Shravan 2025:उपवासाच्या दिवशी सकाळच्या नाश्त्यात झटपट बनवा खमंग मऊ उपवासाचा पराठा, उद्भवणार नाही पित्ताचा त्रास

उपवासाच्या दिवशी सकाळच्या नाश्त्यात नेमकं काय खावे? असा प्रश्न पडल्यानंतर तुम्ही सोप्या पद्धतीमध्ये उपवासाचा पराठा बनवू शकता. हा पदार्थ चवीला अतिशय सुंदर लागतो. जाणून घ्या पराठा बनवण्याची सोपी रेसिपी.

सकाळच्या नाश्त्यात अनेक वेगवेगळ्या पदार्थांचे सेवन केले जाते. कांदापोहे, उपमा, शिरा किंवा इतर अनेक वेगवेगळे पदार्थ बनवून खाल्ले जातात. मात्र उपवासाच्या दिवशी नेमकं काय खावं? हे बऱ्याचदा सुचत नाही. साबुदाणा खिचडी, साबुदाणा वडा, बटाटा हेच ठराविक पदार्थ खाल्ले जातात. मात्र उपाशी पोटी साबुदाण्याचे सेवन केल्यामुळे पोटात ऍसिडिटी वाढून अपचन होते. गॅस, आम्ल्पित्त वाढते आणि वारंवार आंबट ढेकर येऊ लागतात. म्हणूनच आज आम्ही तुम्हाला उपवासाच्या दिवशी खमंग मऊ पराठा बनवण्याची सोपी रेसिपी सांगणार आहोत. हा पराठा कमीत कमी साहित्यामध्ये झटपट तयार होतो. उपवासाच्या दिवशी शरीरातील ऊर्जा काहीशी कमी होऊन जाते. ऊर्जा टिकून ठेवण्यासाठी पोटभर नाश्ता करावा. चला तर जाणून घेऊया उपवासाचा पराठा बनवण्याची सोपी रेसिपी.(फोटो सौजन्य – pintrest)

Shravan 2025: साबुदाण्याचा वापर न करता १० मिनिटांमध्ये बनवा चविष्ट राजगिऱ्याची खीर, चवीसोबतच पचनक्रिया राहील निरोगी

साहित्य:

• साबुदाणा
• बटाटा
• हिरवी मिरची
• शेंगदाण्याचा कूट
• तूप
• जिरं

लाखो वर्षांपासून भारतीय लोक हाताने का जेवतात? जाणून घ्या शरीराला होणारे आश्चर्यकारक फायदे

कृती:

• पराठा बनवण्यासाठी सर्वप्रथम, कढई गरम करून त्यात साबुदाणे टाका आणि व्यवस्थित लालसर परतून घ्या. त्यानंतर साबुदाणे थंड होण्यासाठी ठेवा.
• मिक्सरच्या भांड्यात साबुदाणे टाकून बारीक पावडर तयार करून घ्या. यामुळे पराठ्याचे पीठ मऊ होईल.
• मोठ्या वाटीमध्ये मॅश करून घेतलेला बटाटा, हिरव्या मिरचीची पेस्ट आणि जिरं टाकून व्यवस्थित मिक्स आणि नंतर साबुदाण्याचे पीठ टाकून व्यवस्थित मिक्स करा.
• तयार केलेल्या मिश्रणात चवीनुसार मीठ टाकून व्यवस्थित मळून घ्या. तयार केलेले पीठ ५ मिनिटं झाकून ठेवा.
• तयार केलेल्या पिठाचे छोटे छोटे गोळे करून पराठा जाडसर लाटून घ्या. गरम तव्यावर पराठा टाकून दोन्ही बाजूने व्यवस्थित भाजा आणि तूप लावा.
• पराठा दह्यासोबत किंवा काकडीच्या चटणीसोबत अतिशय सुंदर लागतो. तयार आहे मऊसूत उपवासाचा पराठा.