शरीरासाठी फायदेशीर ठरेल थंडगार बीटची कांजी! पारंपारिक पद्धतीने तयार करा पेय

उन्हाळ्यात थंड पेय पिण्याची इच्छा झाल्यानंतर तुम्ही बीट कांजी बनवू शकता. हा पदार्थ बनवण्यासाठी जास्त साहित्य लागत नाही. तसेच यामध्ये असलेले प्रो बायोटिक गुणधर्म शरीराची पचनक्रिया सुधारतात.

उन्हाळ्यात शरीरासाठी फायदेशीर ठरेल थंडगार बीटची कांजी

Follow Us:

Follow Us:

लोहयुक्त बीटचे सेवन करणे आरोग्याच्या दृष्टीने अतिशय फायदेशीर आहे. बीटचे सेवन केल्यामुळे शरीरात निर्माण झालेली रक्त आणि हिमोग्लोबिनची कमतरता भरून निघण्यास मदत होईल. उन्हाळा वाढल्यानंतर पचनशक्ती कमकुवत होऊन जाते. तिखट किंवा तेलकट पदार्थांचे सेवन केल्यामुळे पचनसंबंधित समस्या उद्भवू लागतात. शरीरात वाईट बॅक्टरीया पसरल्यानंतर आतड्यांचे कार्य बिघडते. आतड्यांचे कार्य सुरळीत ठेवण्यासाठी शरीराला प्रो बायोटिकची आवशक्यता असते. अशावेळी दही खाण्याचा सल्ला दिला जातो. कारण दह्यामध्ये प्रो बायोटिक गुणधर्म आढळून येतात. मात्र आपल्यातील अनेकांना दही खाणे आवडत नाही. अशावेळी तुम्ही दह्याचे सेवन न करता बीटची कांजी बनवू शकता. उत्तर भारतासह इतर अनेक ठिकाणी उन्हाळ्याच्या दिवसांमध्ये कांजी प्यायली जाते. कांजी हे फरमेंटेड पेय आहे. चला तर जाणून घेऊया बीट कांजी बनवण्याची सोपी रेसिपी.(फोटो सौजन्य – pinterest)

Raw Banana Chutney: कच्च्या केळीपासून बनवा चविष्ट अन् पौष्टिक चटणी; चव अशी बोटं चाटत रहाल

साहित्य:

• बीटचे तुकडे
• गाजरचे तुकडे
• मीठ
• जिरे पावडर
• हिरवी मिरची
• पाणी

Chutney Recipe: वरणभात किंवा भाकरीसोबत खाण्यासाठी सोप्या पद्धतीमध्ये बनवा कच्च्या टोमॅटोची चटणी, नोट करा रेसिपी

कृती:

• बीट कांजी बनवण्यासाठी सर्वप्रथम, काचेच्या मोठ्या बरणीमध्ये दीड लिटर पाणी टाकून घ्यावे.
• पाण्यामध्ये बारीक तुकडे करून घेतलेले बीट आणि गाजर टाका. नंतर त्यात 4 किंवा 5 तिखट उभ्या चिरून घेतलेल्या मिरच्या टाका.
• बाटलीमधील पाण्यात चमचाभर मीठ, चमचाभर जिरे पावडर घालून चमच्याने व्यवस्थित मिक्स करून घ्या.
• त्यानंतर बरणीचे तोंड कापडाच्या फडक्याने घट्ट बांधून २ दिवस उन्हामध्ये ठेवा.
• दोन दिवस उन्हात ठेवल्यानंतर त्यातील भाज्या काढून तयार झालेली कांजी फ्रिजमध्ये थंड होण्यासाठी ठेवा.
• तयार आहे सोप्या पद्धतीमध्ये बनवलेली बीटची थंडगार कांजी. या पेयांचे नियमित सेवन केल्यामुळे उन्हात बिघडलेली पचनक्रिया सुधारण्यास मदत होईल.

Web Title: How to make beetroot kanji at home benefits of eating beetroot healthy drinks

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com