आषाढी एकादशीनिमित्त घरी बनवा उपवासाची थंडगार रसमलाई! गोड पदार्थ पाहून घरातले होतील खुश, नोट करा रेसिपी

उपवासाच्या दिवशी नेमका काय गोड पदार्थ बनवावा? हे बऱ्याचदा सुचत नाही. अशावेळी तुम्ही झटपट साबुदाण्याची रसमलाई बनवू शकता. हा पदार्थ चवीला अतिशय सुंदर लागतो. जाणून घ्या रसमलाई बनवण्याची रेसिपी.

संपूर्ण महाराष्ट्रात आषाढी एकादशी ६ जूनला मोठ्या उत्साहात साजरा केली जाणार आहे. दरवर्षी लाखोंच्या संख्येने वारकरी वारीमध्ये सहभागी होतात. हजारो किलोमीटरचे अंतर पार करत विठू रायाच्या दर्शनासाठी पंढरपूरमध्ये जातात. वारीतील काही अविस्मरणीय क्षण पाहण्यासाठी देशभरातून लाखो भाविक पंढरपूरमध्ये जातात. एकादशीच्या दिवशी उपवास करत विठुरायाचे नामस्मरण केले जाते. उपवासाच्या दिवशी घरात साबुदाण्याचे पापड, बटाट्याचा, रताळ्याचा किस, भाजी, कोशिंबीर, वरी भात, दाण्याची आमटी इत्यादी अनेक पदार्थ बनवले जातात. याशिवाय विठ्ठलाच्या नैवेद्यासाठी शिंगाड्याचा शिरा, लाडू, रताळ्याच्या गोड फोडी, गुलाबजाम इत्यादी पदार्थ बनवले जातात. मात्र आज आम्ही तुम्हाला उपवासाचीथंडगार रसमलाई बनवण्याची सोपी रेसिपी सांगणार आहोत. हा पदार्थ चवीला अतिशय सुंदर लागतो. चला तर जाणून थंडगार रसमलाई बनवण्याची सोपी रेसिपी.(फोटो सौजन्य – istock)

हॉटेल सारखा लच्छा पराठा घरी कसा तयार करायचा? एक एक पदर होईल वेगळा… अवघ्या १५ मिनिटांची रेसिपी

साहित्य:

• साबुदाणा
• मिल्क पावडर
• साखर
• वेलची पावडर
• केशर
• काजू बदामाचे तुकडे
• दूध
• मिल्क मेड

पावसाळ्यात सकाळच्या नाश्त्यात गरमागरम भाकरीसोबत खाण्यासाठी झटपट बनवा कांद्याच्या पातीची चमचमीत चटणी

कृती:

• उपवासाची थंडगार रसमलाई बनवण्यासाठी, मोठ्या कढईमध्ये दूध गरम करण्यासाठी ठेवा.
• वाटीभर बारीक साबुदाणे घेऊन ४ वेळा पाण्याने स्वच्छ धुवून घ्या. त्यानंतर १० ते १५ मिनिट साबुदाणे पाण्यात भिजत ठेवा.
• दुधाला उकळी आल्यानंतर त्यात मिल्क मेड आणि वेलची पावडर घालून व्यवस्थित मिक्स करून घ्या. यामुळे दुधाला घट्टपणा येईल.
• भिजवून घेतलेले साबुदाणे मिक्सरच्या भांड्यात टाकून बारीक वाटून घ्या. त्यानंतर त्यात साखर आणि मिल्क पावडर घालून सर्व मिश्रण हाताने व्यवस्थित मिक्स करा.
• हाताला तूप लावून तयार केलेल्या मिश्रणाचे छोटे छोटे गोळे करून गरम केलेल्या दुधात टाकून शिजवून घ्या.
• १० ते १५ मिनिटं व्यवस्थित शिजल्यानंतर वरून काजू बदामाचे तुकडे आणि केशर काड्या टाकून मिक्स करा.
• तयार आहे सोप्या पद्धतीमध्ये बनवलेली उपवासाची रसमलाई.