कधीच उद्भवणार नाही पचनाची समस्या! सोप्या पद्धतीमध्ये घरी बनवा आलं-लिंबू पाचक, पोट होईल स्वच्छ

शरीरात वाढलेली अपचनाची समस्या कमी करण्यासाठी आहारात आलं लिंबू पाचक प्यावे. यामुळे शरीरात साचून राहिलेली घाण बाहेर पडून जाते आणि आरोग्याला अनेक फायदे होतात.

रोजच्या आहारात सतत तेलकट किंवा तिखट पदार्थांचे अतिसेवन केल्यामुळे पचनाच्या समस्या उद्भवू लागतात. वारंवार गॅस, ऍसिडिटी किंवा पचनाच्या सर्वच समस्या उद्भवू लागतात. पचनाची समस्या उद्भवू लागल्यानंतर शरीराला हानी पोहचते. पोटात उष्णता वाढणे, बद्धकोष्ठता किंवा आरोग्यासंबंधित इतरही समस्या उद्भवू लागतात. त्यामुळे शरीरात वाढलेली ऍसिडिटी कमी करण्यासाठी आलं लिंबू पाचकचे सेवन करावे. यामुळे शरीरात साचून राहिलेली घाण बाहेर पडून जाते. आल्याच्या रसात ‘जिंजेरॉल’ नावाचे संयुग आढळून येतात. त्यामुळे अपचन, गॅसेस आणि पोटदुखी कमी होते. तसेच लिंबाच्या रसात विटामिन सी मोठ्या प्रमाणावर आढळून येते. विटामिन सी युक्त पेयांचे नियमित सेवन केल्यास शरीराची रोगप्रतिकारशक्ती वाढण्यास मदत होते. पोटात गॅस वाढल्यानंतर कोणताही पदार्थ खाण्याची किंवा पिण्याची इच्छा होत नाही. अशावेळी तुम्ही आलं लिंबू पाचक पिऊ शकता. चला तर जाणून घेऊया आलं लिंबू पाचक बनवण्याची सोपी रेसिपी.(फोटो सौजन्य – pintrest)

गटारी होईल आणखीनच स्पेशल! भाकरी-वड्यांसोबत खाण्यासाठी झटपट बनवा झणझणीत मटण चॉप्स फ्राय

साहित्य:

• आलं
• लिंबाचा रस
• काळ मीठ
• हिंग
• पाणी

उरलेल्या भातापासून सकाळच्या नाश्त्यासाठी झटपट बनवा मऊसर इडली, नोट करून घ्या पदार्थ

कृती:

• आलं लिंबू पाचक बनवण्यासाठी सर्वप्रथम, आलं स्वच्छ धुवून वरील साल काढून घ्या. त्यानंतर आलं बारीक किसून घ्या.
• किसून घेतलेल्या आल्याचा रस काढा. रस काढून झाल्यानंतर कॉटनच्या कपड्यात तयार केलेला रस टाकून गाळून घ्या.
• मोठ्या वाटीमध्ये आल्याचा रस घेऊन त्यात लिंबाचा रस आणि काळे मीठ टाकून मिक्स करा.
• त्यानंतर त्यात थोडस हिंग घालून आवश्यकतेनुसार पाणी घालून तयार केलेला रस तुम्ही पिऊ शकता.
• अपचन किंवा पोटाच्या कोणत्याही समस्या वाढल्यानंतर आलं लिंबू पाचक तुम्ही पिऊ शकता.